دولاب الزمن

28

#دولاب_الزمن28
Shahd Alsalman
امي كالت لازم تتزوج وافرح بيك وننسى كل شي اني جنت رافض احس مالي واهس بهذا الموضوع ابد بس كلت لا اتزوج واكسر خشم ربا وما اظل هيج الف وحدة تتمناني مو اعيش على ذكريات هي خانتها

راحت وخطبتلي وحدة البنية كلش حلوة و اهلها ناس طاكين صارت موافقة وقبول بس احس البنية بعيدة عني وباردة وياية واني هم مو مهم عندي يعني عادي اي مرة وخلص
امي تكلي هي بنية وتستحي وشي طبيعي و مشيت على كلامها بس كتلها نطول فترة الخطبة شوية
وقبلت ..

جانت البنية تعترض على كل شي وكانو مدللة زايد وامي فرحانة بيها ما اعرف ليش بس تكول حلوة والكل حيسولف بجمالها اللي صار الك ونرفع راسنا باهلها لان ناس واصلين ووصتني ادير بالي عليها واعزمها ومن هالسوالف حتى نتقرب واحد من اللاخ
دكيت عليها

- الو هلو نارين شلونج
- هلو الحمدلله وانت
- الحمدلله وينج اشو ماكو صار يومين
- يعني مشغولة شوي
- ها بشنو
- ولا شي بس خطار و ..
- اوكي زين عندج مجال نطلع اليوم
- وين يعني
- نتعشى برة ونفتر
- اوكي انتظرك
- باي
- باي

دك الدكتور على نسرين و كال تحضرو حتى نطلع ننعشى برة خالة كالت انتو روحو اني جايتني صديقتي ما اكدر اطلع تحضرنا وطلعنا وكنالة للدكتور متكدر تجي خالة
كعدت نسرين يمة واني وادم ليورة شوية جانت بيناتنا الامور مو تمام اني واخويا
فجأة لزم ايدي وباسها وباوعلي بنظرة اللي يلة خلص سامحيني هو ميعرف يعتذر وعندة عزة نفس وكبرياء مو طبيعي ولهذا سامحتة واخذتة لحضنة يبقى هو المدلل والغالي

الدكتور ظل يسولفلنا نكات ويحشش ونسرين همين تحجيلنا سوالف كلش جنا متونسين ونضحك

وصلنا المطعم نسرين كالت خل نروح للحمام كتلها يلة
فتنا وبعدنا نضحك ونحشش اني وهي دخلت للحمام واني دا اغسل ايدي اجتي بنية كلش حلوة ومرتبة جميلة بشكل
دتخابر ومتوترة واسمعها تحجي بعصبية

*وليد شسوي يعني جبرني اطلع وياه اني شسوي
*لا والله مخليتة يلزم ايدي اني دا اتهرب منة حتة يعوفني ويروح هو
* والله مو هيج بس اهلي هالمرة يكصون راسي وبابا  يكلي بيج شي صار كم واحد ترفضين افهمني حبيبي الله يخليك ححاول اطفشة واخلي يعوفني
* لا والله ما اخلي يتقربلي خلص لا يظل بالك
* باي حبيبي

انتبهت علية واني جنت صافنة عليها وخرت عيني عنها غسلت شوي وطلعت
طلعت نسرين كالت هاي شبيها جنت اسمعها
ضحكت اني لان اثنيناتنا حشرنا وياها ههههه
كملنا و رجعنا ليم ادم والدكتور

دنطلب اكل ولكيت ادم صافن على شي وراية
انداريت اشوفة على شنو ديباوع لكيت جمال وياهذ نفس البنية الشفتها تحجي بالتلفون انتبه هو علينا واجة باتجاهنا

- شلونك ادم ؟ !
- هلو جمال
- هلا بيك
اشوفكم كاعدين هنا
- انت الظاهر مشبعت من الكتلة الاكلتها
- احترم نفسك جاي اسلم على ادم
- واني ما اريد سلامك
- جمال روح منا
- ها ست ربا تطلعين مطاعم ومتونسة
- مثلي مثلك شفرق عنك يعني
- الفرق واضح كلش ترة
انت مدري ويامن طالعة واني طالع ويا خطيبتي ومرتي المستقبلية