دنوش اندك باب غرفتي كلت اتفضل دخل بابا كال نزلي عندي كلام وياج نزلت وياه كتله اتفضل بابا كول كال انتضري تجي ماما ونححي اجتي ماما كال كعدو عندي موضوع وياكم سكتنا حتى نسمع منه
ابو دنوش اليوم اجوي عليه شيوخ وناس خيره جايين يخطبون دنوش والي شفتة ناس زينين وابنهم نقيب وصاحب اخلاق اني مانطيتهم جواب كىت نسال على الولد وناخذ رأي البنية
ام دنوش اني ما موافقة شنو هذول وننطيهم دنوش
ابو دنوش مو هيج الحجي نسرين ناس امبينين اجاويد ولد عشاير
ام دنوش ليغروك باللسان هذا نفسة الضابط الي دز ناس على دنوش حتى يخطفوها وهو نقذها يعني سوه تمثيلية علينا علمود نوافق
ابو دنوش مين جبتي هذا الحجي وشلون عرفتي بهاي السالفة
ام دنوش عرفت من دنوش هي كالت هذا الضابط الي نقذني وهو اخو صديقتها يجوز هم طابخيها سوه حتى تمشي علينا
دنوش ماما حرام عليج ياسر مو هيج وهو عرض نفسة للخطر علمودي
ام دنوش اسكتي انتي متعرفين الناس بعدج زغيره وينضحك عليج بكلمة اني ما انطي بنتي الهيج ناس تعال شوف صديقاتي ومعارفي كل وحده بيهم تتمنى تاخذ دنوش الابنها لو الاخوها مو هذا انطي مره
ابو دنوش هذة هو لعد اردلهم خبر اكللهم بنتي زغيره واريدها تكمل دراسة
دنوش بابا واني شنو موقفي من الموضوع محد فكر بية محد يكول الها كلمة وناخذ رئيها
ابو دنوش بابا امج تعرف مصلحتج اكثر منج وصدك هواي ناس مناصب وشخصيات تتمنه تتناسب ويانا سدي الموضوع وهاي السنة ترجعين للدوام تكملين دراستج اريد اشوفج اكبر دكتوره بالعراق زين بابا
دنوش 😭😭😭😭 عفتهم وصعدت
ياسر بعد ما وصلنا للبيت واني الفرح امبين عليه كلت اتصل بدنوش حتى نفرح سوه
ياسر الووو هلا بام جهالي شلونج
دنوش 😭😭😭😭
ياسر ليش تبجين اخاف زعلتي من ام جهالي زين ام زعاطيطي
دنوش 😭😭😭😭
ياسر شكو دنوش ليش تبجين اكو وحده تبجي بهيج يوم
دنوش اذا ما ابجي بهيج يوم لعد شوكت ابجي
ياسر ليش عمري شنو حتى بالفرح تبجين
دنوش ياسر هذا يافرح بابا ماوافق
ياسر شنو شنو ماوافق لج بابا استقبلنا احلى استقبال وكال بس ناخذ رأي البنية ونردلكم خبر
دنوش هو جان موافق بس ماما قنعته ميوافق وهسة هو رفض
ياسر دنوش عمري انتي متاكده
دنوش اي متاكده ياسر فدوه شسوي
ياسر والله دنوش مادري بس اكيد ماراح استسلم خلي اروح هسة سطرتيني سطر
ياسر مر كم يوم على روحتنا الاهل دنوش طلبت من امي تروح تاخذ الجواب بس ماكلتلها اهلها رافضين راحت امي وخالتي استقبلتهم ام دنوش بنفس الغطرسة مالتها وكالت ابوها رفض يكول بنتي زغيره وتريد تدرس رجعو امي وخالتي للبيت والقهر والغظب بعيونهم كالو ما قبلو اهل البنية ينطوها ابوية كال لعد وين الكلام الي كاله ابوها عمي ناس ماعدهم كلمة يلا هي قسمة ومالك قسمة وية هاي البنية
ياسر اسمعوني زين لو دنوش لو ماريد ومهما يصير اخذها حتى لو غصب عن اهلها لو اعرف اخذها وانهزم
ابو ياسر عمي الي خلقها ما خلق غيرها بعدين هم لا خلو اعتبار للشيوخ ولا للساده اشبدينا عليك يابوية
ام ياسر يمة ياسر والله من باجر اخذلك الي اتاشر عليها لو اعرف ادفع مهر وزنها ذهب
ياسر يمة الخاطر الله كتلج غير دنوش متصيرلي مره وعفتهم وصعدت خابرت دنوش لكيتها بس تبجي وحابسة روحها لا اكل ولا شرب كسرت خاطري كتلها دنوش بداعت ياسو حبيبج لتسوين هيج بروحج وداعتج انتي اخذج من عيونهم فدوه اروحلج لتموتيني قهر عليج خلي ناخذ فترة وارجع اخطبج والله كريم صحيح اصبر بيها بس اخ شيصبر كلبي اني
دنوش بعد رفض اهلي الياسر اتفقنا ننتظر فترة حتى يرجع من جديد يخطبني وهم بعد فترة دز ناس وشيوخ وساده وبابا هم رفض خابرت على ياسر
الو ياسو حبيبي الي عليك سويتة وبعد ماكو حل روح شوف دربك ودور على سعادتك حتى لو وية غيري
ياسر دنوش انتي شتحجين هو اكو سعادة بعيد عنج
دنوش وشنو بيدي اسوي وانت شفت كل المحاولات فشلت
ياسر اني كتلج انتي الي لو على كص ركبتي زين بس اذا انتي متريديني بعد شسوي
دنوش شنو ماريدك وانت النفس مالتي ياسر احبك ورب الكون
ياسر لعد لتكولين اعوفج زين
دنوش ياسر لعد شلون شنسوي
ياسر الله كريم والله مادري هسة بس اني خالها على الله واعرف ربي ميخيب املي
دنوش ياسر اني عندي جنسية دنماركية خلي نتزوج بدون علم اهلي نعقد بس وسافر للدنمارك واهناك اسوي لم شمل وية زوجي
ياسر دنوش ماريد اتفكرين هيج تفكير اني من اخذج اريدج مرفوعة راس كدام اهلج واهلي والعالم كله زين
دنوش زين عمري واني راح ابقة احاول وياهم اشكد ما اكدر
زين حبيبتي اعرف بيج سباعية وتكدرين تواجهيهم
دنوش بقيت احاول وية امي وبيبي اشكد وكفت وياية وماما ابد بقت مصره على رئيها خابرت اخواني وطلبت منهم يقنعون ماما وهم مافاد وياها اخر شي يأست كلت بعد هاي هية وقررت وية نفسي قرار ما اتراجع عنة اتصلت بياسر
الو حبيبي شلونك مشتاقتلك
ياسر فدوه يروحلج ياسر وعشيره ياسر اني اشوق عمري شخبارج
دنوش اني زينة من اسمع صوتك ياسر اني احبك
ياسر واني اموت عليج والله
دنوش ياسر ماعرف شكول يمكن اتاذيت بسببي هواي بس والله موبيدي
دنوش عمري اشبيج ليش هيج تحجين هو شعندي غيرج
دنوش ياسر الله عليك تبقى اتحبني لو مهما يكون
ياسر دنوش كلمة اتحبني قليله والله اعشقج واموت بيج
دنوش 😢😢 ياسو ماريد تزعل مني
ياسر دنوش اشبيج تعبانة شو صوتج ماعاجبني
دنوش لا ماتعبانة هسة راح ارتاح
دنوش اي حبيبي روحي ارتاحي شو احس بيج شي
دنوش لا اريد ابقة ويااااك
ياسر دنوش شو كلبي كام يوجعني عليج
دنوش لا حبيبي بس ماريد تزعل مني
ياسر دنوش اشبيج احجيلي شكو
دنوش ياسر اح ...... احبك
ياسر دنوش لتكفريني اسويتي بروحج كولي موتيني
دنوش سامحني ماكدر اعيش بدونك
ياسر دنوش فدوه شسويتي كولي دنوش الوووو دنوش جاوبيني
دنوش اااح ح بك
ياسر ولج دنوش فدوه لتعوفيني دنوش
ياسر اخذت السويج وطلعت ركض حتى بدون قميص واني اصيح بالتليفون والخط مفتوح ودنوش ماكو جواب سقت بسرعة جنونية وصلت البيتهم اقنحمت الحرس رادو يكتلوني عبالهم مفخخ واني نزلت اعيط بعلو صوتي ولكم دنوش راحت ولكم ماتت دنوش بس خلوني الحك عليها ركضت للبيت طبيت بكل سرعتي سألت على غرفتها واني مثل المجنون دلوني عليها صعدت فتحت الباب وجان انصدم دنوش غركانة بدمها ولا حس ولا نفس
