قسمة ونصييييييب 🍁 🍁 🍁
الحلقة 24 🌟🌟🌟
جمال كيف بيتلفت جي سعد
سعد : توينك ياراجل نتصل بيك من الصبح ماتردش تخير دعوتك .
جمال "تلفت القاها مهناش " : واااااك ياسعد وانت تنق ، اهي فاتت ومشفتهاش .
سعد " بغضب " : انت هذا اللي واكلك عقلك ، البنوت والدوة الفاضية ، والمصايب اللي صايرة من امس، مش شاغلاتك .
جمال " اشر لرمزي انه يمشي " : تخيرك ياراجل افضحتنا في الكلية مش تسوف في الولد واقف .
سعد " بعصبية " : تتعالي معاي للمصحة عمك خليفة ملوح من البارح ، وانت ماتندري علي شيء .
جمال " بصدمة " : اللطف شن فيه خيرا .
سعد : تبالك يلا مش وقت الدوة نحكيلك في الطريق .
-----------------------------
لاتبتعد لاترحل .....فليس لي حياة بدونك ...وعدتني بأنك لن تستسلم ... وعدتني بأن لاتتركني ... ارجوك أوفي بهذا العهد .....
ندي تبكي بحرقة ومارقدتش حتي ساعة من حينت ماسمعت بعمي خليفة وشن صار فيه وقد ماحاولت تتصل بمروان من تلفون سناء مايردش وبعتتله رسائل ومايردش ، بعدين سكر تلفونه وماباش حتي يطمنها برسالة .
🔴
سألوني عن حياتي قلت لا معنى لها بدونك
عن سعادتي قلت تحلو بقربك
عن همي قلت همي في بعدك
عن روحي قلت هو توأم لروحك
عن مماتي قلت عند فراقك
عن قلبي قلت هو ملك لك
عن عقلي قلت هو اسير لك
انت كل حياتي
🔴
ندي " بآلم ودموع " : ااااااااااااخ ياحليلي اني ياحليلي علاش هذا كله يصير فيا ياسناء ، مروان ماباش يرد عليا ، مااباااااش معناها دايرني اني السبب في اللي صاااااااار ، تخيلي انتي مروان زعلان مني زعلاااااااااااان .
سناء " بحزن " : ياندي انتي شن دخلك في اللي صار بعمي خليفة ، حراااام اديري في روحك هكي ، وبعدين مروان يحبك ومستحييل يزعل منك ، توا اشوية يتصل ويكلمك ، غر خليه يهدي اشوية وانتي بري توضي وصلي وريحي جسمك اشوية ، راااك مارقدتيش حتي دقيقة .
ندي " تتصل ومافقدتش الامل انه يفتح تلفونه "
سناء " بحسرة وزعل علي اختها " : تربحي ياسرك تلفونه مسكر مش حيفتحه فوتيه خلاص ماتعبتيش من الاتصال .
ندي " نقزت بفرح ودموعها يقطروا " : اهو فتح تلفونه ، الخط ينادي ياسناء .
رد مروان
ندي " بحب وشوق ودموع " : ياحبيبي يامروان علاش ماتردش نتصل بيك من امس ، قولي كيف حالك ياعيوني ، راني مشغولة عليك من البارح ياقلبي انت ، يامروان عرفت باللي صار مع بوك ، واللهي وجعني وبكيت عليه هلبا ، لكن قال نضال انه ابدي كويس ، الحمدلله على سلامته .
مروان : الله يسلمك.
ندي " بفرح " : مروان اني نوعدك اني انححححبك لاخر نبضة في قلبي ، وحنحارب علي خاطرك الدنيا كلها ومش حنسيبك بكل ، واني عارفة بابا يزعل في وقتها وبعدين يرضي ، صدقني حنكونوا لبعض ياحبيبي .
مروان " ساكت " :. ............
ندي " بابتسامة " : خيرك ساكت ياحبيبي انت مش مصدقني ؟؟
مروان " بحسرة والم " : ربي يعوضك باللي يستهالك ويحافظ عليك يابنت عمي .
ندي " حست بشيء غلط لكن مافهمتش " : كك كيف مافهمتش عليك ياحبيبي .
مروان " بوجع " : خلاص انسيني وشوفي حياتك ، اني مش لييك ، ولا عاااد نقدر نكون لييييك ، كل شيء انتهي وقصتنا كملت .
ندي " انصدمت وقعمزت علي السرير " : ااااا إإنننت تب تبصر صص صح ووولا .
مروان " قلبه يعصر فيه " : نتمني انك تنسيني زي مانسيتك ، ولو سمحتي معاش نبي نشوفك بكل ، حاولي انك تتحاشي المكان اللي نبدي فيه يلا ردي بالك علي روحك .
وسكر علاها .
ندي قعدت مقعمزة تشوف في الحيط ومصدومة ولا نزلت منها دمعة .
سناء " بخووف " : نن ندي خيييرك شن قاااالك .
ندي " ساكتة " : .....................
سناء " هزت ندي من كتافها " : شن قالك مروان شن قاااااااال .
ندي "ساكتة " : ...............
سناء خدت تلفونها وفتحت علي برنامج تسجيل المكالمات وانصدمت
أنت تقرأ
قسمة ونصييييييب 🍁 🍁 🍁
Romanceروايتي باللهجة الليبية انا فتاة في سن المراهقة عمري 17 عاما ........ لعبت بي ايدي القسمة والنصيييب وكأنني لعبتها المفضلة ....وضعتني امام الهاوية ...لارمي بجسدي الممزق بها .......لم اعد اعلم ماهو الحب ......ولا كيف احمي نفسي منه ...........وهل فعلا...
