ရင်ခွင်နန်းတော်
အပိုင်း(၁၃)
......................................
ပြည့်မင်းမြတ်
ကိုကြီးအဖေက လှေကားမှဆင်းလာကာအနားကိုလျှောက်လာလေသည်။
"မင်းလွန်လှချည်လားကွ"
ကိုကြီးအဖေက ပြောပြီးသည်နှင့်လက်ရွယ်ကာ ထိုးချလိုက်လေသည်။
ကျွန်တော်မျက်လုံးကိုမှိတ်ချလိုက်လေသည်။
သွားပြီ....
ဟင်....ဘာသံမှမကြားရပါလား
ကျွန်တော်မရဲတရဲနှင့်ပြန်မော့ကြည့်မိတော့
ကိုကြီးတို့သားအဖကတစ်ယောက်နှင့်တစ်ယောက်ဖက်နေတာဖြစ်သည်။
"အဖေလုပ်တာနဲ့ သူလန့်သွားပြီဗျ"
သူတို့သားအဖပြန်ခွာလိုက်ပြီးတော့မှ ကိုကြီးကပြောလေသည်။
နောက်နေကြတာတဲ့လား....ကိုကြီးနောက်တာတောင်တော်တော်ဆိုးလှပြီထင်နေတာ
သူတို့တစ်အိမ်လုံးက နောက်တတ်တယ်တဲ့လား....
ဘုရား...ဘုရား....ကြာရင် ရင်တုန်ရတာနဲ့သေမှာပဲ...
"ဟားဟား....အဖေပြောတာမှားလို့လားကွ...မင်းပြန်လာတာတောင်ကောင်းလှပြီကို
နောက်တစ်ယောက်ပါပါတယ်ဆိုတော့..."
ကိုကြီးရဲ့အကိုက ပြန်ထွက်လာကာ
"ဟုတ်တယ်...ညီလေးရေ...အဖေက သူ့သားမနိုင်မနင်းကြီးကို လက်လွှဲချင်နေတာ"
"ဟာကွာ...လရောင်ကလဲ" ကိုကြီးကသူ့အကြောင်းပြောတော့နည်းနည်းရှက်သွားသလိုပါ
"အဖေ...သူ့နာမည်က ပြည့်မင်းမြတ် တဲ့" ကိုကြီးကမိတ်ဆက်ပေးလေသည်။
"အင်း...လိမ္မာမဲ့ပုံမျိုးလေးပါပဲ...မင်းနဲ့တော့ကွာပ....မောင်ရင်လဲလွတ်လွတ်လပ်လပ်နေနော် ဘာမှအားမနာနဲ့"
သူ့သားကိုစနောက်နေရင်း ကျွန်တော့်ဘက်လှည့်ပြောတော့
ကျွန်တော် ပြန်ပြုံးပြကာ ခေါင်းညိတ်ပြလိုက်ပါသည်။
အခုမှပဲရင်ထဲကအလုံးကြီးကျသွားတော့တယ်....ဟူး...
"အဖေ...မနက်စာစားလို့ရပါပြီ"
ကိုကြီးရဲ့မရီးနှင့်ညီမက နောက်ဖက်မှထွက်လာကာ လာပြောလေသည်။
"ချစ်ရေ....ဒီညီလေးကို အရင်ဧည့်ခံလိုက်ပါ...ကိုတို့စကားခဏပြောလိုက်ဦးမယ်"
"လာ...မောင်လေး...ဆာနေရောပေါ့..."
ကျွန်တော် ဗိုက်တော့မဆာပါ ဒါပေမဲ့ ကြည့်ရတာ သူတို့သားအဖချင်း
ပြောစရာရှိနေပုံပဲမို့ လိုက်လာခဲ့လိုက်သည်။
"မောင်လေး...စားတော့မလား...ဘာစားမလဲ"
ထမင်းစားပွဲပေါ်မှာ မုန့်ဟင်းခါး၊ အုန်းနို့ခေါက်ဆွဲ၊ ကော်ဖီနှင့်မုန့်များရှိနေပါသည်။
ဒါပေမဲ့ သူစိတ်ဝင်စားတာက ကိုကြီးအကြောင်းဖြစ်နေသည်။
သူ ကိုကြီး အကြောင်း စပ်စုကြည့်ရဦးမည်။
"ဒီတိုင်းပဲ စကားပြောရင်းထိုင်စောင့်လို့ရလား...အစ်မ"
ကျွန်တော်ပြောလိုက်တော့ ဟိုအစ်မကလဲနားလည်ပုံရပါသည်။
"အင်း...ထိုင်လေ...မောင်လေး...သူရိန့်အကြောင်းမေးချင်နေတာထင်တယ်"
ကျွန်တော်ပြုံးပြုံးလေးပဲခေါင်းညိတ်ပြလိုက်မိပြန်သည်။
ဒီနေ့မှပဲစကားတွေရှားပါးနေသလိုလို...
"အစ်မက ကိုလရောင်နဲ့အိမ်ထောင်ကျမှရောက်တာပေမဲ့ ငယ်ငယ်တည်းကသိကြပါတယ်
သူရိန်က နည်းနည်းလေးဆိုးတာပါ စိတ်ရင်းတော့ကောင်းရှာပါတယ်"
"သြော်...ဟုတ်ကဲ့" ကျွန်တော်အလိုက်သင့်လေးပြန်ပြောလိုက်သည်။
"မကြီးကလဲ ဘယ်ကနည်းနည်းရမှာလဲ....ကိုကြီးကအရမ်းဆိုးတာ...
ငယ်ငယ်ကတည်းက ရန်ဖြစ်ရင် လက်ယဉ်သလားမမေးနဲ့
သူကချည်းချလာတာ...ရန်ဖြစ်တယ်သာကြားတာ သူကဘာဒဏ်ရာမှမရဘူး
အားကစားတွေလုပ်ရင်း လူကောင်ကလဲအကြီးကြီးဖြစ်နေတာလေ
အဲ့ဒီတော့ရန်ဖြစ်ရင် သူကအသာရတာပေါ့ အခု အကို့ဆီရောက်သွားတာကလဲ
အဖေ့ကိုသစ္စာဖောက်သွားတဲ့လူယုံက သူ့ကိုရန်စလို့ဆိုပြီး လိုက်တာလေ
လူအင်အားနည်းသွားလို့ သူတို့ခံလိုက်ရတာ သူတို့အဖွဲ့တွေအကုန်လုံးက...."
"သန္တာကလဲ...ပေါက်ကရလျှောက်မပြောရဘူးလေ...လန့်သွားဦးမယ်"
"မကြီးကလဲ" ကိုကြီးရဲ့မရီးက ဟန့်လိုက်တော့ ကိုကြီးညီမငြိမ်သွားလေသည်။
