رواية قسمة ونصييييييب 🍁 🍁 🍁
الحلقة 23 🌟🌟
بعنوان { صفعني القدر وجبرتني الظروف }☆
👑صاعب فراقك مر كيف نطيقه _-_____-_ ونا قبل ما نحمل بلاك دقيقه
ليش تفارق _-________________-_ وعارف فراقك مر منه شارق
عقلى العايم فى بحورك غارق _-_____-_ وانت إللى تجلى غمامة ضيقه
بعدك عليا راه جوفى حارق _-______-_ ونقول مانجحد عليك حقيقه 👑
نضال تعصب ولوح التلفون علي الصالون بتعب وصدمة
خشت سناء : خيرك نضال شن فيك وخيي.
نضال " بألم " فسخوا الخطبة .
سناء " انصدمت " :وانت وجيهان شن دخلكم في النص ، هادي اكيدة الغولة سعاد هيا اللي دارت هكي ، لان جيهان مستحييل اديرها .
نضال " بخوف " : اني حاسس انه في شيء تاني .
سناء : كيف يعني .
نضال : جيهان مش طبيعية صوتها متغير وكانت تبكي وفي دوشة بحداها واني معاش عارف شيء.
سناء : توا نحاول نفهملك ، انت هدي اعصابك .
خشت للدار امتعها لقت تلفونها يشرين شافت الاسم سكرت باب الدار بالمفتاح وردت .
سعد " بعشق " : الوووو ياحبي .
سناء : وعليكم السلام .
سعد " يبصر " : خلعتيني نسحاب روحي غلطت واتصلت بخوك نائف هههههه.
سناء " بغضب " : سسسسسعد.
سعد " بحب " : يانعليا الغضبان قداش مانحبه .
سناء " ابتسمت " : امممم باهي قداش تحبني .
سعد " بلهفة وحنية " : قد مانوصفلك شوية ، انتي حاجة فوق استاطعتي للوصف ، تعرفي فاش خاطري توا .
سناء " بتأمل " : فاااش .
سعد " بشوق " : نحضنك ونبوسك وناخدك--
قطعت عليه سناء
سناء " متحشمة وحامقة منه " : اسسسسس خلاص مش الحق فيك الحق فيا اللي فتحتلك المجال لدوتك الزايدة .
سعد " يضحك علاها " : هههههههههههه يانعليا اللي يتحشم ، غر قوليلي شن درتي اليوم يالحب .
سناء : اااااااخ وخلاص الحوش كله متكهرب لكن قبل مانحكيلك نبي نطلب منك طلب .
سعد : عمري كله ليك سنو ، انتي تؤمري مش تطلبي .
سناء " بتضايق " : اليوم صارت مشكلة بينا وبين حوش عمي خليفة ، تقدر تتصل بواحد من اولاد عمي خليفة وتعرفلي شن فيه .
سعد " بخوف " : فهميني فهميني مشكلة شني .
سناء " احكتله كل شيء "
سعد " بصدمة " : لاحول ولاقوة الا بالله .
سناء " بحزن " : شفت شن صاير فينا .
سعد " يفكر " : سنو نقدر نسألك سؤال .
سناء " باستغراب " : اهااا تفضل .
سعد : لو المشكلة هادي صارت معاي اني وياك ، شن بتكون ردة فعلك ، هل حتحاربي اهلك علي خاطري ولا تستسلمي لصفعة القدر وتنسيني .
سناء " ارتبكت من سؤاله وماعرفتش شن تجاوب " : احيانا تجبرنا الظروف انه نبعدوا ، لكن اني وياك مستحيل ننحطوا في نفس الموقف ، لاني مستحيل نخليك تقرب مني ياسعد .
سعد " ماكانش مستني هذا الرد لكن ماحبش يطول في الدوة " : باهي حبيبتي توا انشوف الموضوع وانرد عليك .
《° علي فكرة سناء ممرضة تخدم في عيادة خاصة وسعد يخدم في مصنع شوكلاطة صغير ، المصنع شركة بين سعد وكريم وأيمن وأسامة .- سعد يخدم ويقرا هوا سنة ثالثة محاسبة وهوا شخص عصامي ويبني في نفسه بنفسه ، بادي يبني في حوشه ويشقي ليل نهار باش يجهز لحبيبته سناء كل شيء تتمناه وتحلم بيه ومايبي ينقص علاها حتي حاجة ، وعلي قد ماهيا جافة وباردة في اسلوبها معاه علي ماقد هوا يحبها ويموت علاها - نوصفلكم سعد متوسط الطول لون عيونه خضر فيهم لمعة تهببل وبشرته بيضاء ونقشه علي الاشقر وتحسيه انيق وجنتل ويحب سيارات بي ام هلببا وتحسيه رزين وعاقل لكن مع سناء مجنون ومتهور من كثر مايحبها -
أما سناء
أقصر من سعد بشوية تعتبر طوييلة ، شعرها كستنائي وبيضاء لكن مش هلبا ، وعيونها قهويات ، وضعييفة هلبا ، تحساها عاقلة هلببببا خاصة بعد القصة اللي حكيتلكم علاها ، ماتحبش تبين مشاعرها ، قلييل النادر تلقاها تضحك ، لبسها كله حلو وانيق ماتحبش تلبس حاجات طوال هلبا ومحترمة في حطت حجابها 》
أنت تقرأ
قسمة ونصييييييب 🍁 🍁 🍁
Romanceروايتي باللهجة الليبية انا فتاة في سن المراهقة عمري 17 عاما ........ لعبت بي ايدي القسمة والنصيييب وكأنني لعبتها المفضلة ....وضعتني امام الهاوية ...لارمي بجسدي الممزق بها .......لم اعد اعلم ماهو الحب ......ولا كيف احمي نفسي منه ...........وهل فعلا...
