الكاتبة الاسدية
صاحب الصوت كال صاحب هذا التليفون مسوي حادث
دنوش بصدمة لا انت كذاب تكذب علية انطيني حمودي فدوه مو مال شقة هسة
صاحب الصوت اختي شنو شقة اكلج مسوي حادث ومكلوبة بي السيارة والله العالم عايش لو ميت
دنوش بصراخ وصياح دخيلك ربي لا كله ولا حمودي ربي مابية حيل وهنا فقدت
ام دنوش سمعت صوت دنوش تصرخ وتبجي رحت عليها ركض شفتها منهارة وبس تلطم لج ماما شكو اشبيج
دنوش لج ماما ياسر مات ياسر كتلوو بعد ماكو ياسر ماما
ام دنوش اسم الله ماما هاي اشبيج يا ياسر هذا ماما ياسر شبع موت
واني افكر اخاف انتكست حالتها من جديد وبس اريدها تهدأ شوية ماما على كيفج بس فهميني شكو وهي بس تصرخ
وتصيح ياسر مات غسلتلها وجها اخر شي ضربتها راشديات على ترجع الوعيها
دنوش مااامااا حمودي مات ماما ولج ماما منو عندي بعد ليش الي احبهم يرحون مني ليش
ام دنوش اسم الله ماما بس فهميني اشبي حمودي على كيفج ماما وية نفسج
دنوش مادري خابرت على حمودي طلعلي واحد يكلي صاحب هذا التليفون مسوي حادث ويمكن ميت ماما اريد اموت وراه فدوه ماريد اعيش
ام دنوش اخذت الموبايل اتصلت على حمودي ماكو جواب اشكد اتصلت اخر شي جاوبني شخص كال مسوي حادث وهسة راح ياخذو بالاسعاف المستشفى تكريت سالتهم عن حالتة كالو منتهي يمكن ميعيش ماردت دنوش تسمع هيج كلت هاي تنجن اذا سمعت سالت بلغتو اهلة كالو لا منعرف الرمز مال تليفونة كتلة ليش انتو مو اهله كال لا احنا لكينا مسوي حادث
كلتلها دنوش تعرفين الرمز مال تليفون حمودي كالت اي الرمز دنوشتي
طلبت منهم يبلغون اهلة خطية مييستاهل حمودي ربي ينجي ويحمي
اوف ياربي شسوي الهاي البنية الي راح تموت من القهر
دنوش وبعدها منهاره وتصرخ ماما اخذيني الحمودي اريد اروح الحمودي
ام دنوش ماما وين ترحين شيودينا التكريت كعدي وادعيله الله يكومة بالسلامة
دنوش اذا متودوني اني اروح لو اموت روحي اهنا يمج وتريد تطلع بلا وعي
ام دنوش اخ يا ماما والله شلعتي كلبي يمة متكليلي شيودينا شيوصلنا وباي صفة رايحين
دنوش الموقف كله ذكرني بياسر مرت علية الاحداث سريعة واني اتخيل حمودي ميت بين ايدية حسيت الدنيا افترت بية وعيوني غوشت وبعد مادريت غير ماما تغسلي وجهي
ماما فدوه لتسوين هيج بنفسج اخذج والله بس انني شدي حيلج وكوميلنا ماما هسة اروح مابية شي
