دولاب الزمن

2

#دولاب_الزمن2
Shahd Alsalman
صار عمري 10 سنوات اتذكر  جنت ادرس ادم قراءة واحفظة انفتحت باب البيت صاحني بابا كالي تعالي بابا سلمي على خالة نورهان اني معرفتها منو وبقيت صافنة عبالي من كرابتنا او نعرفها بس مشايفيها
هي استلمتني بوس واحضان اني وادم وفدوة لله ومن هالحجي رحت على بابا كتلة منو هاي

جان الجواب مثل الصاعقة بعد اقوى من خبر موت امي كالي هاي مرتة يعني بابا اتزوج على ماما وجابلنا وحدة للبيت تاخذ مكانها اني بلحضتها مسويت شي تعلمت اكتم مشاعري ودموعي واتصرف بقوة واسكت مرات احس حموت هلكد ما مخنوكة بالحجي والبجي بس منو يستاهل احجيلة او يحس بية اذا هو ابويا واتزوج واختار حياتة وطريقة بدون ما يفكر بينا او يحس شكد هالشي جرحنا بس بعد اللي صار صار و انتهى

رحت سحبت اخويا ولميت الكتب ودفترة والاقلام وصعدت لغرفتي قفلت الباب وكعدتة ردت اكمل تدريسة بس لزمتني العبرة وبجيت ما توقعت هالشي يصير جنت اخاف لا وحدة تاخذ مكان امي واغار على بابا هواية بس هسة احس بمشاعر كره تجاهة وما احبة واتمنى لو هو ميت وامي باقية لان هي مستحيل تتزوج بعدة
مجنت افكر بمشاعرة هو او احتياجة او ليش اتزوج ما يهمني كل هذا

انتبه اخوية علية من نزلت دموعي على الكتاب عاف القلم و حضني بكل قوتة ومسح على شعري شكد حسيتة بهاي اللحظة قريب وحنين ومن سوة هيج حضنتة اني هم وبجيت اقوى اول مرة اسمعة يحجي هيج متخيلت عندة هالعقل لحد هسة اتذكر الجملة الحجاها واللي خلتني ما اهتم لشي غيرة هو وبس
" حبيبتي انت ربا لا تبجين اني انقهر على دموعج اذا تريدين اصير اني بابا وانت صيري ماما الي اني اعرف بابا اتزوج بس هو يحبنا ميعوفنا لا تبجين "

صحيح كلامة مخربط جان بس دا اعرف هو يحس ويسمع ويفهم كل شي يعني مو مثل مجنت اتخيلة بعدة طفل لا بدة يوعى لكل الحوالي
ما اهتميت للي صار مسحت دموعي وبوست ايدي الصغار ورجعت كملنا الدرس لحد ما خلصنا هو نعس ونام واني هم نمت

الصبح كعدنا مثل كل يوم غسلتلة و بدلتلة حضرت اكل الة والي وطلعنا بابا ميدري عن شي كالعادة يعني
دنتمشى وواحد دفع ادم من ورة مجان متقصد هو بس اني جنت عصبية ومتمنية تصير مشكلة حتى اطلع كل البداخلي صحتلة ووكف جان بصف السادس اعرفة هلكد ما متعاركة ويا ولد وهلكد ما حافظتهم حتى خاف يتقربون من ادم اعرف وين اروح و ليا صف دفعتة وكتلة حتى بعد لا تعيدها
مشيت بس هو جرني من شعري رجعت لعندة جان شعري طويل ووكعت بالكاع من وكعت هو ضحك علية واصدقاءة همين

اني فارت اعصابي بالزايد كمت هجمت علي وتعاركنا هو يكتل واني اكتل والطلاب ملتمة علينا صارت هوسة واجة المدير وخرة عني وجرني منة طبعا ظل يرزل بية وبي وبعد ما اكلنا عودتين مرتبة كل واحد منا راح لصفة بس من دنطلع كالي بسيطة اني اعلمج
كتلة ولي لك وكملنا مدرستنا اكعد بس يم ادم و من يريد يروح ويا اصدقاءة اظل كاعدة بالفرصة ومراقبتة ما عندي صديقات ولا شي وكل الولد اعدائي
منتبهة اكثر شي لدراستي و لاخويا ادم ما عندي غير  هالشغلتين ..

رجعنا للبيت لكيت ابويا ومرتة و3 جهال بعدين فاتو ورانة وهم نفس مدرستنا 2 بنات وولد هذا يمكن الوحيد الممتعاركة وياه
البنات وحدة ثاني واللوخ رابع والولد سادس 
ما سلمت ولا مثل كل يوم حضنت بابا صاحلي بس مجاوبتة وسمعت مرتة تكلة خليها على راحتها هي

اسمعها تبوس بجهالها وترحب بيهم وبابا  همين
ضجت وانقهرت حيل لان بوس غير جهال ولان ايدة جانت بيد مرتة
اخذت ادم لبستة هدوم البيت وغسلتلة و رحت اشوف الغدا ماكو شي ع النار فبابا كالي دزينا على اكل كتلة ما اريد حناكل اني واخويا من اكل البارحة هو عصب علية لان جاوبتة بنتر فنورهان كالتلة احمد على كيف مو هيج ميخالف
اجتي هي علية حبيبي خلي اني احميلج الاكل اذا معاجبج من الجديد
هم جاوبتها بنتر كتلها اني متعلمة اطبخ و احمي ممحتاجة شكرا كام بابا جر اذني كدامها تمنيت الكاع تنشك وتبلعني شون هيج سوة بية كبالها عفت الاكل ورحت صعدت طكيت من البجي وخليت ادم ينزل ياكل وياهم مالة ذنب وهو جوعان ما اريدة يحس على شي اجة بابا دك الباب ما فتحتلة سمعت نورهان تكلة عوفها هي جاهلة هيج تكبر راسها وتتفرعن مفتهمت شنو يعني تتفرعن بس هي جرتة واخذتة وكسبتة عكسي اني اللي ما كدرت اسامحة وخسرتة يعني اكدر اكول اني يتيمة من الجهتين وجود ابويا وعدمة واحد بالنسبة الي كل شي بداخلي الة هو كره وصعب على بنية من عمري تتحمل كل هالمشاعر وهالافكار بس اني عندي ادم يغنيني عن كل الناس

بابا بقى اسبوع بالبيت ويانة او بالاحرى ويا زوجتة اني مجنت اطلع وياهم ولا اخلي ادم يطلع ابد حابستة يمي اعرف ديضوج بس ما اريدة يختلط بيهم
بعد الاسبوع بابا بلش يروح لشغلة والتهى بي كمنا نبقى كلنا بالبيت اني ما ازعج احد مثل كل يوم اروح بدربي واجي بدربي دراسة وادم وشعندي شغل بالبيت اكضي ممنتظرة منها شي

فد يوم بنتها نرجس اخذت اقلام ادم مال تلوين نزلت عليها كتلها وين اقلام ادم لان هي صغيرة ومن عمرة ما سويتلها شي بس اخذتهم و صعدت
ماكو دقايق وسمعت بجيها وصراخ نورهان صعدتلي ودفرت الباب حيل اني كمت على حيلي
هي جرتني من شعري وضربتني راشدي وكعتني
كتلها ليش هيج كالت حتى تتعلمين ما تمدين ايدج على جهالي وكامت تغلط علية باوعت لنرجس تضحك بخباثة علية طبكت الباب وطلعت اني شوكت مديت ايدي عليها هاي تتبلى علية هيج جنت اكول بداخلي
حسيت بادم يحضني كام يبجي كالي من وراية هيج صار بيج لو مكايلج ع الاقلام ضحكت اني حتى لا احسسة بالذنب كتلة لا حبيبي مو اني كتلت نرجس وهي صغيرة وجريت الاقلام منها يعني استاهل انكتل
افتهمت هز راسة يعني اي افتهمت مسحتلة دموعة وكعدتة حتى يلون الرسمة مالتة رحت يم الشباج باوعت للسما احجي ويا امي مرة كالتلي اني من احتاج امي احجي وياها هيج وهي تسمعني ..