دولاب الزمن

1

#دولاب_الزمن1
Shahd Alsalman
اسمي ربا عمري 20 سنة مكملت دراستي وصلت للسادس اعدادي
والدي موجود بس والدتي توفت من جان عمري 7 سنوات عندي اخ اصغر مني بسنتين يعني عمرة 5 سنوات اسمة ادم
اني اللي ربيتة وصرتلة ام واخت وكل شي وهو حبيبي كلما يكبر يحن علية اكثر

وفاة امي جان سببها حادث سيارة من دتعبر الشارع حتى تنقذ اخويا لان فلت من ايدها ركضت وراه ما لحكت تشيلة حاولت تدفعة ع الرصيف وهي عثرت وانداست بالسيارة
من ودوها للمستشفى جان بيها نفس بس بعد 10 ايام بالضبط ماتت متحملت لان متاذية هواية
جان اتعس يوم بحياتي واستمرت التعاسة صارت مثل ظلي

خسرت حنانها وعطفها جنت ارتاح وما اشيل هم شي برغم اني صغيرة بس اوعى واعرف كل شي واتذكر هواية تفاصيل
بيتنا صار عبارة عن كآبة وحزن ابوية كلش تاثر بوفاتها هي تصير بنت عمة

بالاول كل الكرايب واهلنا اهتمو بينا بس بعدين كلمن التهى بحياتة ما الومهم ما قصرو بس الدنيا تريد حيل و تعب وشغل وكل واحد عندة التزام شكل
بقيت اني واخويا وبابا بالبيت بس متحمل ابوية بعد كم شهر وباعة وسكنا بغير منطقة وغير بيت حتى شوي بعيد عن اهلنا وكرابتنا يكول ما اكدر كل شي يذكرني بيها دا اختنك

حقة بابا اني من بعد وفاة ماما اتغيرت عبالك كبرت 15 سنة واكثر كمت اربي اخويا وتعلمت ع الطبخ اني شوية طويلة وجسمي تارس يعني ممبينة مال 7 سنوات
حبيت اعتمد على نفسي واخلي ابويا ميحتاج شي مرات اتعب بس اجبر روحي اخويا اداري وادللة وما احسسة بنقص عدت السنة وصرنا اني وهو بنفس المدرسة

تقريبا تصرفاتي صارت تصرفات ولد لان اخويا صغير ومريض بالربو فشوية لازم رعاية خاصة ويضايقو الولد الاكبر منة اضطر ادافعلة حتى كامو يسموني ربا الولد لان انضرب واضرب اني مو عدوانية و لا شرسة بس اخاف لا اخسر اخويا اذا ينجرح جرح صغير اموت من الرعب اتذكر دم امي  ع الشارع وشلون ماتت

المدير جان برغم يضوج من تصرفاتي بس يحبني لان شاطرة ويعذرني لان ما عندي ام وهالشي جان يضوجني كلش صعبة واحد يشوف نفسة بعين الناس خطية او يستعطفو.

حياة اليتيم شكد ما اوصفها صعبة ما اكدر لان المشاعر والشي اللي ميكولة ويبقى بداخلة كل يوم يحركة ويا كل حاجة يحتاجها او بجي يبجي او فرحة يفرحها يبقى بحاجة اهلة

امي ارتاحت وتركتنا احنا للعذاب وشلعان الكلب
مرت السنة الثانية واني و ادم طلعنا اوائل بابا كلش فرح بينا واخذنا فرنا بالسيارة واشترالنا هدايا وعشانة بمطعم رغم كل الفرح اللي يحاول ابويا يخلقة بعدني احس بنقص

صار عمري 9 سنوات وادم صار 7 اني جنت اقري واساعدة بابا جان ملتهي بالشغل يجون عماتي مرات والكرابة بين فترة وفترة يسالون علينا ويشوفون شمحتاجين

ما جنت اكول لبابا على اجتماع اولياء الامور لان اني جنت اكعد بنص الاهالي واكون نيابة عن اهلي واسال عن ادم هواية جانو يفرحون بية المعلمات والمعلمين لان حسب ميكولون ما شفنا بنية بمسؤوليتج برغم صغر عمرج ومن جانو يسالوني منو يكون ولي امرج جنت اكلهم ميحتاج اني شاطرة مينخاف علية ..
علمتني الدنيا اصير قوية وسبعة وما احتاج لاحد وصير ام واخت واب وكل شي اهم شي عندي اخويا ميحس باللي حسيتة ..