الكاتبة الاسدية
اكرر القصة حقيقية مع تغيير بالاسماءمرت ايام الدراسة وجانت المرحلة الثانية بيها صعوبة بالدراسة وجان اكو دكتور مصعبها علينا اشكد نكره المحاضرة مالتة وملل فضيع الكل عيونهم بساعاتهم شوكت تخلص المحاضرة وكالعاده احمد كاعد بالستول الي يمي احاول اركز وية المحاضرة وهو يسوي حركات يخليني اضحك اخر شي الدكتور كال انتي الي لابسة وردي بقينا كل وحده تباوع على لبسها شفت نفسي بس اني لابسة وردي كتلة علية كال اي عليج ممكن تضحكينا وياج كتلة على شنو اضحكك كال على الي انتي تضحكين علية كتلة لا ماكو شي اسفة دكتور كال احترمي نفسج واحترمني المكان الي انتي بي ولو بنات هذا الوكت منين يتعلمن الاحترام اطلعي بره اني عمري ماصرت بهيج موقف ولا اعرف اتصرف بقت بس دموعي بعيني واحاول ماخليهم ينزلون جان احمد يكلة هي الي متعرف تحترم لو انت موعيب هيج تحجي شنو بنات هذا الوكت اشبيهم وصار عصبي والكل لازمة احمد لو يهدو الا يكتل الدكتور والدكتور كال اطلع بره بعد متدخل محاضراتي النهاية السنة وشوف منو ينجحك صاح حمودي بصوت عالي غصبن ما عليك انجح وبفلوسي اشتريك انت وجامعتك زين وماراح اعديها الك طلعت من المحاضرة وعيوني الدمع عشرة عشرة شوي وشوف سيف فوك راسي وهو يتوسل كافي هاي عيونج الحلوات والله محد يستاهل اذا ما اندمة للدكتور ما اتسمة سيف كتلة سيف رجاء ماريد مشاكل جان اشوف حمودي وهدى ونبراس وسامر فوك راسي كتلهم شنو هم طردوكم كالو لا مو كوه طلعنا حمودي راد يموت الدكتور كلهم يحالون يسكتوني بس حمودي احس بي صاير نار ويباوع علية بعصبية ضلو يتشاقون ويضحكون نسوني الموقف الي صار كتلهم ليش طلعتو يمعودين هذا حقير يروح يرسبكم كالو الاتحاد قوه ويسوون حركات مال افلام الكارتون موتوني ضحك سيف كال فدوه اشكد حلوه العيون من تبجي وتضحك بنفس الوقت جان حمودي يعوفنا ويروح صاحو وراه احمد يمعود وين شنو انهزمت اخاف انكلك الغدة على حسابك وهو ولا التفت ولا حجة كلمة وحده خابرت علية ميجاوب مرة مرتين مجاوبني وراها كام يطلع مغلق بقيت صافنة شبي وليش هيج سوه معقوله ضاج لان هيج كالة الدكتور وهو كلة بسببي بقيت اليوم كلة اخابر يطلع مغلق ثاني يوم رحت للكلية كلت اشوفة اهناك ماكو ماداوم واخابر ونفس الشي ياربي شلون ضل بالي يمة والي حيرني ماعرف ليش هيج سوه ومن شنو زعل كاعدة بالسنتر وياية الشله مالتي جان يجي ولد كال رئيس القسم يريدج كتلة اني كال اي رحت وجان سيف يجي وياية كال ماعوفج واريد واحد يحجي وياج دكيت الباب جان الكي الدكتور الي طردني موجود سلمت كال رئيس القسم اتفضلي كعدي وكال السيف ها بابا محتاج شي كال لا بس اجيت وية دانية كال تكدر تروح كله مو هي ماسوت شي جان يكول الدكتور شوف مسوين عصابات رئيس القسم كال السيف روح بابا ماكو شي تكدر تنتضر بره كلي كعدي بابا شنو الي صاير حجيت الموقف كلة وكتلة استاذ تقبل هيج يكول وهو دكتور وبمقام الاب يححي هذا الكلام تدري اني لو موصلتها البابا شجان صار رئيس القسم يعرفني اني منو كال لا بابا انتي بتنا ونعرف اخلاقج وميحتاج هذا هم بمقام ابوج جان الدكتور يكول شنو هي اتهدد بابوها رئيس القسم كال لا ماهددت وجان يسحبة خارج الغرفة شوي ورجعو الدكتور كال بابا اني مجان قصدي بس انتي جنتي اتضحكين وهذا الي وياج بعد ماريد يدخل محاضرتي وانتي بابا بعد معليج بهيج نماذج كتلة والله دكتور اني افتخر بهيج نماذج وهم زملائي واصدقاء مهما يكون ماعوفهم كتلة الرئيس القسم استاذ محتاجني بشي كال لا بابا روحي واحسبي ماكو شي صار كتلة لا ماحسب ماكو شي ومارجع للمحاضرة اذا مو احمد والكل يرجعون وياية كال هسة انتي رجعي والله كريم كتلة مارجع الا كلنا سوه كلة دكتور الخاطرنا عدي الموضوع على خير كال هاي هية بس بعد متتكرر كال متتكر مو باباة دانية كتلة الله كريم وعفتهم وطلعت عرفت رئيس القسم كايل منو اني وهيج سكت طلعت لكيت سيف منتظرني كال ها اشصار كتلة ناس متجي الا بالعين الحمرة غصبن ما علية الكل ترجع تدخل للمحاضرة مالتة ونمشي اني وسيف واشوف احمد كدامي رحت علية بلهفة
دنوش ها حمودي يمعود وين جنت ليش ماداومت وتليفونك مغلق
احمد وهو يحجي بعصبية بكيفي
دنوش شنو يعني بكيفي ضل بالي يمك
احمد مامبين ضال بالج مو اشوفج عادي عايشة حياتج
دنوش احمد اشبيك شنو الي صاير
احمد بصياح لا ابد كلشي ماصاير اخذي راحتج واسف ازعجتج وراح
بقيت مصدومة من موقف احمد هذا شبي ليش هيج يسوي
حمودي بعد المشكلة وية الدكتور واني صارت اعصابي نار وتعاركت ولوما الولد يلزموني الا اموتة بمكانة احد يتجاوز على دنوش واني موجود غير الله ماخالقة وبعد هذا الموقف اطلع واشوف دنوش وية سيف وهو قريب عليها هي كاعدة على المسطبة وهو واكف ومتقرب عليها بس شوي وتصير بحضنة متت لو باقي لحظات اموتهم اثنينهم شلون تقبل هيج واحد يتقرب منها شلون تسمحلة عفتهم لان ما اضمن نفسي شنو ردت فعلي صعدت بسيارتي جان اتاخبرني دنوش مجاوبت مره ثانية خابرت وهم مجاوبت وجان اغلق تليفوني ماردت ااذيها بكلامي لان اعرف نفسي ماتحمل اسمع صوتها وبالاخص المنظر جان بعدة بعيوني وبقيت ماروح للكلية كلت الحد ما اهدأ واني اول شي اعرف شلون اتصرف وية الدكتور اذا ماندمتة وبعدين اعرف شلون اطلع حركة كلبي بدنوش ومن رجعت للدوام واصلا اني بعدني شايل بكلبي واشوف دنوش هم وية سيف ويمشون سوه وحدهم ويضحكون يعني حتى ما مهتمة اني ماموجود ومتعرف عني شي وجاية بكل برود اتكلي ضل بالها يمي ومن خوفي عليها مكدرت اي شي اتصرف كلتلهة بكيفي ومن كالت ضل بالي يمك كلتلهة ما مبين ضال بالج يمي اشوفج عايشة حياتج وعفتها ورحت واني شابة النار بكلبي موبيدي هاي مالتي وماتحمل احد يتقرب منها لوبيدي اخذها واعيش بجزيرة مابيها اي بشر ماريد احد يشوفها لا حبي ولا رجولتي تسمح بهذا الشي ورجعت ماداومت وراها يومين
دنوش بعد موقف حمودي مني انجنيت ليش هيج يسوي وياية بعد ما خلاني اتعلق بي واحبة هيج بسهولة يتخلا عني ليش خلاني احبة ليش رجعني من جديد للحياة مو جنت ميتة ليش خلاني احيا من جديد ليش لازم احجي وياه وماعوفة الا اعرف ليش هيج سوه رحت على سامر كتلة سامر تندل احمد وين يسكن كال اي رحت كم مرة وياه للشقة كتلة ممكن تاخذني ضل صافن ويباوع بشك كتلة سامر ارجوك لازم اعرف شكو وشنو الي صاير بداعت دنوش كال زين والحماية شلون تاخذيهم وياج كتلة لا وين حتى اشوف بابا فوك راسي كال لعد شلون كتلة حسب طريقة حمودي بالهرب وكتلة شلون اطلع خرب من الضحك كال ولج خاف عبالهم خاطفج واروح بيها واني رجال فقير وبس اني الامي ووووو كتلة لتجذب عندك اربع اخوان وخوات شنو وحيد كال مو اخاف انتي خطر كتلة معليك بس وصلني حباب كال ها شوف بسرعة قشمرتني واني كلبي رقيق وماتحمل امش وامري لله كتلة بس خابره وشوفة موجود كلة انت جاي عليه لتكلة اني وياك خابر كال طالع شوي وراجع كلة مو اني جايك للشقة هسة كلة ماشي دقايق واني راجع بين متوصل تلكاني موجود طلعنا اني وسامر وصلنا للشقة كال سامر انتظرج لو اروح كتلة روح حمودي يرجعني دكيت الجرس جان يفتح الباب وشفت الصدمة بعيونة كال دنوش شتسوين اهنا وشلون اجيتي كتلة مو مهم المهم اعرف اشبيك وليش مختفي طببني جوه وسد الباب كال اخاف احد يشوفج طبيت ومن شفت حمودي حتى الحجي الي ردت احجي نسيتة بقيت واكفة يم الباب وهو كال تعالي كعدي كتلة ماجاية اكعد جاية اعرف اشبيك ليش هيج مبتعد ليش هيج اتعلقني بيك وتروح ليش مو جنت عايشة حياتي ومقتنعة بنصيبي ليش هيج واني ابجي واعيط مجنت حاسة على نفسي جان يجرني ويحضني ويبوس راسي ويكلي كافي عمري كافي حبيبتي واني ابتعد واكلة عوفني ماريدك بعد انت موتتني انت وانت وووو ماعرف اشكد حجيت وشنو حجيت طلعت كل الي بكلبي وهو بقة حاضني ويبوس براسي ويكلي كافي فدوه اروحلج موتيني رفعت راسي وكتلة لتستغل الموقف حتى البوسات الي تطلبني خلصتهن وفوكاهن زايد حظني حيل كال لا هاي مو من الطلب وبقة حاضني كتلة ليش حمودي ليش هيج تحرك كلبي عليك ليش
حمودي دنوش رحمة الاهلج لتسأليني لان الجواب ماراح يعجبج ولا يعجبني
دنوش لا اريد اعرف مهما يكون الجواب اريد اعرفة
حمودي دنوش اريد انسة الي صار المهم هسة انتي يمي
دنوش ما معلية الا اعرف ليش هيج سويت ليش ابتعدت
حمودي تعرفين ليش بس تتحملين عصبيتي وناري
دنوش اتحمل جان يبعدني من حضنة
احمد من صارت المشكلة وية الدكتور واني ردت اموته خلاص وماخلي احد يمسج بكلمة وحده ورغم كل المشكلة اطلع والكيج انتي وهذا الخنيث سيف وهو الا شوية ويخليج بحظنة شتريدين اسوي ماعرف شلون الله انطاني الصبر وماكتلتكم اثنينكم سوه وبعدها من شوي وهدأت ورجعت الكيج انتي وياه تمشون وحدكم والضحك والفرحة تارسة وجوكم يعني ولا يهمج اني موجود ما موجود مو مهم مو مشكلة يروح احمد يجي الف واحد غيره انتي لو حاسبة حسابي جان ماسويتي هيج بس تدرين احبج وماكدر ااذيج وابقة احرك بروحي ولج والله بلحظة حسيت روحي مو رجال لان ماكدرت اموتج واموته بايدي ولج اتمنيت الموت ولا مار بهيج موقف
دنوش اشوفة شلون يحجي والعصبية واحس راح يطك من الاعصاب خفت ليصير بي شي كتلة يعني معقولة اتشك بية معقولة تعتقد اني اباوع على احد غيرك ليش هو اكو رجال يملا عيني غيرك شلون كدرت هيج تفكر واني رحت وخليت راسي على صدره كتلة والله من طلعت من المحاضرة مجنت ادري باي شي ولا اتذكر شي من القهر يعني هسة انت صدمتني من كتلي شلون واكف ومن رجعت جنت طالعة من غرفة رئيس القسم شلون من عرف الدكتور اني منو هو اعتذر وخليتة غصب علية يرجع الكل للمحاضرة ومن طلعت جان سيف منتظرني وحجيت الي صار وضحكنا من كال ناس تخاف متختشيش والله ماعندي شي وية سيف
حمودي كافي عمري كافي ماصار شي بس اذا بعد شفتج وية سيف عذريني اقري عليه الفاتحة
دنوش لا خطية والله فقير
حمودي بصوت عالي دنوش بعد ماريد اسمع شي عنة
دنوش ميخالف عمري
حمودي دنوش اموت عليج ولج بعد ماتحمل موتيني خلي اجي اخطبج ماكدر اعيش بعيد عنج
دنوش حمودي مو وقتها والله خلي نخلص كلية حتى ماما بابا ما الهم حجة ليش نجيب المشاكل النا خلينا نعيش هاي السنتين بهدوء وسلام
حمودي انتي ليش متحسين بية تدرين ما انام الليل الا اتخيلج انتي نايمة بحظني تدرين يومية شلون انام ما اغفة الا على صوتج شلون ياعيني شلون متحملة وانتي بعيده عن حظني
دنوش شسوي اعرف الظروف اكثر منك وبعدين صدوك ليش من نحجي اني وياك تنام تدري ما اسد التليفون وابقة اسمع صوت انفاسك الحد ما انام
حمودي اوف ياربي وتكلي اجل زواجنا واني عشيرتي كلها محتركة
دنوش بقيت بحظن حمودي نسينا نفسنا والوقت والناس يمكن احلى يوم مر بحياتي وفجأة دك تليفوني واني فزيت عززززه هذا الحماية شلون نسيت نفسي
حمودي جاوبي وكوليلة بالمكتبة اريد مصادر وهسة اطلع
دنوش جاوبت وكلت نفس الي كالة حمودي كتلة حمودي وصلني بسرعة اخاف ميقتنعون ويكولون البابا رجعت للكلية وصلت ومن دنطلع اني وحمودي يوصلني للسيارة جان اشوف اخر شخص اتوقع اشوفة
__________________________
حبيباتي هذا بارت طويل لعيونكم لان البارحة منزلت بارت اعذروني لان رحت زيارة الكربلاء وبعد اطلبوني بارتات ثانية مو نفس الطلب مال حمودي 😘😘😅😅😅
لتنسوني بالتصويتات والتعليقات احبكم
الكاتبة الاسدية