الكاتبة الاسدية
ياسر بعد فشل كل المحاولات حتى يوضحون الصورة الدنوش وكلها فشلت
فكرت احسسها باهتمامي بيها عسى ولعل يحن كلبها حتى لو بس اتغير الصوره الي ابالها علية
بدا دوامي بالدائرة سويت دوامي بين يوم ويوم
يعني يوم اداوم وثاني يوم انزل وخلص بعد قررت اني اسوي المستحيل حتى اكسب دنوش وبجهودي
دنوش بدأ دوام المدارس وبديت اداوم صف سادس ولازم احقق حلمي
وبجهودي اول يوم رحت للمدرسة شفت ياسر واكف قريب من المدرسة سويت نفسي ماشايفتة
مر اليوم عادي وية مريم من خلص الدوام طلعت لكيتة واكف بنفس المكان
جان مريم اتكلي دنوش شوفي ذاك الولد اشكد حلو كتلها شعلية بي كالت يمة يجنن بس هذا عينة عليج
كتلها هذا ياسر
مريم ولج صدوك تحجين يمة يجنن
كتلها انتي ابقي باوعي عليه واني اروح
صعدت وية الحماية ورجعت للبيت
ياسر اول يوم دوام للمدارس رجعت من الدوام طلعت كبل للمدرسة مال دنوش بس حتى اشوفها
شفتها نزلت من السياره واني كلبي دكاتة تقرا الف اصلا هي ماشافتني
ودخلت للمدرسة رجعت للبيت سبحت وكلتلها للحجية يوم راح انام ساعة ١١ كعديني
كالت الحجية ليش يمة متتريك كتلها لا اكلت بالدوام
نمت ساعة ١١ كعدتني الحجية غسلت وبدلت ملابسي وطلعت للمدرسة
حتى اشوف دنوش وصلت للمدرسة وكفت بنفس المكان الي وكفت بي الصبح طلعو الطالبات شفت سيارة الحماية وكفت قريب يمي
طلعت دنوش هي وبنية عرفتها مريم لان هي صديقتها المقربة
مريم اشرت الدنوش علية رفعت عينها علية ودنكت وبقت تحجي وياها
وصعدت بالسيارة وراحت كلت المهم شافتني بقيت على هذا الوضع يوم الي ماعندي دوام اروح للمدرسة الصبح والضهر
كلت اكيد يجي يوم وتحس بية وتعرف اشكد احبها
مريم طلعنا من المدرسة اني ودنوش شفت ياسر واكف كتلها ولج خطية ياسر شلعتي كلبة والله يحبج ويموت عليج
دنوش مريم سدي الموضوع كتلج لتخليني اروح امسح بي الكاع هسة
مريم لا عمي سكتنا ماحجي بعد انتي راسج يابس وشايفة روحج فد مره
شوفي البنات متخبلات عليه ويتحارشن كوه بيه دنوش بالعافية عليه هو واحد ملعب يستاهل هيج نماذج واحد يلعب على الثاني
ياسر مر اكثر من شهر واني نفس الشي ارجع من الدوام اروح اشوف دنوش بس كل يوم تتجاهلني اكثر واكثر
ياربي انت المعين ماتحمل بعد يا الهي انت اعلم بحالي وبكلبي اشكد يحبها
ويريدها ورجعت الى اوراقي الي كل يوم اكتبها واناجيها واني اتخيل عيونها من تقراها وتعرف مشاعري تجاها
علي ياسر اريد السيارة مالتك اليوم الضهر
ياسر شوكت تريدها بيش الساعة
علي تقريبا ساعة ١١
ياسر لا ماكدر اذا تريد ورا ساعة ١ انطيكياها
علي لا احتاجها قبل هيج وكت
ياسر شسوي بيها
علي مو اليوم اروح اشوف مريم من تطلع من المدرسة
ياسر ماشي اني اروح وياك اخذت علي ورحنا للمدرسة وكفت بنفس المكان
طلعو البنات من المدرسة وبقيت اسمع نفس الكلام من بعض البنات وهن يتحارشن بية وحده كالت لو بس اعرف يومية عليمن تجي
علي باوع علية وهو رافع حواجبة وكال الاخ مقيم اهنا كتلة اسكت اجتي
مريم طلعت وية دنوش من الدوام جان اشوف الحب يمة كتلها دنوش شوفي الحب مالتي
رفعت راسها شافت ياسر وياه ولد كالتلها هو هذا الي وية ياسر كالت الله يسعدكم وعافتني وراحت وية الحماية واني مشيت مسافة اجوي علاوي وياسر وكفنا بمكان ونزل علي سلم علية وقدملي ورده اتجنن
كال احلى ورده الاحلى ورده
كتلة شكرا حجينا شوي وكال باجر اجي اجيبلج شي تنطي الدنوش كتلة اوك
علي جنت اشوف ياسر يكعد وحدة يكتب اوراق ويحتفظ بيهن فد يوم هو ما موجود قريتهن كاتب كلام يذوب الصخر كله على دانية
فكرت كلت باجر ياسر بالدوام اخذ كم ورقة انطيها المريم اتوصلها الها
واني ادري من تقراهن كلبها يحن علية لان خطية اشكد يحبها
اليوم الثاني اخذت الاوراق ونطيتها المريم
مريم علي انطاني رسائل من ياسر جان كاتبهن الدنوش بس ميبعثهن الها فكرت شلون انطيها الها بدون متعرف
فكرت نهاية الدوام اخذت كتاب دنوش مال الفيزيا كتلها بس اشوف الامتحان منين لان باجر امتحان فيزيا انطتني الكتاب كلبت بي وبدون متنتبه خليت بي الاوراق ورجعته خلت الكتاب بالجنطة وطلعنا
دنوش رجعت للبيت اكلت ونمت ساعة حتى ابدي اقرا للامتحان فتحت كتاب الفيزيا وكعت منه اوراق فتحتها شفتها كلها اشعار وكلمات واعتذارات حتى قيس ميكتب هيج كلام الليلى
كلت لو هيج الحب لو ماكو وبعدها وحده من الرسائل موضح بيها شلون اتعرف على حبيبته كلت عزززززة 😲 هذا ياسر
زين منين اجتني هاي الرسائل اكيد هاي مريم 😠😠
بقيت اقرا اكول معقولة اني ضالمتة الياسر
مادري بقت مشاعري مخربطة بين اصدك الكتابات وبين الواقع الي صار وياية
