دولاب الزمن

17

#دولاب_الزمن17
Shahd Alsalman
من كعد ادم حجيت وياه وكال مختصر لحياتهم وافتهمت انه هاي المرة مو امهم و هي مرت ابوهم سالتة عن سبب الصار كالي مشكلة نورهان سوتها وهي ماكو اصلا بس ما اعرف شنو السبب
وحجالي عن موضوع الجويات والحروق اللي بجسمها من جنت افحصها انتبهت عليها بس مصار مجال اسالها عنهم

خبلني من كالي الاب مجويها شون نطاه كلبة هذي بنتة وحتى لو غلطانة قابل شمسوية مشوه جسمها وماذي نفسيتها ونفسية ابنة لوما ستر الله جان خسرهم واعتقد هو هذا اللي خلاه منهار وميكدر ينطق ولا حرف

الحمدلله اللي سمعت كلامها وطلعتها والا شون ترجع لذولة الناس مو طبيعين واكيد مرضى نفسيين او عقليين يعني ماكو انسان عاقل عندة احساس وكلب ودماغ يفكر بي يسوي هيج بطفل وشابة توها باول حياتها

والقهرني اكثر من كال جان حابسها وبالبداية كالي سبب نتلتها من الاسلاك اللي محاوطة المخزن بس مفتهمت الا من كالي محبوسة بقيت افكر شمسوية هي حتى تتعاقب هيج

كطعت كلامنا من صبحت علينا وتأثرت من شفت ادم يبوسها ويحضن بيها وهي تكلة يا ريحة امي شهالمحنة العدهم تمنيت من صدك اني مكانة شكد محتاج للاحضان والحب والحنية اهلي يسالون عني واخواني وخواتي احبهم بس ماكو بيناتنا حنية مثلهم يعني عادي علاقتنا مو مثلهم

اني اسوي كل شي واهتم بواحد واحد بس هم لا
حجينا شوية بعدما رفضت تبقى يمي وتريد تدفعلي ايجار في حالة كعدت يمي لزمتني الضحكة على تفكيرها اللي يشوف وجهها الطفولي ما يتخيل عدها هاللسان قوية وعدها عزة نفس و مبينة تحفظ المعروف

مهتمة باخوها كلش وتحبة لدرجة حسيت بيها امة من جنا نتريك وناكل اني خفت لا ايدها انشلت او تقلصت كنوع من انواع التأثر ما بعد الصدمة بس باوعت لازمة طرف بلوزة ادم اخوها بدون متحس او تتكلف او يكون شي مصطنع

من سالتها بقت مجلبة بي واتطمنت عليها بس ذبت بهالحنية تاكل وعيونها مليانة بجي وحجي وافكار اخوها مبين مسلم كل شي بيدها
حقة اللي يلكة هيج دلال واخت وحنية وبنية قوية بعد ما يهتم لشي ويشمر كل شي وراه بدون ما يفكر لان واثق هي تحل كل شي

حنين هو هم عليها كلش ويبوس بيدها وبقى لازمها لحد ما خلصنا الاكل
كمنا اني وادم ما قبلت نلم وياها شي رحنا غسلنا وكعدنا بالهول حتى نشوف حل للكعدة مالتهم وسكنهم اتفاهمنا واتفقنا يكعدون عندي لان صدك متونس بيهم واحس البيت ردت بي الروح احسن ما مكابل الحيطان اغلب وقتي بالدوام اي نعم لكن من ارجع الوحشة تذبح اكوم افتح التلفزيون واعلي لو اخابر اهلي ع الحاسبة كام وبدون سماعات حتى احسهم عايشين وياية

بعدها كمت كتلهم حنام شوي منايم استأذنت ربا مني حتى تجهز غدا وطبعا كيفت وفرحت لان فجاة احس صار عندي عائلة وناس عبالك اجوي بالوكت اللي جنت محتاج حيل واحس بالوحدة

رجعت دا اكللهم علمود خاف تجي ربا الحالة فيكعدوني ولا يتصرفون اي شي
بس سمعتها دتحجي وياه وشفتها خالتة بحضنها ودتسالة عن كل شي
يابة شكد تحملو ظلم واهانات وتهم وشكد تعذبو هاي هيج ينهجم البيت من تروح الام الله يساعدهم

ربا عجبتني لان هي خجولة ومربية نفسها بنفسها وربت اخوها على شغلات اني شكبرني محد كايلي عليها 
زارعة بي عزة النفس والطيبة والكرامة والخوف من الله بحيث من سألتة ع الافلام الاباحية جيت اضحك لان اثنينهم وجوههم حمرة وخجلانين بس كانما هي دتستعمل مبدا الضرورات تبيح المحظورات بحيث منطيتة مطلق الحرية انه يحجي وينطلق لكن هالحرية الها حد واحترام واضح جدا

من خلصو كلامهم كاللها انام بحضنج بعد الغدا كلت بكلبي ريت اني مكانك يا ادم هنيالك عليها وعلى حنيتها عليك بسرعة ركضت للغرفة استحيت يشوفوني واكف اتسمع عليهم

نزعت هدومي ولبست شي خفيف بالاول تكلبت بالفراش بعدين اتذكرت من شلتها وخليتها بحضني ونامت على جتفي غفيت بسرعة
جنت حاس بالراحة بهاي النومة بس كعدت على صياح ادم وتذكرت انه نسيت اكللهم اذا اجتها الحالة يكلولي همزين صاحني
جانت واكعة ع الكاع وترجف حيل خفت لا تكرض لسانها او تكسر سنونها حطيت خاولي بحلكها
دقايق ورجعت طبيعية وهدت كلش دمعها ينزل بدون ما تحس
اعرف بيهة دتتوجع من التقلصات العضلية غمضت عيونها ونامت

شلتها ورجعلي نفس الاحساس الرهيب وهالمرة دمعها جان يوكع على فانيلتي خليتها بفراشها
وطلعنا ادم ظل مكابلها وكاعد فحتى الهي كتلة هي كلها شوية تنام وتهدى وترجع طبيعية واكيد تكعد جوعانة كوم نكمل السفرة والغدا حتى من تكعد تاكل ويانة جريتة من ايدة وخليتها نايمة

حضرنا الزلاطة وحميت التمن والسمج حطيتة بالمايكرو حتى يحمى
وما اكدر بعد انتظر اكثر من كدما الريحة هي تتحارش بخشمي ومعدتي كعدت هي مغسلة ومسوية شعرها واجتي اكلنا وسولفنا
شكد هادية ورقيقة برغم كل القوة التحاول تبينها
بس هي نازكة وحساسة كلش ..