الكاتبة الاسدية
عماد مانتبهت انت موجود ماشفتك
حمودي مو كبالك شجرة لو مسطبة وماشفتني
دنوش لزمت ايد حمودي كتلة اهدء الخاطري اتفضل عماد محتاج شي
عماد لا بس حبيت اصبح بوجهج لان اتفائل من اشوفج واليوم اول يوم دوام عندي
حمودي وهو شرايينة كلها ناطة دانية اتكومين لو تبقين اهنا يصبحون بوجهج
دنوش لا اكوم عندي محاضرة تسمحلي واخذت حمودي ورحت حمودي اشبيك ليش هاي العصبية شكو ياعمري
حمودي دانية رحمة الاهلج اسكتي لا اروح افلش سنونة بحلكة خليني ساكت
دنوش هسة شنو الصار متكلي انت ليش بكلشي معصب اعصابك لتخلي هيج واحد ينرفزك
حمودي استغفر الله كتلج خليني ساكت او الاحسن اروح اني
دنوش وين رايح حمودي
حمودي اروح للموت عساني مارجعت
دنوش حمودي حمودي شو هذا راح اشبي
سيف صباحو دنوش شلونج
دنوش هلو سيف صباحو
سيف منورة الكلية اليوم متدرين شلون ضل بالي يمج الحمد لله من كمتي بالسلامة
دنوش الله يسلمك واني عيوني تلاحك احمد وافكر شلون راح تخلص وياه اذا هو نار غيرتة متنحمل كتلة سيف خلي نروح للمحاضرة وضليت افكر اخاف عماد يجي يدرسنا شلون تخلص دخلنا للمحاضرة اني وسيف واشوف حمودي دخل وراية كال الحمد لله اخلص من واحد يطلعلي الثاني وراح كعد بالستول اخر القاعة سيف استغل الوضع جان يجي يكعد يمي وبقة يتشاقة ويضحكنا وجان الاستاذ شوي منطينا مجال وهو هم محاضرتة حلوه حمودي كال للدكتور استاذ تسمحلي اطلع كال اخذ راحتك طلع جان يوصلني مسج من حمودي اطلعي بسرعة استاذنت من الدكتور وطلعت دورت علية مالكيتة اتصلت كال اني بالنادي تعالي رحت للنادي يمة خفت من عصبيتة هلو حمودي
حمودي هلو
كعدت وهو ساكت بس عيونة وملامحة كلها تحجي وتكول اكو شي
دنوش حمودي ممكن افهم شكو اجتي هدى واحوالها كلها متخربطة كعدت والدموع بعيونها كتلها هدى حبيبتي اشبيج ياعمري
هدى بجت بصوت مخنوك دنوش شفتي شلون طلع يكذب علية شفتي شلون طلع خاين
دنوش منو مصطفى خاين يمعوده كولي غيرها هو يموت عليج
هدى اي والله هو واحد خاين وكذاب كذب علية صار سنتين وياه وطلع خاطب اتصوري سمعتة يحجي وياها موكافي صار سنتين مخطوبين وبعدكم اتاجلون الزواج شلون هيج يسوي بية
دنوش اشكد نذل وحقير لعد صدمتيني بي الي يشوفة يكول ماكو مثل حبه الج التفتت على حمودي وكتلة شفت الحقارة شلون كدر هيج يسوي شنو هذا الخيانة تمشي بدمة
حمودي دنوش على كيفج يجوز مجبور على الخطوبة ومنو يكول هو ميحب هدى ليش تحكمين عليه بدون متسمعي
دنوش حمودي لتدافع عنه هذا حقير
هدى مو بس حقير نذل وميستاهل ذره من حبي
حمودي هدى اسمعي منه ليش تتسرعين
دنوش حمودي انت ليش ادافع عنة
حمودي مو مرات الظروف تحكم واحد
دنوش ماكو ظروف وماكو مبررات زين انت ليش نكلب وضعك عبالك انت صاحب الموقف شنو هذا الحماس
حمودي اني اني لا شعلية ابقي انتي وصديقتج بس نصيحة لتحكمين بدون متسمعين من الطرفين تسمحولي
دنوش كافي حبيبتي ميستاهل دمعة وحده من عيونج والحمد لله من كشفتي على حقيقتة
هدى دنوش ولله ماكدر احبة تدرين شنو يعني احبه
دنوش والله نصيحة دوسي على كلبج ودوسي عليه الي ميشتريج بذهب لتشتري بتراب هدأت شوية واجا مصطفى يتمشة ولا كأن مسوي شي يكللها اي خاطب قبل لا اعرفج ومن شفتج حبيتج يعني نفس القوانة الي يحجوها بالكذب والغش
مرت الايام بين الدوام وحمودي بس حمودي احس بي شي اكو فد حاجز بيني وبينه شكد احاول اعرف شنو ماكدر بس الي حارك كلبي عماد كل يوم بالكلية من اشوفة اشوف ياسر مو عماد البنات موتو روحهم علية واني اشتعل شعل احس مو من حقهم هيج يسوون عشت تناقض عجيب وعماد يحاول بكل الطرق يتقرب مني رغم هو يدري بعلاقتي وية احمد بس هو مامهتم اما احمد بحث اخر عايش بعالم ثاني متناقض الغيرة موتتة من سيف ومن عماد بس اشوفة متجنبني حسيت بفراغ وحيره من هذا الوضع
سيف السلام عليكم خلي احجيلكم عن نفسي شوي اني سيف علي عمري ٢٧ سنة حالتي المادية كلش زينة والدي يشتغل مقاولات وعنده هواي مشاريع بالعراق وخارج العراق يعني مدلل كوه خلصت سادس علمي لان ابوية يريد ادرس ضمن اختصاص شغلة يعني السنة اكملها بسنتين مدلل وماحتاج ادرس علمود اتعين عندي اخوان ٣ واخت وحده والدتي مهندسة تشتغل وية بابا من داومت كلية شفت دنوش وعرفت منو هي واصلا هي حلوه وشخصية عجبتني من اول ايام اتعرفت على الكروب الي هي تمشي وياهم كلت حتى اتقرب منها بعدها ضهر بحياتنا احمد جنت بمنافسة بيني وبين احمد منو الي يكدر يلفت انتباه دنوش وشفتها مالت الاحمد واني حسيت رجولتي انجرحت لان عمري ماكو وحده ترفضني بقيت مصر ابقة وياها عسى ان اكدر ادخل بينها وبين احمد وافرقهم وراح ابقة احاول لان من صدوك حبيتها وهي تستاهل واحد يحبها هاي الفترة اشوف احمد مبتعد واكو شي صاير بس شنو مادري كلت راح يفرغلي الجو واكدر احصلها طلعلي دكتور عماد اشوف دنوش كلما تشوفه مادري شيصير بيها مرات اشوف حب وهيام ومرات اشوف حقد وكره حيرتني هاي البنية وهو يحاوطها من كل مكان بيوم رحت على دكتور عماد كلت خلي اتخلص منه قبل لتتعمق علاقتهم سلمت عليه وحاولت اكون طبيعي كتلة دكتور انت من وين
عماد اني من بغداد جنت عايش بسوريا وهسة رجعت
سيف اهلا وسهلا دكتور نورت بغداد والكليه بس تدري مجنت اتوقع انت عايش خارج العراق لان شفتك من اجيت تعرف دانية
عماد اي هي قريبتنا واعرفها زين
سيف اي هي حبابة وخوش بنية الله يسعدها وية احمد لان هو كلش يحبها
عماد لا شنو ايحبها دنوش متسويها
سيف والله مادري دكتور بس هذا الشي واضح للكل
عماد لا انت غلطان وهسة اثبتلك دنوش ماعدها شي وية احمد
سيف اسف دكتور يمكن اني مفتهم غلط
عماد سيف ممكن اطلب منك طلب
سيف تامرني دكتور اطلب
عماد اشكرك اريد تنطيني اخبار دانية اول باول وخصوصا وية احمد واريد اعرف كل شي عن احمد اذا تكدر
سيف تدلل دكتور
عماد اخذ رةحتك ولتنساني
سيف حسيت براحة كلت خلي يصير تنافس بين عماد واحمد واني اتفرغ الدنوش
____________________
😭😭😭😭😭😭
ادري البارت قصير بس شسوي رمضان وصيام وبعد الفطور اما نروح خطار واما الخطار يجونا عذروني احبكم هواي
الكاتبة الاسدية
