MALAKAS ang kutob ni Catherine na may gustong sabihin si Damian sa kaniya na isang importanteng bagay na hindi nito nasabi dahil dumating iyong nagpakilalang tito nito. Napansin din niya na parang natakot ang estudyante niya nang makita nito iyong lalaki kanina. Sa pag-iisip tuloy tungkol doon ay hindi niya magawang makapag-concentrate sa paggawa ng kaniyang final exam.
Pakiramdam niya kasi ay nasa panganib si Damian. Sa mukha nito kanina ay para bang gusto nitong humingi ng tulong sa kaniya. Masama din ang pakiramdam niya sa tito nito. Mabigat ang pakiramdam niya dito. Mukha namang mabait pero parang may mali talaga…
“Mama, basa mo ako…” Napahinto si Catherine sa pag-iisip habang nakapwesto siya sa kaniyang study table sa apartment nila nang lumapit sa kaniya si Caleb. Dala nito ang isang storybook.
“Later na lang, Caleb. Kay lola ka muna magpabasa. Okay? Kailangan ko pang tapusin work ko, e.”
“Sige po.” Malungkot nitong sagot at tumakbo na ito papasok ng kanilang kwarto.
Sana naman ay mali ako ng nararamdaman. Sana ay walang masamang nangyayari kay Damian… piping turan ni Catherine sa sarili.
-----ooo-----
INILUWA lahat ni Damian sa sahig ang katas ng pagnanasa ni Marco na ipinutok nito sa loob ng kaniyang bibig. Nakaluhod siya sa harapan nito habang ito ay nakatayo. Sumuka siya nang sumuka hanggang sa halos maluha na siya. Masakit na rin ang lalamunan niya dahil pakiramdam niya ay may natitira pa rin sa kaniyang lalamunan.
Itinaas na ni Marco ang pantalon at brief nito. “Masasanay ka din. Sa susunod, hindi na ako papayag na isuka mo 'yan. Mag-asikaso ka na at papasok ka pa sa trabaho mo.” Mahinahong sabi ni Marco.
Umupo ito sa gilid ng kama at kumuha ng sigarilyo. Siya naman ay tumayo na. Dumiretso siya sa lababo at doon ay nagmumog siya.
“Oo nga pala, may lakad ako ngayong gabi,” ani Marco.
Humarap siya dito. “Saan ka pupunta?” tanong niya.
“Wow! Parang asawa na talaga kita. Gusto mong malaman kung saan ako pupunta. Basta, diyan lang sa malapit. May gagawin lang ako. Uuwi din naman ako. Baka nga sunduin pa kita sa trabaho mo, e.”
Hindi na umimik si Damian. Tinungo na niya ang banyo at doon ay nilunod niya ang sarili sa pagligo sa pag-asang kahit papaano ay mababawasan ang duming inilalagay ni Marco sa kaniyang pagkatao.
-----ooo-----
KANINA pa nakatambay si Lena sa isang maliit na karinderya sa tapat ng apartment kung saan nakatira si Damian. Si Julian ang nagbigay sa kaniya ng ideya na pasukin ang apartment ni Damian at humanap ng ikakasira nito. Malamang daw ay may kung ano itong itinatago doon kaya mas magiging madali ang iniuutos sa kaniya ni Georgina. Segurista rin talaga si Georgina dahil isinama nito sa isang beach ang mga kaibigan niya para walang tumulong sa kaniya. Kunwari ay nagpaalam ito sa mga magulang nito na mag-gu-group study kahit hindi naman.
Sa totoo lang, ayaw naman niya talaga itong gawin. Natatakot lang siya na baka alisin na siya ni Georgina sa circle of friends nito at masama siya sa mga binu-bully nito. Maswerte na lang talaga siya na kahit hindi siya mayaman ay napasama siya sa grupo nito. Sa kanilang apat na babae kasi ay siya lang ang hindi mayaman. Mabuti na lang din talaga at nandiyan si Julian na sumasalo sa kaniya kapag may mga kailangan siya.
Kalat na ang dilim sa paligid. Kanina ay nakita niyang lumabas na si Damian mula sa partment nito pero nakikita niya na nakabukas pa ang ilaw doon. Kaya alam niyang may tao pa. Ang ipinagtataka niya ay kung sino ang kasama ni Damian sa apartment. Sa pagkakaalam niya ay mag-isa lang ito doon na nakatira.
