أحبك مو لأن انت حلو لا
لأن روحي التقت كبلي ولك بيك
اذا إنت تمُّر ع الأعمى يصيح الله
والأخرس لَّون حاچيته يحاچيك
أذب كلبي على سهمك وآنه مجروح
واكلك دير بالك أخاف أأذيك
إجرَّحني ولك بس كون عالكيف
لأن إنت ويَّه دمي وخاف أبديِّك
إجرحني ولك بس كون ما موت
حتى مِن يتهموَنك أبريّك
على المراية وكفت ما شفت وجهي
وشفت وجهك طلعلي وكمت أحاچيك
دنوش رجعت للبيت واني الدنيا ما واسعتني من السعاده
معقوله الدنيا راح تضحكلي وتفتح اديها الي واعيش مثل البنات
سمعت صوت مسج فتحت الموبايل شفت مسج من ياسر بي رقم مريم وراها ثواني اجاني مسج منه
كاتب زيديني عشقا زيديني يا احلى نوبات جنوني دزيت مسج مو حرام انه ما افكر الا بيك كلبي مثل النار يالغالي عليك
بقينا نتراسل بالمسجات اني ماكدرت اجاري بكلماتة كلها شعر وغزل كتله اروح نتواصل بعدين
نزعت قميصي جان اكو دمج عطره وية عطري منطين انسجام غريب
بقيت حاظنة قميصي واتذكر شلون حظني نزلت اكلت شوية ورجعت اتصلت على مريم
دنوش الو هلو البذاتة
مريم لا لا مستحيل ولج صدك جذب انتي دنوش
دنوش ههههههه لا هذا الجني مالتها طلعلج حتى يجننج
مريم عمي ميخالف جني شيطان عفريت المهم اسمع صوتج ولج مشتاقتلج موووت
دنوش والله اني الاشوق شخبارج شلونج وية السادس
مريم اسكتي يمكن ااجل هاي السنة كوليلي انتي وين هسة
دنوش اني بالعراق
مريم جذب كولي والله
دنوش والله شبيج واجيت للمدرسة لكيت الدوام منتهي
مريم ولج عشر دقايق واني يمج
دنوش اوك منتظرتج باي
اثناء اتصالي وية مريم حسيت اجاني مسج فتحت المسج من ياسر كاتب شميت عطرج بالبدي مالتي اتمنيت وجودج
مارديت على المسج غيرت ملابسي ونزلت انتظر مريم
اجتي مريم اشكد فرحت بشوفتها يمكن جان اسعد يوم بحياتي
سولفتلي على الدوام وعلى علاقتها بعلي واني حجيتلها على ياسر وشلون رحت الهم بقت مامصدكة اني هيج اسوي
