ရင်ခွင်နန်းတော်
အပိုင်း(၁၀)
~~~~~~~~~~~~~~~~
ပြည့်မင်းမြတ်
"ကိုယ်ပြန်ရတော့မယ်" သူကပြောပြီး ဟိုဘက်လှည့်သွားလေသည်။
ဒါ...ဒါဆို ကျွန်တော်ကရော....
အရင်ကအတိုင်းတစ်ယောက်ထဲနေခဲ့ရမှာလား?
အင်းလေ...သူ့အတွက်တော့ ဒီလိုတောမြို့လေးမှာနေတာကဘာအဓိပ္ပါယ်ရှိမှာလဲ
သူ့ဆုံးဖြတ်ချက်မှန်ပါတယ်။ ကျွန်တော် သူ့ကို ကျွန်တော့်နားမှာ
တစ်သက်လုံးနေစေချင်ပေမဲ့....
သူ့အတွက်ကိုတွေးပြီး လွှတ်ပေးနိုင်ရမယ်လေ...
ဒါမှလဲ...ကျွန်တော်သူ့ကိုတကယ်ချစ်ရာရောက်မယ်မလား?
ငိုဖို့မရည်ရွယ်ပါပဲ မျက်ရည်တွေက ပါးပြင်ထက်စီးကျလာသည်။
သူက ရေလေးတွေကို ခြေထောက်နဲ့မထိတထိ လုပ်နေရင်း
ပြန်လှည့်လာသည်။
"ကိုယ်ပြောချင်တာကလေ....ဟင်...ချာတိတ်...ငိုနေတာလား?"
သူပျာပျာသလဲအနားရောက်လာကာ ကျွန်တော့်မျက်နှာကိုမော့ယူပြီး
မျက်ရည်သုတ်ပေးလေသည်။
ကျွန်တော် သူ့လက်တွေကို အသာဖယ်လိုက်ကာ
"ကိုကြီးပြန်မယ်ဆိုရင်လဲပြန်ပါ...ကျွန်တော့်ကိုတစ်ယောက်တည်းမနေတတ်တော့အောင်တော့မလုပ်ပါနဲ့"
ပြောပြီး ထပ်ကျလာသောမျက်ရည်တွေကို လက်နှင့်ခပ်ကြမ်းကြမ်း ပွတ်ပစ်လိုက်သည်။
ကျွန်တော် ထထွက်သွားမလို့လုပ်တော့သူက အားနှင့်ဆွဲလိုက်သဖြင့်
ကျွန်တော့်လူကောင်သေးသေးလေး သူ့ပေါင်ပေါ်ထိုင်လျက်သားဖြစ်သွားသည်။
"ချာတိတ်ကွာ...."သူအသည်းယားသလိုခေါ်ရင်း ကျွန်တော့်နှုတ်ခမ်းကိုနွေးထွေးမှုတွေပေးပြန်လေသည်။
ကျွန်တော်မငြင်းနိုင်ပါ။ ဒါသည်ပဲသူ့ထံမှနောက်ဆုံးနှုတ်ဆက်အနမ်းလေလား
ကျွန်တော့်မျက်လုံးတွေကိုမှိတ်ချလိုက်တော့ဝေ့နေသည့်မျက်ရည်တွေက
သူ့ပါးပြင်ပေါ်အထိကျသွားလေသည်။
~~~~~~~~~~~~~~~
သူရိန်ထက်
ကျွန်တော့်ပါးပြင်ပေါ် သူ့မျက်ရည်စက်လေးကျလာတော့
ဘယ်လိုမှစိတ်မကောင်းနိုင်ပါ။
တကယ်ဆို ကျွန်တော်က သူတားတာလေးကိုကြားချင်တာပါ။
အခုတော့ ကျွန်တော့်ကိုမတားဆီးရက်ပဲ တစ်ယောက်တည်းဝမ်းနည်းနေရှာသော
ချစ်သူလေးကိုသနားမိသည်။
သူ့မျက်နှာလေးကို ကျွန်တော့် လက်နှစ်ဖက်နှင့်ကိုင်ကာ
မျက်ရည်လေးတွေကိုလက်မလေးတွေနှင့်သုတ်ပေးလိုက်သည်။
သူကမနေတတ်သလိုလေး ရုန်းဖယ်ဖို့လုပ်နေတော့...
ကျွန်တော်သူ့နဖူးလေးကိုဖွဖွလေးနမ်းလိုက်သည်။
"ချာတိတ်...ကိုယ့်ကိုကြည့်"
မော့ကြည့်လာသည့် သူ့မျက်ဝန်းလေးတွေကရီဝေနေဆဲပါ
အခုထိကိုတကယ့်ချာတိတ်လေးပါပဲ
"ကိုယ်ပြန်ရတော့မယ် .......ချာတိတ်က ကိုယ်နဲ့တူတူ တစ်ခါတည်းလိုက်ခဲ့ရမယ်
ဟိုမှာ ခင်ဗျားလေး တက္ကသိုလ် ဆက်တက်ဖို့ ကိုယ်စီစဉ်ထားပြီးပြီ"
ကျွန်တော်ပြောလိုက်တော့ သူက မယုံကြည်နိုင်သလိုလေး မော့ကြည့်လာသည်။
"ဒါ...ဒါပေမဲ့...ဒီကကျောင်းမှာ...."
"ရှူး..." ကျွန်တော် သူ့နှုတ်ခမ်းလေးပေါ်လက်ညှိုးလေးတင်ကာတားမြစ်လိုက်ရင်း
သူ့ကိုယ်လုံးလေးကို ဖက်လိုက်ကာ
ကျောလေးကိုပွတ်၍ ကလေးချော့သလို ပွတ်ပေးနေကာ ရှင်းပြနေမိသည်။
"အဲဒီ့အတွက်လဲကိုယ်စီစဉ်ပြီးပြီ ဒီမှာ် ၃ထပ်ကျောင်းတစ်ဆောင်ဆောက်ဖို့
ကိုယ်နဲ့လူကြီးတွေစီစဉ်နေကြတာ...အများဆုံးထည့်တာကတော့ ကိုယ်နဲ့ချာတိတ်နာမည်နဲ့ပေါ့...
ကိုယ်တို့ကမတည်ပေးတဲ့သဘော ရွာကလူတွေလဲတတ်အားသလောက်ဝိုင်းထည့်ကြပါတယ်
အခု ဆောက်လုပ်ရေးပစ္စည်းတွေတောင်ဝယ်ပြီးနေပြီ ကိုယ့်အကိုရဲ့ကုမ္ပဏီက အင်ဂျင်နီယာနဲ့
ဆောက်လုပ်ရေးတစ်ဖွဲ့ လွှတ်ခိုင်းထားတယ် ဒီကကိစ္စတွေအတွက်ဘာမှမပူနဲ့
ဟိုမှာအလုပ်တွေကကိုယ်မရှိလို့မဖြစ်ဘူးချာတိတ်ကိုမထားခဲ့နိုင်လို့ကိုယ် ဒီကနေပဲလှမ်းညွှန်ကြားနေရတာ ဒီမှာစိတ်ချရအောင်မစီစဉ်ပေးသမျှ
ခင်ဗျားလေးက ကိုယ့်နောက်လိုက်မှာမဟုတ်ဘူးလေ... ဒီကောင်ပဲ ရင်ကွဲပြီးသေရမှာဗျ"
ကျွန်တော် သူ့ကိုအရှည်ကြီး ရှင်းပြပြီးမောသွားသဖြင့်
သက်ပြင်းချလိုက်သည်။ တကယ်ပါ
ကိုယ့်ချစ်သူလေးမို့ဒီလောက်ထိရှည်ရှည်ဝေးဝေးရှင်းပြနေရတာ
အိမ်မှာဆိုငယ်ငယ်တည်းက စကားတောင် လေးလုံးကွဲအောင်ပြောတာမဟုတ်
အိမ်ကလူတွေမေးရင်တောင်ဖြေချင်မှဖြေတာဖြစ်သည်။
အခုတော့... အချစ်ကပြောင်းလဲစေခဲ့သည်ထင်သည်။
ဒါပေမဲ့ အာညောင်းရကျိုးတော့နပ်ပါသည်။
"ကိုကြီးကအရမ်းချစ်ဖို့ကောင်းတာပဲ" တဲ့ ကလေးတွေ အာဘွားပေးသလို ကျွန်တော့်ပါးကိုနမ်းပြီး သူကပြောလေသည်။
~~~~
သူ့မိဘတွေကိုမြုပ်နှံထားသောနေရာသို့ရောက်သောအခါ သူကစကားတွေတတွတ်တွတ်ပြောနေလေသည်။
အင်းလေ...သူ့ခမျာ လဲကျောင်းသွားတဲ့အချိန်ကလွဲပြီး အိမ်မှာတစ်ယောက်တည်းဆိုတော့
သူ့မိဘတွေကိုလွမ်းနေရှာမည်ပေါ့
"အမိုး...ဒါကိုကြီးပါ...သား ခဏလိုက်သွားမယ်နော်"
သူကပြောရင်းကျွန်တော့်ဘက်လှည့်ကာနှုတ်ဆက်လိုက်ဦးဆိုသည့်သဘောနှင့်မေးဆတ်ပြသည်။
ကျွန်တော်စိတ်ထဲတမျိုးဖြစ်သွားသော်လည်း ချစ်သောသူမို့အလိုလိုက်ရမည်သာ
"ကျွန်တော် အသက်ရှင်နေသရွေ့ သူ့ကိုမှဲ့တစ်ပေါက်မစွန်းရအောင်စောင့်ရှောက်မှာပါ
ဒေါ်ဒေါ်တို့ဆီကိုလဲ တစ်နှစ်တစ်ခါ ပြန်လာလည်ပါ့မယ်"
သူသိစေချင်သည့်စကားကိုသူ့မိဘကိုပြောသလိုနှင့် သိစေလိုက်သည်။
ကျေနပ်သွားသလို သူက ပြုံးပြုံးလေးနှင့် ကျွန်တော့်ကိုကြည့်နေလေသည်။
"ပြန်ရအောင်လေ ချာတိတ်...မနက်ဖြန် ဧည့်သည်တွေလာမှာဆိုတော့ ကိုယ်တို့ဒီည..."
"ဘာလဲ...ကိုကြီးနော်" သူက ပြောကာ ကျွန်တော့်ကိုလက်သီးလေးနှင့်မနာအောင်ထုလေသည်။
"ဟားဟားဟား...ဧည့်သည်တွေကများတော့ပင်ပန်းမှာလေ...အဲဒါကြောင့် အားမွေးထားရမယ်ပြောတာ ချာတိတ်က စိတ်ဝင်စားတာတွေပဲတွေးနေတာကိုး"
သူ့မျက်နှာလေးရဲသွားတာကိုကြည့်ကာ အသည်းယားမိသည်။ သူ့လက်ကိုတွဲဖို့လုပ်တော့ ရှေ့မှ
ထွက်ပြေးသွားလေသည်။
ကျွန်တော့်ရယ်သံက တောထဲမှာမို့ ပိုကျယ်လောင်နေသလိုလို...
တစ်ယောက်နှင့်တစ်ယောက်စလိုက်နောက်လိုက်နှင့်ပင်အိမ်လေးသို့ပြန်ရောက်လာကြသည်။
အိမ်ရောက်တော့ မှာထားသောဆန်နှင့် ဟင်းချက်ဖွယ်ရာများ လာပို့သော ထော်လာဂျီလေးကိုမြင်ကာ
သူအံ့သြသွားပြန်သည်။
"ဟုတ်ကဲ့ ကျေးဇူးပါ ထားခဲ့လိုက်ပါ"
ထိုလူများပြန်ထွက်သွားကြတော့
"ကိုကြီးက ဒါတွေဘယ်တုန်းကဝယ်ထားတာလဲ"
"ကိုယ့်ချာတိတ်လေးပင်ပန်းမှာစိုးလို့ပေါ့ကွ"
သူ့ကိုဖက်ကာအိမ်ထဲဝင်မည်လုပ်တော့
"ခဏ....အဲဒါတွေမရွှေ့ဘူးလား သူတို့က ထော်လာဂျီ ဘယ်တော့ပြန်လာယူမှာလဲ"
"အဲဒါပါကိုယ်ဝယ်ထားလိုက်တာ"
"ဟမ်"
"ပါးစပ်လဲစေ့ပါဦးချာတိတ်ရယ်...ဘာတွေဒီလောက်အံ့သြနေတာလဲဟိုလူတွေလာရင်လဲ သွားရေးလာရေးအဆင်ပြေတာပေါ့ ဒီအတိုင်းလဲအပေါ်ကအုပ်ထားတာပဲရပါတယ်
မနက်ဖြန် ဟိုကောင်တွေလာမှရွှေ့ခိုင်းမယ် လာပါကွာ...ကိုယ့်ကိုစကားအများကြီးပြောခိုင်းနေပြီး
ထမင်းကျမကျွေးဘူး ဗိုက်ဆာနေပြီဗျ"
ကျွန်တော်ပြောပြီး သူ့ခါးလေးကိုတွန်းကာအိမ်ထဲဝင်ခိုင်းလိုက်သည်။
ညစာလေးပျော်ပျော်ရွှင်ရွှင်စားရင်း အိပ်စက်အနားယူကြလေသည်။
~~~~~~~~~~~~~~~~~~~~~
ပြည့်မင်းမြတ်
