سديت التليفون بعد ما كلي منتظر مريم زعلانة
واني شفت بيبي حظنتها وبقيت ابجي بحظنها
كالت اسم الله بيبي هاي شبيج ليش تبجين منو زعلج وهي تمسح على راسي
وتمسح دموعي
كلتلها بيبي صديقتي مريم زعلانة عليه
والله العظيم اني ما زعلتها ولا سويتلها شي
كلتلها الي يحز بنفسي اني ماسويت شي وفوكاها متحجي وياية ولا تقبل اتكلي السبب
بيبي حجت وياية كالت بيبي محد يسوه دمعة من دموعج لتنقهرين وبعدين ليش تبقين بحيره روحي عليها واجهيها واعرفي السبب
يجوز احد موصللها شي عليج روحي وتاكدي
كلتلها ماشي هسة اروح كالت
بس خلي احد من الولد ياخذج مو ترحين وحدج
كلتلها بيبي هم مو بعيدين كلها بالشارع الي ورانا كالت بيبي ابوج ميقبل والوضع مو زين وتعرفين ابوج منو كالت روحي بدلي ملابسج واني اوصي واحد من الحماية ياخذج
غيرت ملابسي وطلعت وصلني الحماية الباب بيتهم نزلت دكيت الجرس انتظرت شوية جان يطلعلي شاب اويلي غير
يجنن طول وجسم وعيون بقيت صافنة بوجهة ماعرف شحجي عبالك الكلام خلص
وكلبي كام يدك على السريع وكلت وية نفسي هو هذا منتظر معقوله
جنت احجي وية هذا الشخص
كطع سلسلة افكاري وهو يكلي اتفضلي المن رايده كتله اريد مريم كللها دنوش اجتي عليج
شفت الولد ارتبك وبقة ميعرف شنو يحجي كال اي تعالي اتفضلي خلي احجي وياج كتله لا ماكدر منتظريني بالسياره
كال بس شوية خلي افهمج شغلة كتله شنو اتفهمني كال بس شوية دخلي اهنا بالحديقة كعدي بالمرجوحة خلي احجي وياج
بقه فكري يودي ويجيب شنو يحجي وياية شنو الموضوع وجان اسمع صوت مرية اتصيح
ماما ياسر منو اجة ياسر جاوب منو بالباب
بقيت بصدمة شنو ياسر شنو منتظر
طلعت المرية كالت ها خاله اتفضلي منو انتي المن رايده
كتلها خاله اريد مريم كالت ياا خاله مو بيت مريم شالو من بيتهم هذا واحنا كعدنا بدالهم
بقت عيني بعين ياسر او منتظر
ودموعي بقت تجري ماعرف شنو الاحساس الي صار عندي
بقيت بصدمة وكل الافكار الموحلوه اجت ابالي كلت هذا واحد سافل راد يدخلني البيتهم يمكن راد يعتدي عليه
فزيت على صوت ياسر وهو يكلي دنوش بس اسمعيني خلي افهمج
خليت ايدي على حلكي بمعنى اش ماريد اسمع
انت نذل وكذاب ورحت ركض للسيارة
كتله اطلع للبيت بسرعة رجعت للبيت واني منهاره من الموقف وكل الافكار الموزينة اجتي ابالي واكول شلون خدعني
شلون راد يدخلني البيتهم يمكن راد يخطفني يمكن راد يغتصبني
عبالك البيت صار اشكد بعيد حسيت على صوت الولد الحماية يكلي عمة بيج شي
صار شي وياج اشرت براسي بمعنى لا
وصلت البيت شفت ماما وية صديقاتها كاعدين بالصاله دخلت شافتني ماما
كالت هاي اشبيج اصعدي غسلي وتعالي سلمي على صديقاتي حتى ما اهتمت الدموعي
ما كلفت نفسها تعرف اشبية ولا عبالك هي امي
وهذا الشي خلاني انهار اكثر وصعدت الغرفتي واني ابجي واكول ياربي ليش هيج يصير وياية
ياسر من سديت التليفون من دنوش واخذت رقمها
كلت لازم اصارحها واكللها الحقيقة حتى لو تزعل احاول ارضيها باي طريقة
ردت اتصل ببها اجوي بيت خالو حتى يباركولنا على البيت انشغلت وياهم
سمعت صوت الجرس اندك طلعت شفت بنية سبحان رب الخالق
شنو الجمال شنو العيون السود شنو الشعر ولونة الذهب والشفايف واهم من كل هذا لون العيون السود وية البشره الشقراء
مطيتها تميز غريب كل هذا شفته بالثواني الي فتحت بيها الباب
شفتها صافنة بيه جان اتكول اريد مريم اني دنوش
ماعرف شصار بية ارتباك على قلق طلبت منها تدخل حتى افهمها الموضوع
ماقبلت تدخل كالت لا بس صيحها الي
حاولت وترجيت بس تدخل بالحديقة تكعد بالمرجوحة حتى افهمها
وهي جانت قافله متقبل جان اتصيح امي عليه ياسر منو بالباب ياسر كالتلها خالة المن تردين
كالتلها خالة اريد مريم امي كلتلها بيت مريم شالو منا
وهي بقت تبجي وماعرف حسيت بيها فقدت توازنها ردت افهمها اشرت على حلكها بمعنى اسكت
وكالت نذل كذاب وراحت صعدت بسيارة جانت تنتظرها
اني بسرعة سحبت السويج مال سيارتي وطلعت وراها بسرعة لحكتهم اريد اندل بيتهم وين
لازم اعتذر منها لازم افهمها ليش كذبت عليها وبالاخص من شفتها بعد مستحيل دنوش صارت مالتي
رحت ورا سيارتهم شفتها طبت بفرع مكطوع ودخلت بيت كله حرس وحماية ماخلوني اطب للفرع لان مكطوع ممنوع احد يطبب سيارتة مناك
كتلهم ليش مكطوع الفرع طردوني الحماية ماجاوبوني رجعت سيارتي
سألت ابو محل على الشارع كتله طبيت من ذاك الفرع لكيتة كاطعي ليش كال مو بيت مسؤول بالفرع يمعود هو حتى لو شيخ بالفرع يكطعون الشارع كله مو المسؤوول ......
كلتلهم يعني هو نفسة هذا بيتة كالو اي رجعت للبيت واني الدنيا كلها اسودت بعيني
كلت شلون اوصلها مو بنية عادية واكدر احجي وياها من تطلع او اتطب
وبقيت ادعي رب العالمين ميحرمني منها اتصلت على الرقم الي انطتني اياه
طلعتلي وحده سمعت هذا مو صوت دنوش سديتة وكلت اتوكل على الله هو قادر على كل شي
