ရဟတ်(ကဗျာစုစည်းမူ)

ကြယ်တိုင်းဟာ လင်းတယ်

ကြယ်တိုင်းဟာ လင်းတယ်
*******************

ညီမလေးရေ......
အလင်းတစ်စကို ပတ်တီးစည်းထားရတဲ့အတိုင်း
စိတ်တိုင်းကျ..... ရုပ်လုံးမထုဆစ်နိူင်တဲ့ ညတွေမှာ
ငါ...အဖြူထည် အကြောင်း နည်းနည်းတွေးမိလေရဲ့....
ငါက..မှောင်မိုက်ခြင်း တစ်ဘတ်ကမ်းက လူကွဲ့
မင်းကမ္ဘာမှာ မိုးသားတွေစွတ်စွတ်ဖြူနေတာကို
အတိုင်းသာတော့ မြင်ရတယ်
ဆိုတော့ကွယ်......
မင်းဟာ ငါ့နံရံမှာ အဖြူကင်းပတ်စ်စတစ်ခုလို ဖျပ်ခနဲ လင်းထိန်တယ်။

ညီမလေရေ......
ငါ့ညထဲက ညည်းတွားသံစဉ်တွေကို အကုန်နူတ်ယူသွားလိုက်ပေါ့ကွယ်
ဖြူဖြူစင်စင်လင်းဖို့ မီးအိမ်တစ်လုံးကို နံရံမှာထောင်မယ်
ပင့်ကူတစ်ကောင်လျှောတ်ခြစ်ထားတဲ့ လက်ရေးစုတ်တွေနဲ့
နွေဦးအကြိုကို စွတ်စွတ်ဖြူခြင်းတွေနဲ့ ငါဂုဏ်ပြုမယ်
ကံမကောင်းအကြောင်းမလှဖြစ်ခဲ့ရင်တောင်
မင်းကဗျာတွေထဲကနေ မင်းကို ငါမျှော်ငေးနေမယ်
မင်းဟာ စံပယ်ဖြူတွေလို အလင်းနဲ့ပြန်ခဲ့ပေါ့ကွယ်....။

ညီမလေးရေ....
ခါးသီးခြင်းတစ်ချို့အတွက် လူတွေက အဆိပ်လူးခဲ့လည်း
မင်းစိုက် တဲ့ နှင်းဆီပင်တွေမှာ စံပယ်တွေ လင်းထိန်းနေလည်း
ဆူးလက်နတ်တွေတော့ ရှိသင့်တယ်
သိပါစေကွယ်....
အန္တရာယ်တွေနဲ့ လိုအပ်ချက်တွေ စုပြုံနေတဲ့ လောကဓမ္မမှာ
မင်းအသုံးချမိလို့ အဖြူထည်ဟာ ညစ်နွမ်းမယ် မထင်လေနဲ့
အမှောင်ထဲမှာ အလင်းတစ်စဆိုတာဟာလည်း ကြယ်တွေလိုလင်းနေမယ်
ဒီလိုပဲကွယ်
အဖြူကင်းပက်စ်ပေါ်က အနတ်တစ်စကိုလည်း ငါသိပ်ထင်ရှားစေချင်တယ်
အဲဒီ အနတ်စက ဂျိုကာတစ်ကောင်ရဲ့ သင်္ကေတပါတဲ့
မင်းအသုံးချတတ်ရင် လိုသလောက် သွားတတ်တဲ့
ရေစီးကြောင်းဆိုလည်း ဟုတ်သတဲ့
အခုပဲ...ရေစီးကြောင်းထဲမှာ
မင်းသင်္ဘောကို စက်တပ်ခုတ်မောင်းလိုက်ပါတော့ကွယ်။

ညီမလေးရေ......
လိုအပ်ချက်ဆိုတာ ကြောက်စရာကောင်းတဲ့မုဆိုးမဟုတ်ဘူးပဲ
အဲဒါကို ရွက်ကုန်လွှင့်ပြီး မင်းရဲ့တိမ်ဖြူဖြူတွေနဲ့အတူ
ကြိုးကြာတွေဆီ အရောက်သွားပါ
ငါကတော့ မြေပြင်မြက်တွေလို နေခဲ့မယ်...
မင်းခရီးစဉ်ကိုတော့....
ငါ့က တစ်ထောင့်တစ်ညပုံပြင်တွေလို စီတန်းပြီး
တခုတ်တရပဲ ပြောဆိုနေမယ်
ဘဝမှာ ဖယောင်းတိုင်းတွေကိုတော့ မီးညှီပေးခဲ့ပါကွယ်....။
ညီမလေးရေ.........
မင်းကမ္ဘာထဲမှာ အိပ်မက်တွေ မသေဆုံးခဲ့ဘူး မှတ်လား
အနတ်တစ်စကိုလည်း မင်းကမ္ဘာထဲမှာ အမှတ်ရနေခဲ့ဦး
သူမသေဆုံးခဲ့ဘူး
သူမင်းအိတ်ကပ်ထဲမှာ နေဝင်ထားလိမ့်မယ်။

ညီမလေးရေ...
မညီညာတဲ့လမ်းတွေပေါ်မှာ
ဂဏန်းတစ်ကောင် ဘေးတိုက်သွားတာ ဘာအရေးလဲကွယ်
အသေးအဖွဲ့လေးပါပဲ
အာရုံထဲ ထည့်တွေးတိုင်း ရင်တွေလေးနေရမယ်
ပစ်ချထားလိုက်ကွဲ့.....
အချိန်တန်ရင် သူမြေကြီး သူ့တူး တတ်လာမှာပါလေ.။

ညီမလေးရေ
ဟိုးမှာ....သက်တံတွေ တွေ့မိလား
မင်းပဲ ခပ်မြန်မြန်လျှောတ်ပါကွယ်
အနာဂတ်မှာ မင်းနာမည်ကို ကြေညာတဲ့အသံ
ငါ့အတိုင်းသားကြားနေရတယ်...
မင်းမြန်မြန် သွားကွဲ့....
ခလုတ်မထိ ဆူးမငြိအောင်
မျတ်စိစုံမှိတ်ပြီး ရဲရဲသာလျှောတ်
ဟော့ဒီနေ့လောက် ဘယ်နေ့မှ သစ္စာမရှိလောက်တော့ပါဘူးကွယ်။

ကဲ.....
ညီမလေးရေ..
တစ်ခွန်းတော့ ပြောမယ်ကွယ်...
ကြယ်တိုင်းဟာ လင်းတယ်....။ ။
Sep2.2017
Minsetwai

---------------------------------------------------------