دولاب الزمن

14

#دولاب_الزمن14
Shahd Alsalman

كم ساعة وصحى ادم مقبلت انام حتى لا تاخذني نومة بس احس بالتعب كلش وظليت افكر وين ممكن اروح خاف اروح لاهلنا وعمامي ويرجعونا يمهم
النتيجة انه ماكو مكان اروحلة لا اني ولا اخويا بس فكرت من نطلع منا نروح لاي جامع او حسينية بلكي يستقبلونا مؤقت لحد ما الكى مكان او شغل اشتغل كافي ذل و قهر تعبت واخويا اتحمل هواية

كعد ادم حضنتة وظل يبجي هو و اني ابجي وياه واطمنة كتبلنا الدكتور على الخروج على مسؤوليتي من دنطلع الدكتور جان طالع خلصت خفارتة الظاهر

- دكتور بدون زحمة عليك
- نعم تفضلي
- بيها مجال تذبنا منا لراس الشارع
- اي اصعدو
- شكرا دنثقل عليك والله
- لا تكولين هيج اصعدو
صعدنا وشوية لان الفروع مسدودة اعرف بهذا الطريق طلبت منة انه يودينا لراس الشارع واحنا نكمل شوية من حركنا لعبت نفسي وادم ليورة نام بسبب الدوة الماخذة
- بيج شي
- لا بس نفسي تلعب
- شفتي لو باقية بالمستشفى جان شخسرتي
- جان خسرت فرصة متتكرر
- شنو قصدج
- دكتور عفية وكف السيارة دايخة حيل
- شبيج شتحسين
فتحت الباب ونزلت اتقيأت واحس كل شي يفتر بية والكاع مو مستقرة
نزل وياية الدكتور و حاول يهديني جاب مي وغسلي بس مدا اسيطر على جسمي بس ارجف وكالي هاي من تاثير النتلة والصدمة ارتاحيت شوي وصعدني بالسيارة اريد بس انام كتلة راح انام من نوصل كعدني وغطيت بالنوم محسيت الا هو وشايلني بس النوم بعيني ذبيت راسي على جتفة ونمت

كمت احلم احلام تعبانة وكوابيس كعدت فزيت من النوم اصرخ وابجي وهم لزمتني الرجفة جان الدنيا صبح طالع الضوة اجاني الدكتور وادم حضني لحد ما هديت ورجعت نمت
كعدت لكيت نفسي بغرفة وبيت شنو هاي وين اني
كمت من فراشي رحت ادور لادم

بس البيت حلو وواسع وكلش ديكورة انيق
وصلت للمطبخ سمعت ادم والدكتور ديحجون  معناها احنا ببيت الدكتور وكفت ع الباب ميدرون اني موجودة
- يعني الصار بيكم بسبب مرت ابوكم
- اي
- تريدون تشتكون عليهم بسبب الضرب
- ربا متقبل بهيج شي
- زين ليش اكو اثر جويات او حرك بجسمها من شنو هذا
- ابوية جواها ومخلاها ولا خلانا نداوي الها و ترك اثر
-  ليش ما رحتو طبيب شون يشوفها هيج ويعوفه
- صارلها سنتين محبوسة بالمخزن لا يطبلهة احد و لا تطلع مناك
- لا حول ولا قوة الا بالله

خجلت من شفقة الدكتور علينا وقررت اكطع كلامهم كافي هو مقصر ويانة و بعد خلص اخذ اخويا واطلع
من عندة لا يسويلة ابويا مشاكل هو و نورهان
- احم صباح الخير
- صباح النور
كام ادم باسني وحضني وكعدني بمكانة
- شلون صرتي حبيبتي
- زينة حبيبي انت شلون صرت
- اني زين
- اليوم انت احسن الحمدلله يلة اكوم احضر ريوك حتى نتريك سوة
- لا دكتور كلش اشكرك مقصرت لازم نروح منا تعبناك ويانة
- يا تعب بعدين تطلعين منا وين تروحين
- ارض الله واسعة والف مكان اكو
- بلا عناد طلعة منا ماكو وخلص
كمت دا احجي وحتى نروح اني وادم دخت ورجعت كعدت
- اسم الله شبيج
- مابية شوية دوخة
- اهدي وكعدي انت مماكلة شي خلينا ناكل ونحجي بسالفة الطلعة اوعدج
- ارتاحي ربا الدكتور حباب وهو ساعدنة هواية لا تكسرين بخاطرة
- ماشي تعال لحضني مشتاقتلك
بقيت حاضنته والعب بشعرة وصافنة شحسوي هسة
وين اروح باخوية وهو مريض خاف يتخربط شي
- ليش احسج امة مو اختة
- هههه هي امي واختي وصديقتي وكل شي بحياتي
- ريحة امي فدوة رحتلك الله لا يحرمني منك
- يلة تعالو اكلو كولو بسم الله
سوالنة سفرة اشكال الوان وكلش تشهي صارلي شكد مشايفة هيج شي طبعا بدون وعي مني لازمة بيدي اليسرة طرف بلوزة ادم ودا اكل باليمنة
حسيت على نفسي من باوع الدكتور
- شبيها ايدج
- ما بيها
-شنو توجعج تكدرين تحركيها
- اي بس اني مجلبة بادم
- ههههههههه خوفتيني لان كلت خاف اتاثرت ايدج من صدمة الكهرباء هالامور متبين بسرعة
- لا ما بية زينة اني الحمدلله
شال ادم ايدي عنة وباسهة وبقى لازمهة بس الدكتور يباوعلنا واني دا اخجل من نظراتة كملنا ريوك و كمت الم الميز وغسلت المواعين مقبلت يسوي هو شي
راحو يغسلون وكعدو بالهول ولحكتهم لهناك بالاول ساكتين جنا بعدين الدكتور حجة
- شوفو اني هنا ساكن لوحدي وما عندي احد اهلي مسافرين واني بقيت حتى اكمل دراسة واشتغل باختصاصي يعني طول الوقت اني برة اكعدو عندي هم تونسوني وهم تبقون بمكان لحد ما الله يفرجها
- بس احنا ما عدنا ندفعلك ايجار اني وادم طلعنا حتى هدوم ما عدنا
-  علساس اني محتاج منكم ايجار دا اكلج وحدي وانتو تونسوني
- دكتور ما احب احد يستخطينا اترجاك
- ليش استخطيكم !
اني وحيد مثلكم و محتاج لاحد مليت لوحدي مثل المخبل عايش هنا بهالبيت الجبير
- وبعدين ! لازم يجي يوم وينملي خما نظل يمك
- ادم اختك تشلع الكلب على شنو تحبها
- ههههههههه
- واخيرا شفنا ضحكتج

ضحكنا كلنا واتفقنا نكعد يمة بس اني مراح اكعد هيج لازم اشوف شغل واخلي ادم يكمل دراسة
الدكتور راح كام نام واني بقيت ويا ادم ..