دنوش اليوم موعد الخطوبة مالتي وماما كوه اخذتني المركز التجميل واني بس الدموع تجري حتى الخبيرة مال التجميل متكدر اي شي تشتغل لان راح اخرب شغلها كل ما تريد تبدا بالشغل يزيد النحيب والبجي مالتي وهي بنية بعمري تقريباسألتني انتي مغصوبة على الخطوبة كلتلها لا محد غاصبني كالت لعد ليش هيج تبجين احجيلي يمكن اريح كلبج شوي كتلها اني احب واحد وهو يحبني واهله جبرو يخطب بت عمة وخطبها وماكال اني خطبت الا صدفة عرفت بس بعد سنتين وراها عاف اهلة ومحافظته وشغله واني ردت انتقم منه وافقت على الخطوبة من غير شخص
الخبيرة مع احترامي الج انتي ماعندج عقل اكو وحده تلاكي واحد هيج يحبها وتعوفة وبعدين انتي اتكولين خاطب سنتين لو هو يريدها وهيج امكانية جان اتزوج خلال شهر مو يبقة سنتين وعاف اهلة وناسة علمودج وانتي جاي اتجازي على حبة ترحين تنخطبين الغيرة هذا انتقام من نفسج اولا ومن عنده ثانيا والخسران الاكبر انتي والدليل شوفي نفسج اشصاير بيج اتلحكي نفسج وروحي الحبيبج هيج شخص حرامات تخسري بلحظة غباء ماحاسبه حسابها
دنوش بس هو على مدى هاي السنتين خدعني يخلي عيونة بعيوني ويكلي احبج شلون كلبه انطاه هيج يسوي لا وفوكاها يكلي ماتحمل بعد اريد اخطبج
الخبيرة اني لو منج هسة اعوف كلشي واروح اشمر روحي بحظن حبيبي قبل لا اتندم وبعد ميفيدج الندم
دنوش بقيت افكر بكلامها واني ماعرف شسوي حسيت النفس كوه اجره اختنكت فد مره واحس توازن بعد ماعندي اجتي ماما
ام دنوش ها ماما هاي اشبيج
دنوش بصعوبة تتكلم مادري ماما اختنكت ماكدر اتنفس
ام دنوش ولج ماما فدوه ارتاحي خلي اغسلج هم وجهج صار احمر ليصير بيج شي اخذتها على المغسله وغسلت وجها ليش ماما هيج احسنلج اتضلين اتكابرين
دنوش ماما عفية طلعيني منا اختنكت
ام دنوش اي ماما يلا طلعتها ردت اصعدها بالسيارة مقبلت
دنوش اريد اتنفس هوه وبجيت بصوت
ام دنوش ادري ليش تبجين مو هذا جان قرارج مال الخطوبة وكلتي احترمو قراري وكلنا هاي هية انتي الي ردتي
دنوش ماما الله يخليج عوفيني بلكت اموت واخلص اني ليش عايشة
ام دنوش اسم الله اكو عروس هيج تحجي بيوم خطوبتها لازم اتكونين اسعد وحده اليوم
دنوش ماما فدوه خلصيني ماريد عماد
ام دنوش مو هو بكيفج دنلعب احنا يوم اريده ويوم ماريده والناس الي راح تجي شنكللهم ضحكنا عليكم ماعدنا كلمة
دنوش اي كليلهم بنتي مجنونة وماعدها كلمة كليلهم ماتت وماعدنا بنية للزواج ماما الله يخليج
ام دنوش هسة ارتاحيت اكول بيني وبين نفسي بس خلي اسويلها درس وتتعلم منه ماما مابيدي شي الناس محضرة كلشي وعازمين اهلهم وجايين من سفر شنو هذا الحجي اهنا اتصلت على احمد كلت خلي يسمع لان راح ينجن ماما كومي غسلي وجهج وخلي البنية تشتغلج اتاخرنا ومابقة شي على موعد وصول الناس واحنا كلشي مامسوين
دنوش ماسوي كلشي وماريد اتزوج عماد هسة اموت روحي واخلص ماما فدوه اروحلج الغي الخطوبة
ام دنوش ماما متكليلي اشبيج مو انتي الي ردتي العماد قابل اني جبرتج عليه
دنوش ابوس ايدج ماما ماريده مافكر بيوم يصير زوجي زين وحمودي شلون اعيش بدونة ماما اموت احسن لان الموت اهون من ابتعد عن حمودي ماما فدوه والله اموت بدونة وابوس بايد ماما وراسها
ام دنوش كافي ماما حركتي كلبي خلي اروح للبيت واشوف شنسوي انتي خليتينا بموقف محرج ومادري شنو اكول الابوج
دنوش اني ابوس ايده البابا واخلي يلغي الخطوبة فدوه بس ساعديني
ام دنوش الله كريم ماما كومي خلي نروح للبيت ارتاحي راح تموتين
دنوش ماروح للبيت اريد حمودي اريد ارتاح بس اشوفة كلشي ماريد
ام دنوش شنو تردين حمودي وين تشوفي لا لا مستحيل
دنوش فدوه ماما بداعتي والله بس اشوفة تعالي انتي وياية والله بس اشوفة فدوه ماما
ام دنوش زين هسة وين نشوف احمد
دنوش سمعت من سامر راجع للشقة مالتة خلي نروح
ام دنوش امري لله نروح انتي راح تجلطيني وسديت التليفون كلت هسة سمع كلشي
حمودي جنت كاعد على نار وانتضر خبر من ام دنوش لان كالت خليها علية واني كلش اثق بيها لان انسانة حكيمة وتعرف تتصرف جان يدك تليفوني واسمع صوت ام دنوش تحجي اتوقعت متدري بالتليفون متصل بقيت اسمع الكلام كله واني طرت من الفرح وعرفت دنوش جاية عليه وراها انسد الاتصال دقايق واجاني مسج من ام دنوش مكتوب بي لتسوي نفسك تدري احنا جايين عليك ولتحسسها انت مسامحها حتى لتعيد الغلط مره ثانية دوس على كلبك وتحمل شوية ماشي عشر دقايق واحنا يمك مادري من الفرح شنو اسوي شلون اتحمل اشوف دنوش كبالي واني اتجاهلها ربي عيني لان اني ضعيف كدام حبها وشوقي لعيونها
دنوش اخذت ماما ورحنا الحمودي حتى اشوفة واني افكر شلون اعتذر شلون اعوضة عن الي سويتة بي شلون كدرت افكر ارتبط بانسان ثاني غيره
ام دنوش بالطريق جان يدك تليفوني احدى الخادمات اتصلت بية كالت الحجية متخربطة ونقلوها للمستشفى كتلها دنوش بيبيتج متخربطة وناقليها للمستشفى راح اوصلج وتعالي انتي وحمودي ورانا مو تتاخرين
دنوش ماشي ماما وصلت الباب الشقة واني متردده شلون اواجه حمودي اريد ادك الجرس وارجع ايدي اخر شي اتشجعت ودكيت فتحلي الباب حمودي الكلام كله الي جنت محضرته نسيتة كل الي سويتة رميت نفسي بحظنة وبجيت
حمودي دنوش شكو اشبيج منو جابج ليش تبجين
دنوش حمودي احبك وماتخيل حياتي بدونك
حمودي دنوش انتي شتحجين مو اليوم الخطوبة مالتج وانتي اختاريتي عماد
دنوش حمودي كافي لتسوي هيج بية ادري بنفسي غلطانة بس والله احبك ومستحيل اصير الغيرك لتعاملني برود ورفعت عيني بعينه
حمودي اخذتها الحظني حيل وشميت شعرها وعطرها حسيت الروح رجعت بية كتلها صدكي جان اليوم صارت جنازتي وجنازه عماد وماخلي واحد ياخذج مني دنوش انتي مالتي من يوم الي شفت اسمج بالجات انتي اتسميتي باسمي
دنوش حمودي فدوه ماريد غيرك ساعدني شسوي كلبي ملجوم منك
حمودي دنوش كافي الخاطر ربج انتي ليش متثقين بية
دنوش شفت ايده ملفوفة وكوه يحركها كتلة اشبيها ايدك واني القهر اكل كلبي
حمودي مابية شي ليضل بالج
دنوش اخذت ايده وبستها لان اعرف كله بسببي هيج صاير بي
حمودي جانت دنوش بحضني ودك تليفوني ام دنوش سمعت صوتها من البجي كوه تحجي
ام دنوش حمودي لتكول الدنوش بيبيتها ماتت جيبها للمستشفى بدون متدري
حمودي ماشي هسة اوصلها يمج وسلميلي على بيبي وسديتة
دنوش منو هاي
حمودي هاي امج اتكول لتاخرها وجيبها للمستشفى تنتظرج خلي نروح
دنوش زين شلون اخاف بابا يسويلي مشكله وميقبل الا اتتمم الخطوبة
حمودي اطمني ماكو خطوبة اليوم
دنوش وعد متخليني انخطب اليوم
حمودي وعد يلا حبي اتاخرنا اخذتها وصلنا للمستشفى دنوش انصدمت من شافت امها منهاره وهي صرخت بيبي كسرت كلبي على الشي الي سوته بنفسها ماجنت اتمنة اشوفها بهيج موقف بقيت لازمها واواسيها وهي كولش فقدت هي وامها شوي وحضر ابو دنوش وعماد بقيت وياهم كملنا الاجراءات ومن دنطلع
عماد اعتقد انت سويت الي عليك ولو ماعرف شنو الي جابك اهنا
حمودي هذا الموضوع ميخصك وانت مو صاحب مصاب وهذا الحجي مو وكته وعفتة ورحت سلمت على ابو دنوش وعرفته بنفسي زميل دنوش بالكليه واي شي يحتاجون اني موجود اتشكر مني واخذو المرحومة وللدفن بالنجف ام دنوش طلبت مني ابقة وية دنوش وماعوفها وهي بهيج حالة واوصلها للبيت كتلها دنوش خلي نروح وهي متقبل وتبجي وتصرخ اتكول اريد اروح وية بيبي وتبجي ليش بيبي عفتيني منو عندي بعدج واني اريد بس اسكتها
عماد يلا دنوش حبيبتي خلي اخذج للبيت
دنوش بصراخ وخر عني ماريد اشوفك ماريد اروح لكم هاي بيبي ليش متاخذوني وياها
حمودي ارتاحيت من شفتها متتقبل اي كلمة من عماد ولا تقبل تروح وياه اجتي ام ياسر وصديقتها مريم ماتحملت منضر دنوش واني اشوفها منهاره كتلهم خلي ناخذها للبيت
عماد كاللها حجية خلي نروح اريد دنوش ترتاح متشوفيها تعبانة
دنوش مريم اخذيني للبيت اريد اروح الغرفة بيبي حمودي لتعوفني وحدي اموت بدون بيبي
حمودي لا ماعوفج اخذتها هي ومريم وصلتها للبيت بس اشكد ارتاح كلبي من هيج كالت كدام عماد دخلت بسرعة الغرفة بيبيتها هي ومريم اسمع عماد يكول الامة خلي نخفف عليها نجيب يمها ياسر ودنوش اكيد راح تفرح بيهم وتنسة الحزن هسة وكتها اليوم اتموت بيبيتها لو بس مخلصين الخطوبة
مرت ايام العزاء واني احس ما الي وجود بينهم شنو صفتي حتى ابقة وياهم عكس عماد الي الكل اتعرفو عليه هو خطيب دنوش وهذا موتني قهر الي يشفع عندي هي دنوش اتحبني واختارتني اني مرت الايام وبدا الدوام بس اوف دنوش الحزن شكد مغير ملامحها شكد احاول اطلعها من حالة الحزن ماكدر بس المهم وجودي بجانبها بيوم كاعدين بالسنتر اني ودنوش
دنوش حمودي اني ماعرف شلون اتشكر منك ماعفتني بازمتي وكفت وياية لوما وجودك بحياتي جان صار بية شي ونزلت دموعها 😢😢
حمودي دنوش تدرين كلشي اتحمل بالدنيا بس ماتحمل دموعج لزمت كلينكس امسح دموعها
عماد لك احمد يا ساقط منو سمحلك تتقرب من خطيبتي
حمودي والله ماكو احد غيرك ساقط انت متستحي متفكر بدنوش شيكولون عليها من هيج تحجي
عماد انت مالك شغل بدنوش وماريد تتقرب منها زين كافي هي وافقت عليه
حمودي ماريد اسبب مشكله لا المكان ولا الزمان مناسب لان احترم حزنها
دنوش كملتو مشاكلكم لو بعد
عماد حبيبتي ماريد تلتقين بهيج نماذج زين ياعمري
حمودي احترم نفسك لو اجي اعلمك الاحترام غصب عنك
دنوش عماد مو وكت مشاكلك لا اعوف الكلية والدنيا كلها حتى ترتاحون عفتهم ورحت
حمودي مو تستغل المكان الصالحك وانت على اساس دكتور وماتجاوز عليك اذا انت رجال صدك واجهني بغير مكان واعرفك الرجوله شنو
عماد اني رجال وغصبن عليك وهسة اقدم بيك شكوى بالعماده
حمودي شتكللهم بالشكوى هذا حبيب الي اريد اخطبها
عماد لا اكللهم يتحارش بخطيبتي ويلاحقها
حمودي مو اكلك مو رجال لو رجال متجيب سيرة شرفك كدام الناس بس منينلك شرف انت
عماد بسيطة الا اندمك
حمودي شتريد اتسوي سوي التمو علينا الطلاب وكوه اخذوني من يمة بقيت فترة بس نتخابر اني ودنوش كتلها دنوش حسمي موضوع الخطوبة تعبت ماتحمل يتقرب منج
دنوش اني هم تعبت من تحكمة بحياتي بهاي الطريقة صدكني ما اطيق وجوده بحياتي بس انطيني مجال
حمودي براحتج حبي
دنوش خلي اروح عمري باي
حمودي باي حبي
دنوش كاعده بالسنتر وية الكروب مالتي وخطية اشكد يحاولون يضحكوني سامر كال نكتة ضحكت سمعت عماد صاح دانية اريدج رحت يمة كتلة اول شي اني ما اشتغل عندك حتى هيج اتصيح عليه وثاني شي تريد شي تعال واحجي باحترام
عماد اني ماريدج تلتقين بهاي الشله مالنج مو من مستواج
دنوش يامستوى هذا الي تحجي بي وشبيهم كلهم اولاد ناس واخلاق وصار ثالث سنة وياهم اني ماشفت شي عليهم
واني عاجبيني
عماد دنوش اني اشكلت وهيج سويتي اني غير علمودج
دنوش انت مالك حق تتخذ قرارات نيابة عني ماشي
عماد اني خطيبج ومن حقي اعلمج على الصح والخطأ
دنوش اني اكثر وحده تعرف الصح من الخطأ مو انت تعلمني
عماد بصفتي خطيبج وزوجج راح اصير لازم انبهج
دنوش زين من هسة اكلك ماقبل اكون خطيبتك ولا تعتقد بيوم اصير زوجتك اني من هسة انهي كلشي
عماد دنوش اعصابج
دنوش شنو شفتني مجنومة كدامك وتكلي اعصابج ياسر الي بيناتنا انتها خلص
عماد اني عماد مو ياسر
دنوش واني طول عمري اشوفك ياسر لهذا لازم كل واحد يروح بطريق عفتة ورحت للكروب مالتي الكل كالو الحمد لله احسن خطوه سويتيها
سامر لك حمودي تعال لحك خبر بمليون دينار
حمودي شكو احجي شصار
سامر تعزمني على الغده
حمودي اي اعزمك بس كون شي بي خير واذا ميستاهل تعرف
سامر لك دنوش نهت كلشي بينها وبين عماد وعافته كدام الكل
