Hindi bibitaw ang puso ko sa 'yo
Dahil walang kamay ang mga iyon para kumawala, para magwala
Walang mga paa para tumakbo palayo
Walang mga mata
Bulag sa sakit, lumpo sa mga pasakit
Handang yakapin maski lahat ng kasinungalingan
Payag na magsakripisyo kahit nag-aalangan
Dahil kumakapit pa rin sa sa salitang, "Mahal kita"
Sa "Kaya ko pa."
Mahal kita dahil mahal kita
Kaya ko pa dahil mahal kita
Hindi na kailangan pang magpaliwanag ng mga letra
Hindi na ako magtatanong ng mga "Kung paano..."
Kung paano nagsimula
Kung paano kumakapit
Kung bakit gusto pa ring lumapit
Hindi nanunukat ng "Kung gaano..."
Kung gaano kalalim, kung gaano kababaw
Kung gaano kalalim at kababaw ang mga damdamin na
Kahit ipikit ang mga mata, kahit kumuyom ang mga kamay
Kahit maubos ang mga letra
Naninindigan pa rin sa mga katagang, "Mahal kita"
Mahal na mahal kita.
BINABASA MO ANG
Ang Mga Salitang Isinulat Ko Para Sa'yo
PoetryKinailangan ko ng mga letra at salita para iguhit ka. Isulat at itatak sa paraang hindi mo makakalimutan. © 100717