وصلت دنوش للباب راحت واحس روحي راحت وياها
كتلها دنوش هسة مجاوبتيني شكلتي على موضوع الخطوبة اجيب اهلي حتى اخطبج لان ماتحمل بعد وبالاخص من حسيت بلمسة شفايفج وهو يغمز بعينة
دنوش احس النار صارو بخدودي من غمز كتله لتصير مكروه والله مادري شلون طلعت مني
ياسر اخ الله شوفي الخدود فدوه للخجل هسة اشكلتي
دنوش بكيفك وطلعت اركض
ياسر بعد ما راحت دنوش طبيت للحجية كتله راح انام شوية من يجي ابوية كعديني عندي موضوع وياكم
الحجية اي يمة ناملك شوية لان ابوك راح يذبح الوجه الله تعالى على سلامتك وعازم عمامك وخوالك على العشة
ياسر بيها الخير يمة كعدت على صوت هوسة وحجي اجتي اختي علا كوم بس نايم وناس كلها جاية علمودك
كتلها اي اي نازل هسة روحي واجي وراج نزلت الكرايب كلهم متجمعين وتحمدولي على سلامتي
وكل واحد اسلم عليه يكلي عوف الدوام طكت روحي كتلهم شنو قصتكم وية الدوام
والله لو اعرف موتي بي ماعوفة اني مو جبان واخاف سكتو وكالو يوم الي ننجمع بيوم عرسك
كتلهم ان شاء الله صبينا العشا وكل واحد راح البيتة طلبت من اهلي ينجمعون لان عندي حجي وياهم
كتلهم الله بالخير كالو الله بالخير والعافية كتله يابة اريد اتزوج اباوع على الوجوه كلها فرحت
امي كالت يوم المنى وعلي كال اي حتى اتزوج وراك وعلا كالت اريد اشبع ركص
الوالد كال بيها الخير يابة خال وحده ابالك لو تريد امك تلكيلك وحده من بنات كرايبنا
كتله لا يابة اني اريد وحده واحس راحتي وياها
الوالد الله يسعدك بابا بس كون البنية بت اجاويد واصل وفصل
ياسر اكيد بت اصل وفصل شتعرف ابنك من يختار
اباوع بوجه امي صار ثكيل ومابي فرحة
علي وعلا حسيت بوجوهم عرفو المن اقصد
الوالد الله يجعلها من نصيبك يابابا بس اريد اعرف هي منو اهلها منو هم منين من ياعمام نروح نسال عليها
ياسر اسمها دنوش اقصد دانية واهلها بالشارع الورانة
اها يعني بشارع المسؤول ..... قريب عليهم
ياسر اي بابا بس مو قريب عليهم هي بنته
الوالد انت صدك تحجي لو تشاقة
ياسر لا يابة احجي صدك هي هاي البنية الي احبها وتحبني
الوالد يابابا احنا وين وهم وين يابوية مابينة حيل مشاكل وهذول ناس اذا فكرو يزوجون بتهم اكيد يختارولها واحد من مجتمعهم ماينطوها الك
