Part-22
လူမှန်းသူမှန်းမသိအောင်မူးလာသည့် ချူးဟန်ကို အမတ်ချူပ်ကြီးရန် မသိခင်ပဲ ရန်ကတော်က ရှောင်ဟုန်ယွီ အား အိပ်ခန်းကိုညွှန်ပြပေးသည်။ အကြောင်းမူကား ရှောင်ဟုန်ယွီ ကိုသာ တင်းတင်းတွယ်ဖက်ထားဆဲဖြစ်သည့် ချူးဟန်ကြောင့် ။
“သားလေးအတွက် ဘေးကအခန်းကိုပြင်ထားခိုင်းပြီးပါပြီ။ဒီမှာပဲ အိပ်သွားလိုက်တော့နော်။ ချူးဟန်ကို ဒီလိုကူညီစောင့်ရှောက်ပေးတာ ကျေးဇူးတင်ပါတယ်ကွယ်။”
“မဟုတ်တာပဲ ရန်ကတော်.။ကျွန်တော်က ချူးဟန်ကို စောင့်ရှောက်တာ ကျေးဇူးမှ မလိုတာ.။နောင်ခါ ကျေးဇူးမတင်ပါနဲ့နော်.”
ဖြူဖြူစင်စင်လေး ပြုံးကာပြောလာသည့် ရှောင်ဟုန်ယွီ ကို ရန်ကတော်က ပြုံးလျက်ကြည့်သည်။ထိုကလေးငယ်သည် မြင်ကတည်းက နှစ်လိုဖွယ်အဆင်းနှင့်ဖြစ်တာကြောင့် မိန်းကလေးသာဆိုလျှင် ချူးဟန်နှင့် ထိမ်းမြားပေးလိုက်မည်အထိ ရန်ကတော် သဘောကျပါသည်။
“ဒါဆို ချူးဟန်ကိုစောင့်ရှောက်ပေးပါဦး။ကြည့်ပါဦး ဒီကောင်လေးကတော့ သားကိုအတင်းကိုတွယ်ဖက်ထားတော့တာပဲ”
ရန်ကတော် ခေါင်းလေးတယမ်းယမ်းဖြင့်ပြုံးကာထွက်သွားတော့မှ ချူးဟန်ကို အိပ်ရာပေါ်တင်ပေးရသည်။မူးနေသော ချူးဟန်သည် ချစ်ဖို့ကောင်းလွန်းနေသလို တစ်ဆက်တည်းစိတ်မကောင်းဖြစ်ခြင်းကိုပါ ရှောင်ဟုန်ယွီ ခံစားလိုက်ရသည်။ဒီလို ဖြစ်နေရခြင်းအကြောင်းရင်းက တရားခံ က သူပဲမလား။
“ချူးဟန် ကျွန်တော့်ကိုလွှတ်ဦးလေ။ဘယ်မှ မသွားဘူး”
“အင်း ”
ဖိနပ်နှင့်ခြေအိတ်ကိုပါ ချွတ်ပေးရင်း စောင်လေးခြုံပေးလိုက်သည်။ ပါးပြင်ချောချောကို မက်မက်မောမောထိတွေ့မိပြီးမှ --
“တောင်းပန်ပါတယ် ချူးဟန်။ကျွန်တော် မကောင်းလို့ ချူးဟန် ဒီလိုတွေ ခံစားနေရတာ.။တောင်းပန်ပါတယ်။”
တစ်ညလုံး ရှောင်ဟုန်ယွီ အနားမယူနိုင်ခဲ့ပါ။ အိပ်မောကျနေသည့် ချူးဟန်ကိုသာ တမေ့တမော့ငေးလျက်အချိန်ကုန်ခဲ့သည်။ ဤလူသားကို သေချာကြည့်လေလေ ချစ်မြတ်နိုးစိတ်တိုးလေလေဖြင့် ရှောင်ဟုန်ယွီ လက်မလွှတ်နိုင်သည်မှာ ပိုလို့သေချာ လာနေတော့ သူ စိတ်ပင်ပန်းရတော့သည်။သို့ပေမယ့်လည်းလေ. မေတ္တာက တားဆီးလို့မရတာမို့ သူအလိုအတိုင်း လွှတ်ထား လိုက်ရုံအပြင် ပိုပြီး မတတ်နိုင်ခဲ့ပါလေ။
VOCÊ ESTÁ LENDO
မိုးမြေရေးသည့် ဖူးစာ
Ficção Histórica#ကိုယ့်စိတ်ကူးထဲက ဇာတ်ကောင်လေးတွေကို ပုံဖော်ထားတာပါ မြစ်ထဲက ငါးကလေး ကရော အချစ်ကို ထိတွေ့လို့ မရဘူးလား ? မိစ္ဆာ လို့ သတ်မှတ်ခေါ်ဝေါ်လေ့ရှိသော လူသားလောကမှာ လူသားတစ်ယောက်ကို မေတ္တာသက်ဝင်မိသော ငါးကလေးရဲ့ ချစ်ပုံပြင်က အဆုံးသတ် ကောင်းပါ့မလား ? ချစ်ခြင်းမ...
