رواية قسمة ونصييييييب 🍁 🍁 🍁
الحلقة 25 🌟🌟🌟
دعني
.. احضنك .....واذهب بك بعيدا...
احلق بك ..الى سماء الحب...
بعيدا...حيث الراحه والامان على صدرك...
احضنك...واترك نفسي اموت بين ذراعيك
اتنفس هواك...فانا احبك
حضني بقوة عصرني عصر قعدت مقعمزة متجمدة ماقدرتش اندير اي ردة فعل حسيت انفاسي تلاشت من قوة الحضن ، ريحته اللي عبت حوايجي انفاسه حضنه الدافيء وريحة سيجارته المميز ، و صوته الحنون وهوا يهمس بكلمة انحححبك
رجعت بيا الذاكرة لي قبل 4 سننيين
اني مقعمزة نبكي ودموعي علي خدي
خش وقعمز بحداي
هوا : خيرها لمورة خيرها حبيبتي تبكي .
اني : اني قتلك نبي نمشي للبحر وانت وعدتني ترفعني ، علاش ماوفيتش بوعدك اااه " وكتفت ايديا وطرمت فمي "
هوا : هههههههههه ياحليلي عليك واللهي شكلك يضحك وانتي مطرمة .
اني " زدت نبكي اكثر " :امشي معاش تكلمني ، واللهي ماتتحشم .
اضحك وحضني بقوة ودار بيا في الدار
اني : يامجنون نزلني نزلني واللهي كان يخش حد لما يوريك .
هوا : انقولهم حبيبتي ، حبيبتي انتي .
نزلني
اني " بنظرة براءة " : بترفعني للبحر حبيبي .
هوا : حاضر ياعيوني انتي ، لامار انتي القلب انتي العمر انتي حياتي ، اني مانقدرش نعيش بدونك حتي ثانية واحدة ، ماتسيبينيش حبيبيتي اوعديني نكونوا لبعض العمر كله اوعديني لمورة .
اني " نشوف لعيونه وابتسمت " : نوعدك ياقلبي ، لكن حتي انت اوعدني انك تقعد تحبني العمر كله وماتبعدش عليا بكل مهما كان السبب .
هوا : نوعدك يانبضي ، وهمس في وذني بخفة انحححبك .
نرجعوا ...
نزلت دمعة حارة علي خدي وانور قاعد عاصرني بين ايديه كأني طفلته الصغيرة اللي خايف يفقدها ، كان متمني انه الزمن يوقف واني نقعد في حضنه طوول العمر ، كان متمني اني نقوله انحبك وتعالي نكملو مع بعض واني حننسي كل شيء صار قبل ، لكن للاسف هوا مش فاهم انه قلبي خلاص ابدي من ممتلكات شخص آخر ، مايعرفش اني نحب مجد حب اسطوري حديث الولادة مسقط رأسه في قلبي بين ضلوعي وفؤادي .
بعدته من عليا بقوة ....
اني " بدموع وعصبية " : انور انت مجنون كيييف ادير هكي .
انور : حبيبتي اهدي ماصار شيء ياسر دموع وتعالي نروح بيك .
اني " في لحظة كنت نحسابك شخص تاني انحبه حب جنوني ، تمنيتك تكون هوا ، تمنيته الحضن منه هوا ، تمنيته هوا يمسحلي دموعي ويهديني مش انت بكل مش انت يانور ، شن جابك بس ، غر شن جاااابك "
انور " بخوف " : وين سرحتي حبيبتي ، يلا لمورة نمشوا مادما اهدت الدنيا برا .
اني " باستغراب ودموع " : شن جاااااااابك انت اهني .
اانور " ابتسم بحب وحط ايديه علي وجي وقرب من وذني "
اني " انصدمت من جرأته وادجمدت اصلا مش عارفة شن ندير غمضت عيوني بخووف ورعشة "
انور " همس في وذني " : اني انحححححبك انحببببك يأغلي شيء صار في حياتي واللهي الا نحبببك ومانبي اي بنت تكون في مكانك ، سامحيني سامحيني يانوارة عيوني اني سمحت لغيرك يقرب مني واللهي غصبا عني واللهي اني مانبي بس هيا بدت تتصل وتتقرب واني بديت نضعف ونرد .
اني " مش فاهمة شيء ومش مستوعبة منه ولا كلمة اكتفيت اني نقوله يروح ويسيبني "
انور " بحب " : لالا لالا اني اللي جاي منروح بيك في آخر لحظة وسام ماقدرش يجي لانه مشي للمستشفي وقال لحسام يروح بيك، وطبعا اني جيتك طيران لما عرفت وغمزني .
اني " بخوف وصدمة " : مستشفي !! علااااااش فهمني شن فييه .
انور " بشوق " : خلاص حبي مافي شيء بس عمي خليفة رفعوه البارح في الليل للمشفي .
اني " بخوف طلعت نجري ارفعني للمستشفي فيسع يلا ، تلفتت القييته قاعد واقف بشوفلي وسارح رجعت جبدته من ايده بقوة واخديت شنطتي وطلعت نجري اني وياه .
احكالي انور في السيارة الحكاية كلها .
أنت تقرأ
قسمة ونصييييييب 🍁 🍁 🍁
Romanceروايتي باللهجة الليبية انا فتاة في سن المراهقة عمري 17 عاما ........ لعبت بي ايدي القسمة والنصيييب وكأنني لعبتها المفضلة ....وضعتني امام الهاوية ...لارمي بجسدي الممزق بها .......لم اعد اعلم ماهو الحب ......ولا كيف احمي نفسي منه ...........وهل فعلا...
