Friends | فريندز

بـدايـة

~ من وجهه نظر سارة ~

كالعادة متأخرة على الكلية و كالعاده بردو بيروح عليا نومه و ينتهي بيا الحال بجري علشان الحق ادخل الكليه قبل ما يوقفني الحارس زي حالتي دلوقتي كده بالضبط

رفعت ايدي ابص في الساعه و انا بجري في الشارع الزحمه لأنه اضطريت انزل من العربيه و اسيب السواق في أول الشارع لاني لو اتأخرت اكتر من كده مش هعرف ولا ادخل من البوابه و دكتور عمر مش هيدخلني محاضرته النهاردة

على أساس اني بهتم بس مش عاوزاهم يتكلموا مع اهلي انا مش ناقصه وجع دماغ

يمكن تستغربوا ليه ميرضوش يدخلوني و ليه يتكلموا مع اهلي هو انا في مدرسه! هي مش مدرسه بس للأسف على سنتي السوداء قرروا يطبقوا نظام المدارس في الجامعات و دي اول سنه تنطبق فيها

و فاضل شويه و يقولولنا في زي مدرسي قصدي جامعي كمان نلتزم بيه.. و الله خايفه يحصل

صحيح انا نسيت اعرفكوا بنفسي..

انا سارة.. عندي ٢٠ سنه.. ثالث سنه ليا في الجامعه هنا قسم.. مقدرش اقول قسم حتى لاني قولت قبل كده انهم طبقوا نظام المدراس فـ احنا بناخد كل المواد زي المدرسه بالضبط و بعد الجامعه في سنتين تخصص تقدر تتخصص بقى في اي ماده من الي اخذتهم دول ، يمكن تقولوا ايه الجنان و العبط ده بس دي الحقيقه للأسف الشديد

أو اقدر اقول اني قسم الأدب بس ادب ايه و انا بأخد محاسبه - زي الرياضيات - و علم نفس و انجليش!!!

يا رتني كنت فضلت في المدرسه احسن لو كنت اعرف كده كنت قدمت اعتذار بعد الثانويه و قعدت في بيتنا و ريحت دماغي بس الي حصل بقى

شخصيتي هتعرفوها من طريقتي مع الدكاتره و اصحابي.. اصحابي اه الشله الفاسدة ، أظن اني من غيرهم مكنتش استمريت في الجامعه دي ابدا

الساعه دلوقتي ثمانية داخله على و ثلث يعني المحاضره بادئه بقالها ربع ساعه تقريباً يعني قدامي بالضبط عشر دقائق و الباب هيتقفل و مش هعرف ادخل و لو رجعت البيت بابا هيبيتني على باب البيت

شديت في الجري اكتر و قربت ازغلل من كتر الجري المبالغ فيه حرفياً

" لالالالالالالالااااا "

بدأت اسرخ ب ' لا ' لما لقيت ان الأمن إلى واقف على الباب الصغير الي هدخل منه لأن الباب الرئيسي قفل من زمان من الساعه ٧ الصبح

و قبل ما يقفل زقيت الباب و دخلت من الزؤر الصغير و تزامنًا مع دخولي هو قفل الباب ف انا لفيت و بصتله و انا بجري ناحيه باب المبنى بتاعي