“သေသေချာချာ ပြန်စဉ်းစားစမ်း ချူးဟန်။ မင်းသားလွီစုန့် မြောက်ဘက်မြို့တော်ကို အဓိက သွားမယ့်ကိစ္စဘယ်သူကို မင်းပြောမိသေးလဲ။”
“ကျွန်တော်ဘယ်သူ့ကိုမှ မပြောပါဘူး ဖေဖေ”
“ဒါဆို မင်းသားရယ် ငါရယ် အမတ် နည်းနည်းရယ်ပဲသိတာကွ။ အမတ်မင်းတွေ ဆိုတာကလည်း မင်းသားငယ်ကတည်းက သစ္စာခံတွေ.။ငါ က မင်း သတိမထားမိဘဲ တခြားတစ်ယောက်ကိုပြောပြလိုက်မိမှာစိုးတာပါ.။ဒါက မင်းအတွက်ပထမဆုံးအတွေ့အကြုံမလား။ ”
သတိမထားမိဘဲဟူသော အသုံးအနှုန်းတွင် ချူးဟန် သူမကို သတိရမိသွားသည်။ ခေါင်းကိုချက်ချင်းပြန်ခါယမ်းလိုက်ရသည်။ အတူရင်းနှီးကျွမ်းဝင်ကာ ချစ်သူတွေတောင်ဖြစ်နေပြီမို့ သူမ စိတ်သဘောထားကို သိသင့်သလောက်သိနေပါသည်။ ဒီလိုမျိူး ပြုမူမည့် မိန်းကလေးမဟုတ်။
“လုပ်ကြံခံရတဲ့ကိစ္စရော.အဆိပ်မိတဲ့ကိစ္စပါ သေချာစုံစမ်းနေတယ်။အဖြေတစ်ခုတော့ရမှာပေါ့.။တော်သေးတာက မင်းသား ဘေးကင်းကင်းနဲ့ ပြန်လာနိုင်တာကိုပဲ။ဘာမှမဖြစ်ခဲ့လို့သာ ဒီလိုစကားအဖြစ်အေးအေးဆေးဆေးပြောနေနိုင်တာ.။တစ်ခုခုဆို အားလုံး ဒုက္ခရောက်ကုန်ကြမယ်။”
“ဟုတ်တယ် ဖေဖေ.။ရှောင်ဟုန်ယွီ ကယ်တင်ပေးခဲ့လို့သာပေါ့.။ဒါတောင် ကျွန်တော်တို့ က သူ့ကိုချူပ်ထားမိသေးတယ်။”
“သေချာတောင်းပန်စကားဆိုလိုက်ပါ။ ရှောင်ဟုန်ယွီ ဆိုတာ မင်းအမေကို ဆေးလာကုပေးနေတဲ့ သခင်မယွီရဲ့တူလေးဆိုတာလား။ငါ တစ်ခါမှမတွေ့ဖူးလိုက်ဘူး။”
“အဟွန်း--ဖေဖေ မြင်ရင်လည်း သားငယ်လေးလိုချစ်လိမ့်မယ်။မေမေက အဲ့ကောင်လေးကို သည်းသည်းလှုပ်ချစ်နေတာ.။သခင်မယွီနဲ့အဆက်အသွယ်မရလို့ ကောင်လေးနဲ့အတူလာလည်ပါလို့ပြောချင်နေတာနေ့တိုင်းပဲတဲ့”
“မင်းရဲ့ အမေ ကတော့ အငယ်လေးတစ်ယောက်လောက်လိုချင်နေတာပါပဲ.”
ချူးဟန် ကိုမွေးပြီးကတည်းက မိခင်က ကျန်းမာရေးချိူ့တဲ့လာသလိုဖြစ်သည့်အပြင် ကလေးလည်းထပ်မရရှိတော့တာ ခုထိပင် ဖြစ်သည်။မိခင်၏ခေါင်းကိုက်ရောဂါသည် ကာလကြာရှည်စွာ စွဲမြဲဖြစ်လာရာမှ ချူးဟန် အရွယ်ရောက်သည့်အချိန်ခန့်လောက် တွင် မိခင်ကသခင်မယွီနှင့်ဈေးထဲတွင် အမှတ်မထင်တွေ့ဆုံမိပြီး ဆေးကုပေးခဲ့ရာမှ ရောဂါ အတော်လေးသက်သာလာခဲ့ခြင်း ဖြစ်သည်။ ယခုဆို ပျောက်လုနီးပါးတောင်ဖြစ်နေသဖြင့်ခံစားရခက်သည့်ဝေဒနာကို ကုသပေးခဲ့သည့် သခင်မယွီ ကိုဆို မိခင် က အလေးပေးလေးစားစွာဆက်ဆံလေ့ရှိသည်။
DU LIEST GERADE
မိုးမြေရေးသည့် ဖူးစာ
Historische Romane#ကိုယ့်စိတ်ကူးထဲက ဇာတ်ကောင်လေးတွေကို ပုံဖော်ထားတာပါ မြစ်ထဲက ငါးကလေး ကရော အချစ်ကို ထိတွေ့လို့ မရဘူးလား ? မိစ္ဆာ လို့ သတ်မှတ်ခေါ်ဝေါ်လေ့ရှိသော လူသားလောကမှာ လူသားတစ်ယောက်ကို မေတ္တာသက်ဝင်မိသော ငါးကလေးရဲ့ ချစ်ပုံပြင်က အဆုံးသတ် ကောင်းပါ့မလား ? ချစ်ခြင်းမ...
