قسمة ونصييييييب 🍁 🍁 🍁

الحلقة الثالثة 🌻🌻🌻🌻

فتحت عيونها بالشوية ورجعت سكرتهم فتحت عيونها شافت روحها راقدة علي سرير ابيض والتغدية راكبا في ايدها تفتح وتسكر في عيونها بالسيف وناضت تذكر اني شن اندير اهني وامتي جيت انتبهت ان حد امقعمز علي الكرسي بحداها شافت لقاته سليم متكي علي الكرسي وشكله راقد شافت الساعة لقتها 9 الصبح قالت معقولة اني راقدة من البارح وسليم اااااااااه وناضت تبكي بالم اكيدة اعرف وسكتت وتلفتت علي الجهة التانية لما حست انه ابدي يستاقظ .....
سليم (وهوا يتكسل) ااااه يوالله نومة وخلاص عظامي تكسروا وناض ينادي ماجدة ماجدة نووضي( وهوا معصب )
ماجدة تسمع فيه ومابتش تتلفت ولابت تتكلم فضلت الصمت
سليم:(والغضب مسيطر علي صوته)اني عارف انك نايضة ردي عليا وشوفيلي
ماجدة :(حست بالخوف منه هلبا اول مرة هذا الشعور تحسه )
سليم :اني كنت نسحابك بعقلك وبوعيك كنت انشوف فيك انسانة عاقلة وراكزة وتتحملي المسؤولية ماكنتش نسحابك طايشة وانانية زي توا
ماجدة :(الكلمة وجعتها هلبا "انانية " معقولة ياسليم اني انانية ودرت كل شيء علي خاطرك وضحيت بكل شيء باش منزعلكش لكن مابتش تتكلم وقعدت ساكته لكن دموعها ماقدرتش اتشدهم بكل)
سليم (بعصبية وبصوت عالي )ماااااااااااااااااجدة تلفتيلي نكلللللللم فييييييييييييييييك اني
ماجدة :(رجف كل جسمها )وتلفتت وجهها كان احمر والدموع ينزلو كانهم نهر وتشهق من البكيء وتبكي بعبرة
سليم (لما شافها بهادي الحالة حس انه قسيه علاها هلبا وشاف فاها الطفلة البريئة اللي تبكي لما يوبخها باها وهيا عارفة انها غالطة وقعد يقول لي روحه هادي ماجدة حبيبتي هادي روحي وانفاسي مستحيل نقدر نسيبها)قاللها بصوت حنون وهادي:مجودة حبيبتي خلاص امسحي دموعك ياروحي خلاص معاش تبكي
ماجدة:(بصوت مبحوح من الكثر البكيء )اني آسفة سليم اني نحبك نحبك هلبا منقدرش نتخيل حياتي بدونك اني لما عرفت اني حامل فقدت وعيي مقدرتش نفرح زي كل النساوين مقدرتش انحس باي شيء غير باني خلفت وعدي ليك وخلفت العهد اللي اتفقنا عليه اني صح انحب الصغار هلبا😭😭 لكن انت عندي اهم من كل صغار الدنيا ومانقدرش علي زعلك بكل.😭.. حسيت انك كان عرفت مش حترجع تكلمني وحتاخد علي خاطرك مني وحتبطل تحبني فلذلك قررت اني انزل الولد سامحني سامحني😭😭😭
سليم : خلاص حبيبتي اللي صار صار لكن اني ازعجني هلبا انك ماعبرتينيش وماقلتيلش لا وزيادة تاني ان كان في خطر كبير علي حياتك انتي مش مستوعبة الكلام هذا ولا شن القصة
ماجدة :(وهي تبكي وتنوح)اني عارفة الدكتورة قالتلي لكن ماكانش عندي حل تاني رضاك عندي اغلي من كل شيء سامحني ياغالي وشدت بطنها وناضت تبكي اني كيف هانت عليا نفسي خسرت اغلي شيء في حياتي خسرت ابني لكن الحمدلله
سليم :خلاص حبيبتي امسحي دموعك وابتسمي اني منمشي نكلم الدكتور
ماجدة :حاظر😛حبيبي
وقف سليم وجي بيطلع نيين يسمع وراه ضحك هستيري وقف مصدوم وتلفت لقي ماجدة ميتة بالضحك عليه امشي قاللها خيرك ختشتي قتلك ابتسمي مش اهبلي
ماجدة :هههههههههههههههه تضحك بصوت عالي وتمسح في دموعها اااااااه يابطني وووو هههههههه ضحكتني غر شوف روحك شن لابس هههههههه فضحتنا
سليم :انتبه علي روحه شن لابس (لقي روحه لابس شبشب فردة بفردة واحدة من الفرادي شبشب الحمام ولقي فناليته مقلوبة ولقي روحه لابس سروال توته وشعره مشفشف عاد طالع زي المهبول)قاللها وانتي اللي يعرفك يقعد بعقله تي استر ربي اني طالع من الحمام حسيت بحركة في الحوش امشي طلعت من الدار ناديتك نسحابك جيتي وفجأة تلفوني لقيته يرن افتحت لقيته مصطفي
ماجدة:قالتله باستغراب اااه وشن دخل مصطفي في الوسط
سليم :قاللها انتي ماتندري علي شيء كان مش من مصطفي قالي كان هذا راني توا اندور فيك في الشوارع
ماجدة:قالتله ياحشمتي حتي هوا عرف حي عليا كيف مازال منشوف لوجهه مرة تانية ياحشمتي وخلاص تويقول شن هالعيلة المهبولة
سليم :هههههههههههه بالله كنت نسحاب روحي مذوج العقل كله وماشي للحوش وفرحان وقلت المراة اكيدة في السوق مانسحابش هههههه بالله اني منتشحور اتشحويرة هادي وان مرتي المصون جاية ادير في عملية ممنوعة في عيادة لا والحشمة صاحبي الوحيد شهد علي هادي الجريمة
ماجدة :باهي لما قالك شن درت
سليم :طلعت زي المهبول نجري شن مندير يعني
ماجدة : والله انحبك يامهبووووووووول
سليم :انموت فيك تعرفي امنمشي للحوش انبدل احوايجي كان يشوفني حد مش حيصدق انك مرتي حيقولوا هذا واحد ضايع جاي بيخطفها
ماجدة :ههههههههههههههههههههههه والله انك امختش لكن تعرف طلع الموضوع ساهل قالك عملية قال منحسش بالم بكل وانشوف فيهم في التلفزيون يصيحوا ويعيطوا طلعت سهلة مافيش الم
سليم (شاد ضحكته):ايه سااااااااهلة سااااااااهلة غر هيا وتي روحك باش نروحوا
ماجدة :غر خلينا اشوية عجبتني الرقدة
سليم :مابردك عااااااد انتي راقدة علي السرير وفي احلام وردية واني ملوح الليل كله علي الكرسي تنوضي بلا دلع زايد
ماجدة (كشمت ):باه توا انوض
سليم :ازفر بقوة وطلع
&&&&&&&&&&&&&&&&&&&&&&
ماجدة راكبة في السيارة هيا وسليم ومصطفي ويهدرزوا بعدين وقضت ماجدة وقالت :احني وين ماشييين مش هادي طريق الحوش
مصطفي :اني منرفعكم منوريكم حاجة اشريتها حلوة هلبا ونبي رايك فاها ياماجدة وغمز لسليم .....
《طبعا سليم اللي يسوق وبجنبه مصطفي ومن التالي مقعمزة ماجدة 》
ماجدة اتشوف لشباك وهيا مضايقة من كلام الدكتورة وتفكر في سليم لو عرف شن بيصير.....
وصلو لمكان كله شجر وجنبهم حياش هلبا وقفوا قدام حوش كان بابه كبير وحلو
&&&&&&&&&&&&&&&&&&&
سليم:مجودة هيا انزلي ماتبيش اتشوفي
ماجدة :(وجها وله احمر اتحشمت قدام مصطفي شن مجودة هادي)اااه ايه مننزل لكن مش فاهمة شيء
نزلو من السيارة وخشوا للحوش كان كبير هلباااا وفيه هلبا اديار وحلوو صح فاضي مافيشي اثاث لكن كان باين انه تفصيلته اتهبل
امشي قالت لمصطفي هذا حوشك قاللها ايه شن رايك فيه
ماجدة :قالتله يهبل يامصطفي يجننن اللله محلاه ربي يهنيك بيه معناها لازماتك بنت الحلال بس
مصطفي :قعد يضحك ههههههه ايه صح
ماجدة :تلفتت لسليم :الله ياسليم يهبل انشالله حتحني نقدروا نديروا زيه ياربي
سليم (شاد صحكته):قالها شني عجبك
ماجدة :ايه ياسليم يهببببل يجنن زي ماكنت نحلم بالضبط
سليم (ببرود):خلاص ابدي ليك
ماجدة :قالتله مبردك تعرف بلا بصارة زايدة وكلام فاضي
سليم :اني منبصرش مبروك عليك الحوش
ماجدة (عصبت) سليم بلاهبال اني مش متحمله هبالك انت شن تخرف شكلك كبرت وخرفت
سليم :هههههههههههههه والله ما تتحشمي باهي
ماجدة :ماتضحكش عليا مش مضحكة اني
ادخل مصطفي فيسع وجي سلم علي ماجدة وقاللها بالسلامة وعطاها مفتاح الحوش وقاللها مبروك
ماجدة واقفة زي المسبوهة بالضبط ومش مستوعبة كل الكلام اللي نقال حاسة روحها مصدومة
اشر سليم علي مصطفي انه يطلع امشي مصطفي ابدي يضحك ويقوله خوووود راحتك طالع طالع
قرب سليم من ماجدة وشدلها ايدها :مجودة حبيبتي هذا حوشك هذا عش الزوجية امتعنا هذا الحوش اللي ديما تتمني يكون ملكك تسمعي فيا ماجدة ..حس انه ماجدة شاردة الذهن حرك ايده قدام وجها مجودة روحي وين سرحانة
ماجدة(كانت تعابير وجها مش مفهومة اطلاقا لانها مش عارفة تضحك ولا تبكي )شافتله: اااه شني قلت
سليم :ماجدة خيرك مش فرحانة
ماجدة (ابتسمت):وحضناته بقوة
وسليم احضنها وكله شوق وحنيه للانسانة اللي كافحت معاه وشاركاته في كل شيء في حياته الانسانة اللي حباته قاللها :انحببببببببببببببببببك ماجدة وبجنووووووون اني نعشق كل شيء فيك وانتي سمعيني قوليلي انحبك ليا هلبا ماسمعتهاش منك قوليهالي استحاشتها هلبا منك ...
ماجدة :قالتله انت كذاااااااااااااااااااب ومنااااااااافق انت اناااااااااااني اني نكرهك سليم ودفاته بقوة نكرهك تسمع فيا نكرهك
سليم :(انصصصصصصصدم سليم من ردة فعلها ماتوقعش ادقول هالكلام بكل ):ماجدة خيرك شن فيه فهميني خيرك
ماجدة :انت السبب في كل شيء انت مش بني أدم اني بسببك ضعت وضيعت روحي
سليم (علامات الغضب بانت علي وجها)انتي خيرك فهميني واتكلمي من غير الغاز شن فيه خيرك انقلبتي
ماجدة (والدموع تنزل مثل ذخ المطر وتتكلم بعبرة):انت السبب حرام عليك حراااااااااااااااام علاش درت فيا هكي لو قلتلي انك خديت حوش كبير ماكنتش نزلت البيبي ماكنتش ضحيت بيه لكن انت ماقلتش (تشهق من البكيء وعيونها ولو حمر وبدت ارتريش في حوايجها وشعرها)انت اناني اناااااااااااااااااااااااني وكذااااااااااااااب
سليم (مصدووووم من طريقتها في الكلام معاه ومن حالتها
معرفش شن بيقول كلمها بصوت حنوووووون:خلاص اهدي ماجدة اني ماكانش قصدي اني بس كن
قطعت علي كلامه ماجدة :طلقنننننننننننننننني ماعاظش نقدر تعيش معااااااااك انت قاااااااااااتل
سليم (مصدووووووووووم )لا ماجادة مستحيل انتي شن ادقولي مستحيل انتي ملكي وحدي فاهمة
حضنها سليم بقوة وهيا اتعافر فيه وتضرب فيه علي ظهره حاول انه يهداها
ماجدة تصيح وتعيط اني خلاص معادش نقدر انجيب اصغار قالتلي ادكتورة انا نسبة الامل اني انكون ام تاني اضعيفة وشبه مستحيلة قالتلي من قبل منخش للعملية واني لاني انحبك ومانبيش نخسرك وافقت لكن والله😖😭كان قتلي انك شريت حوش اكبر كنت مستحيل انضحي بأمومتي اني معادش نقدر نسعدك اني خلاص انتهيت وانت شاري حوش كبير تبي تمليه اصغار اني بسببك صرت عقيم طلقننني واتخبط علي ظهره بكل قوتها
وهوا قاعد حاضنها وعيونه كلها دمووووع: ماجدة انتتتتتتتتي ....وسكت
وهيا تعيط وتخبط وادقوله طلقني وبرا ادزوج وحدة اتعبيلك حووووشك اصغااااار اني ماعاد ننفعك يلا طلقني بصوت عالي طلقني............. &&&&&&&&&&&&&&&&&&&&&&&&&&انتهت الحلقة الثالثة انشالله تلاقي اعجابكم ونبي لايكاتكم حبايبي
وتتوقعوا هل يطلق سليم ماجدة وهل ماجدة فعلا معادش عندها القدرة انها تحمل تاني هل حتدمر حياتهم والحوش اللي مقررين يعيشو فيه ويكملو حياتهم هوا نفسه الحوش اللي حتنتهي فيه قصتهم وقصة عشقهم الكبيرة .........تابعو الحلقة القادمة.........
🌹🌹🌹هنايا القدر🌹🌹🌹