الكاتبة الاسدية
تنوية القصة حقيقية
علي اتنفذ كل طلباتي واني انطيك الحل
ياسر والله اسوي كل الي اكدر عليه بس ابوس ايدك اتكلي الحل لان راح اموت ولك البنية راحت من ايدي
علي هاك بوس ايدي ومد ايده
ياسر ضرب ايد علي وعصب عليه وعلي يضحك كال انت كلت ابوس ايدك
ياسر ولك علي اني كلبي محترك وانت تضحك هي هاي الاخوه
علي ميخالف كسرت كلبي اني راح احلك الموضوع
ياسر شلون احجي مو خلص صبري
علي الحل يم مريم
ياسر اي عيني ومين اجيب مريم
علي هذا سر المهنة
ياسر بكل عصبية علي انت تضحك علية
علي وداعت الاخوه ماضحك عليك الحل يم مريم
ياسر زين منين اجيب مريم اني هسة
علي غير انت متعرف قدرات اخوك الي البنات مكطعات روحهن عليه
ياسر هجم بيتك حسين فهمي هههههههه
علي وهو يدير وجهة ويريد يروح كله خلي حسين فهمي ينفعك ومسوي روحة زعلان
ياسر بقة لازم اخوه ويتوسل بيه ويكلة ولك اني اخوك من انعل ابو الحب الي يذل هيج ذله
علي لاحشاك ياخوية ماعاش الي يذلك
اني احجيلك شنو الحل من اجينا اني وابوية وية الدلال حتى نشوف البيت قبل لا نشتري طلعتلنا بنية فدوه ال ربها اتجنن شنو الشكل شنو الجمال كالت ماموجود احد بالبيت تعالو العصر
ورجعنا العصر هم هي طلعتنا واني كلبي بقة يرجف تدري اضعف كدام الجنس اللطيف
دخل بابا والدلال للبيت وية ابوها واني بقيت بس اباوع عليها وتبادلنا النظرات
اه موتتني بعيونها كملو فره بالبيت واني بقيت يمها وراها كتلها الامي خلي اخذج نروح اتشوفين البيت الي راح تسكنين بي
وهم اخذت امي ورحت بس حتى اشوف الكمر مالتي وهم شفتها فتحت الباب من خبصتي كتلها اكو كمر يطلع بالليل
هي بقت تضحك كالت لعد شوكت يطلع انتبهت اني خربطت بالحجي ضحكنا اثنينا كتله تيهتي عقلي وتعرف اخوك يستغل الفرص
انطيتها رقم موبايلي عود اني طاك وعندي موبايل وبقيت اروح وارجع بحجة التحويل وهيج شغلات وذبلها حجي الحد ما بيوم دك موبايلي وطلعت هي متصلة علية يعني مريم هسة حبيبة اخوك 😍😍
ياسر وهو يبوس باخو علي ولك صدك طلع عندك الحل يلا اتصل عليها بسرعة خلي احجي وياها
علي لا ماتصل هي تتصل علية لان ماعدها موبايل تتصل بالبوكه من امها يعني انتضر 😀😀
مريم علي انت اشكد تحجي انطيني مجال اعرف القراء عليه والبارت باسمي واني محد ينطيني مجال احجي
اسمي مريم نجحت من صف الخامس اعدادي طولي ١٦٧ يعني الطول هيبة
وزني ٦٠ جسمي يخبل شعري اسود طويل النص ضهري وعيوني عسلي يعني الكل يكولون حلوه
اجتي بنية اول مره تداوم بمدرسة عراقية حسيت بيها خطية مثل التايهة
وكأن جاية من غير كوكب حبيت اساعدها
عرفت اسمها دانية وهي جانت عايشة خارج العراق وجان الوضع كولش غريب عليها
اتقربت منها وصرت صديقتها الوحيده
واني بالمدرسة يعرفوني اشكد ما شاطره بس مشاكسة واسوي مقالب
بالعطله مال نهاية السنة سافرت دنوش اتشوف اخوانها وبابا قرر يتحول من البيت الي كاعدين بي الى بيت يكون على الشارع بالمنطقة
حتى يكدر يسوي محلات لان الشارع والروحة والجية خطره اجوي
رجال وابنة يشوفون البيت وجنت وحدي كتلهم تعالو العصر بس الولد ماشال عينة من علية
وحتى ما افتر بالبيت بقة واكف يمي وثاني يوم جاب امة واجا للبيت من شافني كال اكو قمر يطلع بالليل بقيت اضحك عليه وكتله لعد شوكت
يطلع بالنهار
وضحكنا على الموقف وضل يروح ويرجع كل يوم بححة شكل
الا بيوم انطاني رقم الموبايل مالتة وعرفت اسمة علي
وراها اتصلت بي من موبايل امي لان الموبايلات جانت غالية وبس عد ماما وبابا واخوية مهدي
من اتصلت بعلي شفت شخصياتنا متشابهة اثنينا نحب نشاقة ونسوي مقالب يعني صار بيناتنا اعجاب وشوي مشاعر
ذكرتوني بعلاوي اروح اتصل بي لان اشتاقيتله اريد احجي وياه تدرون شنو راح نحجي
لا شعليكم انتو هاي مواضيع خاصة عيب هههههههه
