دولاب الزمن

20

#دولاب_الزمن20
Shahd Alsalman
فتت للبيت جنت بعدني ضايج وما اشتهي اكل برغم من فتت شميت ريحة بيتزا طيبة هيجت جوعي بس ما الي نفس شكلها تحاول تحجي واستقبلتني واني درت وجهي وفتت الغرفة

اجاني ادم وكالي تعال نتعشى دننتظرك كتلة انتو اتعشو اني حنام
لبعد ساعتين هيج كلش جعت كلت اكيد هسة نامو طلعت على كيف ورحت للمطبخ فتحت الثلاجة همزين مبقيلي والله متت جوع
بقيت فاتح الثلاجة وواكف اكل مثل الحرامي
جان اسمع ضحكة فززتني طلعت واكفة تتفرج علية هسة دخذها وفوت للغرفة حبكت الا هنا تاكل

- تريد احميلكياها
- شنو هي دا اشرب مي اني
- هههههههههههههه
- ليش تضحكين
- المي صاير ينعلس ؟
- اي عادي هيج دا اضوك شفتها كبالي
- تعال اكعد خليني احميلك الاكل
- مااريد شكرا
تصبحين على خير

رحت لغرفتي واني فشلان لان شافتني هيج ودا اتصرف مثل الجهال من يتزعلون
ورة شوية اندكت الباب

-ادخل
- تفضلي
-اسفة
- لا عادي بعدني منايم
- اقصد اسفة لان زعلتك اليوم وكتلك هالحجاية
- ...
- اعرف انت مقهور منها واني جفصت بس ..
- خلص مصار شي انسي
- يعني سامحتني ؟
- يهمج ؟
- اكيد طبعا انت مهم بالنسبة الي و زعلك ما يرضيني
- اني هم اسف لان كلبت وجهي بيج
- ولا يهمك تمون بس اريد انطيك شي
- شنو ؟
- غمض عينك بالاول
- غمضت

سديت عيني و هي تفتح بعلبة مبين من الصوت جرت ايدي من لزمتها هم رجعلي نفس الاحساس من شلتها واتمنيت متخلص هاللحظة لبستني بيها شي
كالتلي فتح
شفت ساعة كلش حلوة

- بالعافية كلش لايكتلك
- هاي الي
- طبعا الك لعد الي ههههههه
- امممم ليش جبتيها حتى تراضيني اني مزعلان ليش تصرفين راتبج على هيج امور
- اول شي هاي مو امور ثاني شي طلعت للسوك واشتريت كم شغلة لأدم و شفتها اتذكرتك بيها واذا متريدها جيبها
سحبت ايدة وهو لزم ايدي وظل صافن بعيني عبالك تيه الحجي
- لا هاي مالتي
- خوش لعد صير حباب وعاقل هههه
- هههه صار

ظل صافن بية واني هم شكلة حلو هو اول مرة انتبه لوجهة يعني عندة ملامح حلوة سحبت ايدي منة وهو هم وترخصت منة وطلعت
ما اعرف شحسيت من لزم ايدي وصفن بية
كلبي يدك سريع شنو الموضوع

من فرحتي نمت بالساعة وبقيت اتكلب وكل ما اغفى واكعد الكة نفسي مبتسم وفرحان كلش لمسة ايدها غير شكل الدفا البيهم والحنية اللي بعيونها تخبل تخليني اتمنى لو احضنها واضمها بكلبي

يمكن اني راح اعترفلها بحبي بعد مدا اكدر اصبر واتحمل هاي اول مرة اعيش هيج مشاعر حلوة وصافية واكون مرتاح
من كدما ملت علية حياتي حتى اهلي اتصل بيهم قليل منسيتهم بس انجذبت الها اكثر وحنانها واهتمامها خلاني انسى كل شي واكون مركز وياها هي و بس ..

صارت عدنا حالة طوارئ بالمستشفى دزو علية ولازم ابقى اسبوع يمهم
فانطيتها خبر لربا حتى لا تروح للعيادة
كل يوم اتذكر لمسة ايدها وعيونها والساعة ما انزعها مستحيل