دولاب الزمن

16

#دولاب_الزمن16
Shahd Alsalman
اني دكتور ربا وادم اسمي باسل عمري 29 سنة درست طب واختصيت بالباطنية وبعد ما اتخرجت اشتغلت بمستشفى حكومي طبعا محافظات جان اول تعيني بعدها حولت لبغداد و ظليت اداوم بين صباحي وبين الخفر وعندي عيادة فتحتها بالجديد والحمدلله اموري تمام

اهلي مسافرين من زمان وما قبلت اروح وياهم بقيت فترة يم بيت خالي بعدها رجعت لبيتنا اكدر اعتمد على نفسي والحمدلله مركز بدراستي جنت كلش دائما اهلي يكلولي تعال يمنا واحسنلك بس ما اكدر ما اعرف اعيش بالغربة صح اني هنا وحيد بس بين ناسي و جماعتي مو قصة وطنية بس ارتاح هنا بالعراق اكثر برغم كل شي

حبيت مهنتي و كل شي بيدي اسوي حتى اساعد الناس اني دائما اكون محتاج للبيت والعائلة لاني لوحدي وحنين جدا ما اكدر اترك احد يتألم نقطة ضعفي هي البجي من اشوف احد يبجي خلص بعد يعتبر طلبة مجاب وقضيتة محلولة ما احب احد ينكسر خاطرة ابد

جان عندي خفر و مستلم بمكان صديقي دكتور شامل فجأة طب علينا رجال ويصيح الحكوني ابني وبنتي وكعد على حيلة بالدرج
رحنا جبنا السديات شابة وولد مغمى عليهم
حاولنا نفتهم من الاب بس هو جان بحالة تعبانة فحجينا ويا الام
- خالة فهميني شنو الصار بالضبط
- عيني البنية انتلت بالكهرباء
- والولد ؟
- شاف اختة هيج خاف وضاق نفسة و فقد وعية
- ميعانون من شي
-البنية لا بس الولد بي ربو
- اوكي لا يظل بالكم هسة كل شي يصير تمام
- خوش

شفت الام اقوى من الاب لان منهار كلش وحالتة حالة بس هي قوية وميفيد بهيج حالات الا تصرفها
البارد
فحصنا الحالات بس اهتميت بالولد اول شي وتقريبا وضعة مستقر
اما البنية ممبين شي الا تصحى وتسوي تحاليل ورنين يالا
طلعت طمنت اهلهم وطلبت منهم يروحون ويجون باجر لان هم لازمهم راحة ويباتون يمنا وهم ممنوع يباتون بالاول عاند الاب بس امهم قنعتة وكالتلة حتى نرتاح ونكدر نجيهم مو ننهار وهم منهارين
وطلعو من المستشفى بقيت اراقب كل المرضى وهم بالاخص

من صحت فتحت عيونها شكد شكلها برىء وناعم وتنحب توسلت بية الا تروح يم اخوها وعبالها مات
ومن عنادها شالت الكانونة وكامت داخت ظلت تتعاند وياية تريد تروح وديتها بس مطلعت من يمهم بقيت وراها انصدمت من سمعتها تعتذر منة وتكلة ما كدرت احميك منهم وحجي هواية

للحظة فكرت ذولة مو اهلهم وخاف مخطوفين او شي لان برود الام مو طبيعي برغم جان تصرفها صحيح وعقلاني
حاولت وياها وما حجت شي وما قبلت تنطي باهلها
بس طلبت مني يطلعون على مسؤوليتها
خرجتهم بعد التوسلات والمحاولات ومن جيكتها وفحصتها صار وكت يطلعون من استعجالها وخوفها لا يرجعون ياخذوها هي واخوها طلعتة وهو تحت تأثير الدوة دا اطلع اني هم انتهى وقتي

سمعتها تصيحلي ورادت اوصلهم لراس الشارع وهي خجلانة تطلب اخذتهم وياية باول ما حركنا اخوها نام ليورة وهي بلشت تدوخ وترجف وهالشي طبيعي واعرف حيصير هيج بس هي عناد
نزلت تقيأت غسلتلها وراحت الرجفة ورجعنا صعدنا ونامت كالت كعدني من نوصل بس اني بالاصل من صعدو وياية مقرر انه اخذهم وياية للبيت

وصلت ودخلت البيت وهي واخوها محاسين بشي من تعبهم دخلت ادم ونيمتة بالفراش
ورجعت ما كدرت اكعدها خطية هي اصلا منامت الا هسة بالمستشفى بقت مكابلة اخوها
شلتها وصارت قريبة علية مدري شصار بية عبالك النتلة صارت بية ههههه
فوكاها فتحت عيونها وباوعتلي واكيد هي مواعية ولا دتميز اللي ديصير
خلت راسها على جتفي وكملت نوم

ما اعرف ليش حسيت بحنية وهيج كأنو هي تخصني كلش وديتها لفراشها واني رحت بدلت بس مكدرت انام خفت لا تكعد وتلزمها نوبة او شي ..