للكاتبة الاسدية
مر اسبوع واكثر وحمودي ماكو احس ترك فراغ كولش جبير بحياتي وبالاخص ماعرف شنو سبب الابتعاد او سبب التغيير
والتعبني شفت بيوم كاتب الحالة بالمازنجر (لا تعشق الغرباء فانهم راحلون ) دزيت مسج كتلة حمودي وينك ليش متسال علية لا رد
كلت اكيد هاي رسالة يريد يوصلها الي كتبتلة اتعودت على فقدان ناس عزيزين علية لتهتم الضربة الي متكسرني تزيدني قوه ربي يسعدك
صحيح ادعيت القوه بس بيني وبين نفسي جنت كولش منهارة وبداخلي الم الفقد
رحت للجامعة والبنات الي وياية والولد جانو هواي مالين علية حياتي انسة الوقت والهموم وياهم
اجتي وسن بيوم جانت لازمة كلبها ومسوية حركات بعيونها تخرب ضحك كالت يمة كلبي ولكم يجنن جنتل مان هذا احمد
سامر يسويلها حركات العزف وهدى اتهفي عليها وماهر لازمها يسندها حتى لتتخربط والله جان منظرنا يخرب ضحك واني اضحك كلتلها يمعوده منو الجنتل مان هذا المعقد المتعجرف
نبراس كالت منو هذا المتعجرف كتلها اكو غير احمد متعجرف ومتكبر ومعقد التفتت شفت احمد واكف يمي
احمد اي ست دانية وبعد شنو الصفات الي بية كملي
ماسيطرت على نفسي ماعرف من الفشله ضحكت والكل ضحكو وياية
احمد مليون مره اكلج صوتج من تضحكين ليش تعاندين
دنوش اعتذر مو على الضحك بس عن الكلام الي كلتة عنك ولو هو هذا رئيي بيك بس مو مهم التفتت على وسن كلتلها الجنتل مان مالتج شنو سوه اليوم
هو بقة واكف ويانا يسمع الكلام هي بقت ساكتة كالت دنوش خلي نفتح صفحة جديدة هو زميلنا ويانا بنفس القسم رحبو بي كل الكروب مالتي وعرفو عن نفسهم
وصل الدور الي كتلة كلهم صاحو دنوش واني كملت وتعيش ياما تشوف شنو اعلان عصير خرب يومكم ههههههههه كلهم ضحكو
احمد واطيب عصير
كتلة شكرا جان يجي ولد كال دانية ممكن كلمة وياج على صفحة كتلة اتفضل احجي ماكو احد غريب كال لا اريد احجي وياج موضوع خاص
رحت وية الولد اسمة مصطفى طلب مني شغلة معينة كتلة ان شاء الله ماقصر وهو ضل يتشكر مني وخطية فرح من كتلة اسويها الك
جان اشوف احمد اجاني بسرعة جر الولد من ياختة كله متتقرب من دانية مصطفى خطية اتفاجأ كلة اعتذر والله ماعندي شي راد يكمل اني سكتت مصطفى
كتلة لتبرر والتفتت على احمد كتلة وانت شنو ومنو حتى تدخل اني احجي واوكف وي الي اريد اوكف وياه انته اشدخلك
حمودي اول شي صوتج متعلي من تحجين وياية وثاني شي كتلج ضحكتج وهذا اخر انذار الج وثالث شي كلتها انتي ممتلكاتي الخاصة وكل واحد حر بممتلكاتة
