بابا تركني وكال راح اطب للحمام واغير ملابسي خلي يحضرون العشاء واليوم نتعشة كلنا سوه زين ماما وين
كتله مادري طالعة كال شنو امج متكعد بالبيت كتله مادري صدوك الكلمة حزت بنفسي
لان ما فد يوم حسيت بيها قريبة علية ولا تعرف شنو احب وشنو اكره
ولا بيوم احتاجيت حظنها وحظنتني
مسحت دمعتي بايدي واني افكر بماما من سمعت بابا يتصل بيها ويكللها احنا راح ننتظرج على العشى وهو معصب
صعد بابا الغرفتة واني بقيت الوب كل شوية ارفع سماعة التليفون اريد اتصل وارزله
على كلامة وارجعها اخر شي كلت خلي اتصل بحجة اسأل على مريم واذا هو طلع اتجاهلة واسوي نفسي هو ابد ميهمني
اتصلت دك دك محد جاوب رجعت دكيت اجاني صوتة وهو نايم
الوووو
الوووو
السلام عليكم
الصوت بتثاءب وعليكم السلام ادري كولو ناس نايمة تعبانة هسة وكت اتصال
باوعت على الساعة لكيتها ساعة ٩ كتلة والله مادري بيك مثل الدجاجة تنام ساعة ٩ واحس هذا اول انتصار اليجاوبني احنا ناس تعبانين مو فارغين اكيد انام من وكت
اعصابي بدت تغلي وكتله انت اشكد متستحي شنو قصدك اني فارغة
اشكد مستفز وشايف نفسك ومغرور الي يشوفك يكول اني مخابره عليك مو صوجك انت
وسديت التليفون بوجهة
واني ماعرف شسوي وعقلي ما مستوعب الي يصير وياية
اني الي الكل تريد رضاي الي كل الشباب تتمنة نضرة مني هذا هيج يسوي وياية
مستحيل اسمحله واني دموعي تجري على خدي ماعرف شنو الاحاسيس الي صارت عندي وبهاي اللحظة سمعت
صوت سيارة ماما دخلت ردت اذب روحي بحظنها اريد انسة الي صار
شفت ماما دخلت وياها بيبي رحت بلا شعور حظنت بيبي وبجيت بحظنها
واني حاظنتها حيييل كتله فدوه بيبي همزين اجيتي مشتاقتلج هواي
بوستي وكالت يابعد بيتي يا بيبي اني اكثر مشتاقتلج هو جم دنوش عندي
وكالت وراح ابقة يمج بعد لان خالج راح يسافر هو وعائلة واني تدرين بية مثل السمجة ماعيش بره
واذا مو كل خميس وجمعة اروح ازور كربلاء النجف مارتاح
صدوك فرحت ونسيت المستفز والي سواه وياية جان تجي ماما اتبوسني
وتكلي ها ماما اشبيج ليش ضايجة كتلها مابية شي لان حسيت بوستها بيها كل البرود
نزل بابا وكعدنا اتعشينا وسولفنا وبابا كلش فرح من شاف بيبي لان يحسبها مثل امه
هواي ساعدتة بازمتة ووكفت وياه هواي
وفرح الفرحي لان يدري اشكد احبها وشكد هي قريبة عليه
كملنا عشة وكلتلها بيبي اليوم ماعوفج انام يمج عندي هواي حجي وسوالف وياج
اخذتها الغرفتي وكعدنا نحجي ونسولف بس ما حجيتلها على المستفز اي شي
لان بعدني ما مقرره شنو اسوي وياه
اليوم الثاني اتصلت الضهر ماعرف شنو الي خلاني اتصل وليش اتصلت حتى مريم ما فكرت بيها
الوووو
الووووو
كلت شنو مخليك موظف بداله ماكو غيرك يجاوب
ضحك ضحكة بكل صوت ههههههههههه ههههههههه هههههههههه
اريد بس يكمل ضحك ماكو وهو بعده يضحك كتله كملت ضحك لو بعد
كال لا بعدني ورجع يضحك من جديد
واني بين نفسي اكول فدوه شلون ضحكة اتجنن وبقيت صافنة بضحكتة
الوووو الوووو يمعوده وين رحتي مو اصيح الووو
ها ها مو زعجتني ضحكتك وخرت السماعة مني
كال صدوك ضحكتيني حلوه موظف البداله وهسة اتفضلي عليمن احولج
كتله اكيد على مريم كال حاضر تدللين
صاح مريم مريم بعدها رجع وكال مريم بالحماماوك شكرا باي وسديتة حتى بدون ما اسمع جواب
