دولاب الزمن

30

#دولاب_الزمن30
Shahd Alsalman
مر كم شهر واني امر اذب لامي فلوس وارجع ما احجي ولا كلمة وياها
وكعدنا ببيت اجرناه اني وعبير وعمي امي فرقتنا كلنا ومدا اصدك هاي اللي جنت اوثق بيها اغمض عيني واني امشي وراها لو بدربي نار اكول هي راح تطفيها وما اهتم ثاريها جانت هي اللي تخلي النار بدربنا كلنا

كمت اخجل حتى افكر بربا وادم عبير تكلي نروح ونشوفها ونخلي عمو وياها او تجي تعيش يمنا بس مدا اكدر صعبة بعد السوتة امي وجيت اني وكملت عليهم

خطيبتي بهاي الفترة ظلت تسوي مشاكل وهوسات بحجة ما اهتم بيها واني مالي خلك كتلها خل نفسخ يا بنت الحلال ورضت وراح كلمن بطريقة ما الي واهس بشي بعد ..

فد يوم بالليل سمعت صوت عبير تصيح وتبجي رحتلها جانت لازمة بطنها وتتوجع كلش مدا اكدر افتهم منها شي اخذتها للمستشفى وشلتها جابو السدية متكدر حتى تحجي من الوجع شفت دكتور باسل هناك وعمي وياية فحصها وكال لازم عملية عدها التهاب الزائدة الدودية كتلة دخلها عملية ووقعت على مسؤوليتي
وانتظرنا برة كمت ابجي متحملت خفت لا يصير شي عليها عمي يطبطب علية بس شبيدة مثلة مثلي ننتظر والله كريم
طلع دكتور باسل وطمنا عليها وكال تبقى يومين يمنا وتطلع وراها اتشكرتة هواية وبقيت اني وعمي بتنا يمها

ثاني يوم اجتي ربا جايبها الدكتور وياه وجانت خايفة ومتوترة هي علاقتها بعبير زينة وتحبها بوست ابوها وحضنتة وابوها يشم بيها سلمت علية
ودخلت على عبير
- عبورة حبيبي حمدلله ع سلامتج
- ربااا !  حبيبتي
- يا عيني شونج شون صرتي؟
- انت شلونج والله مشتاقتلج حيل من شفتج صرت زينة
- لا تبجين مو زين عليج صيري سباعية وكومي بسرعة
- ادم شلونة ؟
- ادم زين بس بالمدرسة ميدري
- جيتج طيبتني والله
- فدوة لكلبج ههههه
- يلة ربا خليها ترتاح حتى نفحصها
- ماشي دكتور
اني يمج ما اعوفج من تريدين شي صيحيني
- تسلميلي
طلعت من الغرفة كلش ارتاحيت بشوفتها بس هبطت من كالي الدكتور سوينالها عملية شفت بابا وجمال واكفين يمها والظاهر مكضين الليل عدها
يومين وطلعت من المستشفى وطبعا كتلة لادم  وزعل مني لان شفتهم ولان حجيت وياهم وويا بابا بس هالمرة اني زعلت منة لان ما اريدة يقسى كلبة وكتلة اذا تريد ازعل بس مراح تلكاني بعد وعفتة وطلعت
كلت ابقى يم عبير هالفترة اكيد تحتاجني وادري هم طلعو حجتلي كل شي  عبير متوقعت هيج تفتر الدنيا بيها وبنرجس ويصير بيها الي جانت تتهمني بي وظلت لوحدها محد يمها
كتلة للدكتور 10 ايام وارجع للبيت كالي براحتج بس احسة ضايج من روحتي

كالتلي حروح ويا عبير وبابا 10 ايام ابقى يمها وارجع بس اتضايقت كلش لان جمال موجود هناك وخايف لا يصير شي بينهم كلش مسيطرة علية هالفكرة واخاف لا افقدها ومتكون الي خليتها براحتها ووديتها هناك

بعد 5 ايام اني وجمال نهائيا منحجي ولا نتلاكى مهتمة ببابا وعبير واطبخ وانظف وخلص ماكو شي يجمعنا
بالصدفة جنت اريد اروح ع البلكونة دا اشم هوا شفتة كاعد
- تعالي ربا
- اسفة ما ادري بيك هنا
- تعالي
- شلونك
- مو زين ومخنوك حيل
- شصاير جمال
- شنو يريد يصير اكثر
- انسى هاهية كل شي انتهى وكلمن اخذ نصيبة
- بس اني بعدني ما اخذت نصيبي
- شتقصد
- نسيتيني ربا هم جنت تفكرين بية
- بصراحة جنت افكر ليش خذلتني وليش قبلت تتركني
- اني رحت حتى ارجع اتزوجج جنت هيج مخطط وهيج متفق ويا امي
- بس انت رحت وانت فرحان وتكلي اروح وادرس واحقق حلمي
- وهو هذا الاقصدة بحلمي امي مخلتني اكلج لان كالت ابوها شرط تكمل دراستك برة حسب وصية امها المرحومة
- ههههههههههههه والله !!!
- ليش تضحكين !!؟؟
- امي شون توصي وهي ميتة بحادث وبقت بغيبوبة لحد ما الله اخذ امانتة شوكت وصت وشوكت حجت وشلون خطر ببالها هالشرط
- الظاهر جان هم من تدبير امي حتى تبعدني عنج جنت ادك واريد احجي وياج تكلي انت ببيت خالتج ومتجيب سيرتج ابد
- عادي هي بقت على هاي
- ربا مشتاقلج حيل اني اسف على كل شي واسف لان وكعت بفخ امي وما حسيت على شي سامحيني ورجعيلي بلياج اني ما اسوة شي
- ما اكدر ما عندي مشاعر تجاهك كل شي بالماضي شمرتة ورة ظهري وانت خذلتني هواية واذيتني فوك ما تتصور حتى لو جان من غير قصد بس ما اريد شي يجمعني بيك
- ليش ربا تحرميني منج
- ما احرمك بس ما النا قسمة سوة ولا ممكن اكون نصيبك او تكون نصيبي انولدت قصتنا ببراءة وماتت  بسبب امك وغبائك
- اي اني غبي غبي كلش يا ريتني ما رحت يا ريت ما سمعتلها
- تصبح على خير
- ربا لحظة

عفتة وطبيت جوة ما اريد بعد احجي وياه اكثر
ثاني يوم الصبح ع الريوك هو ظل يحجي على ادم وكال اني لازم اجيبة لهنا واراضيكم انت وهو وعمو
كتلة ميحتاج بس هو اصر

رحت لعيادة الطبيب جنت اشوف بعينة وتصرفاتة نظرات حب لربا وحتى لا يجتمعون سوة وارجعها الي كلت اكطع الامل منة وحتى يعرف هي الي وبس يمكن انانية هي بس ما اكدر اتحمل تروح من ايدي
اخذني لبيتهم بعد ما حجيتلة انه اريد اراضي ادم على اهلة وبالطريق بديت امهدلة

- رباوي جانت هيج من تزعل كوة اراضيها
- اها وليش تزعلها لعد
- ما ازعلها بس هي تضوج بسرعة مثلا من العب بشعرها واشدة
- اي
- جنا كل شي سوة اني وهي و منتفارك وحتى هسة تصالحنا
- مو تكول هي مترضى بسرعة
- اي مو ظليت احجي وياها و عملية عبير رجعت قربتنا من بعض وياها وياها ورضت
- ها بالخير
- اشكرك دكتور

شفتة ضاج ومثل متوقعت هو عينة منها بس لا يحلم بيها هي الي
حجيت ويا ادم وجان قافل كلش وميقبل يحجي بالموضوع هو كلش شايل على ابو وعلينا كلنا
عفتة ورجعت للبيت حاولت بهالفترة ويا ربا بس هي الظاهر متريدني من صدك مو مسالة زعل او كرامة
رجعت لبيت الدكتور وكالت من يرضى ادم اجيبة واخذ بابا ونعيش لوحدنا ومعناها متريد نكون بمكان واحد

بعد فترة اقتنع ادم واتصافت الكلوب ورجعو سوة وطلعت هي وابوها و اخوها بشقة لوحدهم وعرفت انه الدكتور طلب ايدها بشكل رسمي ومنتظر ردها كلت لازم اكلة واخلي يتركها بأي طريقة اني رايدها

ادم صعب اقنعة بس قنعتة وراضيتة ويا بابا والحمدلله رجعنا مثل قبل واحسن وبعد خلص مترهم  انه نبقى يم الدكتور وافتهمت من بابا انه هو مسجل البيت بأسم نورهان هي جبرتة من جان مجلوط فمنكدر نرجع لهناك بالاول اعترضو وكالو بيتنا جبير ويساع الكل بس لازم كل واحد ياخذ راحتة واخذتة قريب عنهم مو بعيد و من راتبي ادفع ايجار والحمدلله مستقرين هسة وكل يومين نروح لبيت الدكتور او يجون يمنا نتغدى ونتعشى يعني ما اتغير شي علينا وصرنا اكثر من الاهل
الدكتور طلب ايدي و منتظر ردي وما اعرف شكول بابا كالي اقبلي وهو كلش يحبة للدكتور و ادم اصلا جان يشجعني اقبل واخذت قراري ..