ရှန့်လင် စာသင်ကျောင်းတော်။
မင်းနေပြည်တော်တွင် အကြီးမားဆုံးသော ကျောင်းတော်ကြီး။ ကျောင်းဧရိယာသည် ပြောရလောက်အောင် ကျယ်ဝန်းလှပြီး ကျောင်း၏ တောင်ဘက် မနီးမဝေးတွင် လန်မြစ်က စီးဆင်းနေသည်။ မြောက်ဘက်တွင် စိမ်းလန်းစိုပြေသော တောအုပ်ငယ်လည်း ရှိသည်ကြောင့် ပူအိုက်သော ရာသီဥတုတွင်မူ ကျောင်းတော် တစ်ဝိုက်က စိမ်းလန်းအေးမြ၍နေသည်။ တိုင်းပြည်ပညာရေးအတွက် အထူးရည်ရွယ်ထားသည်မို့ ဝင်ခွင့်စစ်ဆေးဖြေဆိုရသောကျောင်းသားကျောင်းသူများသည် ထက်မြက် ထူးချွန်မှုရှိကြသည်။ အခြေခံ လူတန်းစားများအပြင် တော်ဝင်မိသားစုများ အမတ်ကြီး သားသမီးများအစသဖြင့် လည်း လူတန်းစား စုံလင်လှသည်။ တော်ဝင်မျိူးနွယ်များ ရှိသည့်အပြင် မင်းကြီးသည်လည်း လာရောက်စစ်ဆေးတတ်တာမို့ ကျောင်းဝင်းထဲ ဝင်ခွင့် လုံခြုံရေးသည် အထူး တင်းကြပ်လှ၏။
ယခုသည်ကား ကျောင်းဝင်းတွင်း အနောက်ဘက် ပြိုင်မြင်းကွင်း တွင်ဖြစ်သည်။ သောင်းသောင်းဖျဖျ အော်ဟစ်သံများနှင့်အတူ ပွဲစည်လှသည်။
" ရန်ချူးဟန် ကြိုးစားထား !!""
" ချူးဟန် ချူးဟန် "
နဖူးစည်း အနီရောင် နှင့်အဖြူရောင်မြင်းပေါ်တွင်ခန့်ညား နေသော ယောကျာ်းပျိူ တစ်ယောက်က ပြိုင်ပွဲဝင်များကြား တွင် ထင်းနေ၏။
ဘေးချင်းကပ်ရပ်ဖြစ်သော နဖူးစည်း အပြာရောင်နှင့် လူငယ်က စောင်းငဲ့ကြည့်လာကာ--
" ရန်ချူးဟန် ရဲ့ ထင်ပေါ်မှုက ဘယ်သူကမှ မယှဉ်နိုင်ပါလားနော်"
" အစ်ကိုလွီလျိူ က ပိုပြီး နာမည်ကြီးတာ ကျွန်တော်သိပါတယ် "
" ဟား မဟုတ်မှန်းသိပေမယ့် လက်ခံလိုက်မယ် ကဲ-- အစွမ်းကုန် ထုတ်သုံးကြတာပေါ့ "
ဒိုင်လူကြီး၏ ခရာမှုတ်သံအဆုံးမှာ ဇောင်းမှလွှတ်လိုက်သကဲ့သို့ မြင်းစီးပြိုင်ပွဲ တစ်ရှိန်ထိုး စတော့သည်။ မင်းသားလွီလျိူ နှင့် အပေါင်းအပါများ၏ အပြာရောင်အသင်းနဲ့ အမတ်ချူပ်ကြီး၏ သား ရန်ချူးဟန်တို့အနီရောငိအသင်း၏ နောက်ဆုံးပွဲစဉ်ဖြစ်သည်နှင့်အညီ ပြိုင်ပွဲစွမ်းရည်က အံ့မခန်းလိလိ--။
ВЫ ЧИТАЕТЕ
မိုးမြေရေးသည့် ဖူးစာ
Исторические романы#ကိုယ့်စိတ်ကူးထဲက ဇာတ်ကောင်လေးတွေကို ပုံဖော်ထားတာပါ မြစ်ထဲက ငါးကလေး ကရော အချစ်ကို ထိတွေ့လို့ မရဘူးလား ? မိစ္ဆာ လို့ သတ်မှတ်ခေါ်ဝေါ်လေ့ရှိသော လူသားလောကမှာ လူသားတစ်ယောက်ကို မေတ္တာသက်ဝင်မိသော ငါးကလေးရဲ့ ချစ်ပုံပြင်က အဆုံးသတ် ကောင်းပါ့မလား ? ချစ်ခြင်းမ...
