دولاب الزمن

13

#دولاب_الزمن13
Shahd Alsalman
بالليل ثاني يوم توني دا اغفى وسمعت صريخ وعياط نرجس وامها كلبي عصرني والخوف ذبحني شصار ما اعرف كمت حطيت اذني على الباب اريد اسمع
ابويا يسب ويغلط ونورهان تكول يمة بنتي شسوالج الميخاف من الله
وادم يصيح ويبجي معلية ما سويت شي والله جنت نايم
وعبير ونرجس يبجون

كمت ادك حيل بالباب واصيح افتحولي يمعودين الله يخليكم افتحولي والله متت افتحو عاد
بس منو يسمعني ومنو يهتم مثل الجلب انبح لوحدي

سمعت صوت ادم يتوسل ببابا لان ديضربة كمت ابجي تهسترت واتوسل بي يعوفة ردت املخ نفسي ومن كدما ضربت الباب بيدي ورمت كامت توجعني بعدين يالا حسيت بيها

وبعلو حسي اصيح ادم وهو حبيبي يصيحلي لحكيلي ربا حيموتني سودة علية جنت الهوا اذا يطخك اعاركة هسة اني هيج هنا عاجزة وما بيدي بس الصراخ مثل المخبلة واسمع ونينة وعياطة والكحة مالتة متت بجي اريد اكسر الحايط تكسر هو والباب يامن يطلعني

كمت اصيح لبابا الله يخليك مريض لا يصيرلة شي تعال فرغ بية اني اكتلني بمكانة فدوة بابا لا يموت بيدك بس مفاد
اخر شي صحت على نورهان فدوة خالة جري من ايدة يموت والله مريض هو ميتحمل الله يخليلج جمال الله يرجعة الج بالسلامة لخاطرة سحبي منة الله يخليج ابوس رجلج سحبي

والظاهر هالتوسل جاب نتيجة ويمكن وخرتة اني مدا اشوف شي بس من الاصوات دا اميز الديصير
وهسة صار بس صياح وهي تكلة لابويا لا يموت ونبتلي بي طلعة برة ما اريد اشوفة بعد هنا وجرة ابويا لان ادم كالة لا تجرني يابة وخر عني وصار اعصاب ويكح

فتحت باب المخزن الثانية حتى بس اشوفة صرت مثل الطير المذبوح
وكع ادم بالكاع من طولة اني شفتة هيج كمت اصيح واعيط بلكت احد من الجوارين يساعدنا شمرت نفسي اريد اطلع واروحلة نسيت الاسلاك تنتل دا اطلع وحسيت شي لزمني وجسمي يرجف هي عيطة هي انشمرت ليورة  بس احس كلبي يدك سريع وارجف كلش الكهرباء مشت بكل جسمي وفقدت بعدها
كعدت بالمستشفى كوة افتح عيني ومحد يمي
اجة الدكتور

- اريد ادم اخوية وينة شصار بي
-  منو قصدج الجابوه وياج
- اي بي ربو دكتور شبي اخويا
- ما بي شي جان عندة نوبة اختناق وهسة وضعة مستقر وانت
- طز بية ما اريد اعرف شبية وديني يمة الله يخليك
- ما اكدر وانت لازم ترتاحين

صرت عصبية وسحبت الكانونة من ايدي واريد اكوم وادورة كمت ودخت وكعت بالكاع
- اهدي كومي وياية ساعديني
- وخر عني اريد ادم لك ادم حبيبي ريحة امي تعال
-والله ما بي شي شوفي نفسج شلون تعبانة اهدي بس افحصج واوديج
- مااا اريد بس وديني الله يوفقك
- لا تبجين كافي هسة اجيبلج كرسي و اخذج يمة
كل الافكار السودة اجت براسي هو يكلي زين ومستقر واني ببالي اتخيلة ميت

رحت يمة ماكو احد واكف لا ابويا لا نورهان ولا احد كلت هاي احسن فرصة حتى اخذة وانهزم

- دكتور اهلي وين
- اهلكم راحو اني مقبلت يبقون لان مراح يسون شي ادم محتاج راحة واوكسجين وباجر نخرجة و انت لازمج تحاليل وهسة مجرد متشوفي نروح نسويها
- ماشي
فتت يمة ايدي ترجف لزمت ايدة وبقيت ابجي وابوس بيها واعتذر منة لان مكدرت ادافعلة ولا اسويلة شي وما وكفت بوجههم ولا حميتة منهم
مجنت ادري الدكتور واكف وراية
- شصاير وياكم
- انت مو طلعت
- اذا احد معتدي عليكم كولي نشتكي
- لا ماكو شي
- لعد ليش تكولين هيج امكم كالتلي البنية انتلت وهذا من خوفة هاج علي الربو
- ههههه حسبي الله ونعم الوكيل
- احجي اني اكدر اساعدكم
- دكتور اهلنا ذولة ما نشتكي عليهم  خلاف بسيط وانحل بس اريد منك شي اذا متصير عليك زحمة
- شنو كولي
- اريدك تخرجنا منا قبل لا يجون وعلى مسؤوليتي اني مو قاصر
- بس انت هم تعبانة وبعدنا ممجيكين حالتج الصحية اخوج كلش وضعة زين
- كتلك على مسؤوليتي اني ما بية شي
- ما اكدر
- الله يخليك دكتور اتوسل بيك انت تريد تساعدنا وهاي اني دا اطلب مساعدتك
- اوكي
- شكرا الله يحفظك يا رب

نقل ادم لغير غرفة بينما يصحة واخذني يسويلي فحوصات كملت كل شي والتحاليل زينة
بس احتاج للراحة ..