ညနေခင်းကျောင်းဆင်းသည့်အချိန် ဈေးတန်းလေးထဲတွင် ချူးဟန်နှင့်ဝမ်ကျား နှစ်ယောက် လှည့်လည်ငေးမော နေသည်.။နှစ်ဦးတည်းသာ သိသည့် ချူးဟန်နှင့် မိန်ရွှယ်တို့၏ မြင်းစီးသင်ခြင်းကိစ္စသည် အပတ်စဉ်ကျောင်းပိတ်ရက် မတိုင်ခင် တစ်ရက်တွင်တော့ အမြဲနားလေ့ရှိသည်။
“ချူးဟန်..ဟိုမှာ လန်မိန်ရွှယ် မဟုတ်လား.။အစ်ကိုလွီလျိူ နားက-”
အမှန်ပင်ဖြစ်ပါသည်.။မိန်ရွှယ်သည် လက်ဝတ်ရတနာအလှပစ္စည်းလေးတွေ ရောင်းသည့်ဆိုင်ရှေ့တွင် မင်းသားလွီလျိူ မျက်နှာကိုမော့ကြည့်လိုက် ပစ္စည်းရွေးခိုင်းလိုက်နှင့် ပျော်မြူးနေပုံရသည်.။ သူတို့လှမ်းကြည့်စဉ်မှာပင် လွီလျိူက မြင်သွား ပြီး အပြုံးတစ်ချက်ဖြင့် လျှောက်လာသည်.။ချူးဟန်တို့က အငယ်ပေမို့အရင်ဦးအောင်လျှောက်သွားလိုက်၏။
“အစ်ကိုလွီလျိူ..”
“ဈေးလည်တာလား ??”
“ဟုတ်ပါတယ်.အစ်ကိုလွီလျိူ ဈေးလည်တာတော့သိပ်မတွေ့ဖူးဘူးနော်.”
ချူးဟန် စကားစနေစဉ်မှာပင် မိန်ရွှယ်က အနားရောက်လာသည်.။ပြီးတော့ အသာပြုံးပြပါသည်.။ခါတိုင်းမြင်းစီးသင်ပေး ရန်တီတီတာတာဆိုနေကျ လန်မိန်ရွှယ်နှင့်တော့ အနည်းငယ်ကွာခြားနေသည်ဟု အဘယ်ကြောင့်ထင်မိမှန်းမသိ.။
“ဟုတ်တယ်.မိန်ရွှယ်ကအတင်းအပူကပ်နေလို့လေ.။”
“အစ်ကိုလွီလျိူ က လည်း ~~”
“ဒါဆို ရောက်လက်စနဲ့ ကျွန်တော်တို့ ဟိုဘက်ဈေးထိပ်က ပေါက်စီသွားစားကြမလား။အရမ်းကောင်းတယ်လို့ကြားတယ်”
ညနေခင်း ဗိုက်ဆာနေသည့်အချိန်ပေပဲမို့ ၀မ်ကျား၏ အဆိုပြုချက်အတိုင်း ပေါက်စီဆိုင်လေးသို့တူတူ လျှောက်လာခဲ့ကြသည်.။အငွေ့တထောင်းထောင်းနှင့် အနံ့သင်းလှသော ပေါက်စီသည် စားချင်စဖွယ်ဖြစ်သည်.။လွတ်နေသော တစ်ဝိုင်းတွင် နေရာယူလိုက်ကြပြီး စားပွဲထိုးလေး လာချပေးသွားသော ပေါက်စီကို မြိန်ရေရှက်ရေ ဖြင့် စားကြလေသည်.။
“သားကိုနည်းနည်းပေးပါ..ဗိုက်ဆာလွန်းလို့ပါ….”
“သွားစမ်း !!! ဆိုင်ညစ်ပတ်တယ်.။စားပွဲထိုး !!! ဘာလုပ်နေတာလဲ မောင်းထုတ်လိုက်လေ.။”
ESTÁS LEYENDO
မိုးမြေရေးသည့် ဖူးစာ
Ficción histórica#ကိုယ့်စိတ်ကူးထဲက ဇာတ်ကောင်လေးတွေကို ပုံဖော်ထားတာပါ မြစ်ထဲက ငါးကလေး ကရော အချစ်ကို ထိတွေ့လို့ မရဘူးလား ? မိစ္ဆာ လို့ သတ်မှတ်ခေါ်ဝေါ်လေ့ရှိသော လူသားလောကမှာ လူသားတစ်ယောက်ကို မေတ္တာသက်ဝင်မိသော ငါးကလေးရဲ့ ချစ်ပုံပြင်က အဆုံးသတ် ကောင်းပါ့မလား ? ချစ်ခြင်းမ...
