بعد ما رجعت للبيت وماما كالت غسلي وجهج وتعالي سلمي على صديقاتي
صعدت الغرفتي ورميت نفسي على سريري وبقيت ابجي واني افكر بياسر والي سواه بيه
وافكر اني اشكد غبية انعجبت بشخص ماعرفة وبقيت اتذكر حجينا سوه
وافكر بضحكتة الحلوه وفجأه اتذكرت شلون رادني ادخل البيتهم وشلون الله نقذني من هيج مأزق من القهر نمت ماعرف شلون
بيبي دخلت للاستقبال مساء الخير اشلونكم عيني شخباركم
الصديقات وعليكم السلام اهلا حجيه شلونج
الحمد لله برحمة الله اكلج يمة نسرين
دنوش مارجعت من صديقتها
نسرين ام دنوش لا يوم رجعت صار هواي وصعدت حتى كلتلها نزلي ما نزلت
بيبي زين اني اروح اشوفها اشبيها
صعدت وشفت دنوش نايمة والدموع بعيونها والوجه احمر وبس تشهك
خليت ايدي العب بشعرها دنوش دنوش حبيبي كعدي ياعمري
كعدت دنوش وحظنتني
بيبي حبيبتي وبدت تبجي
ها بيبي اشبيج اشصاير اشحجت وياج مريم
بيبي طلعت ماكو مريم بيبي طلع كله كذب وبيت مريم شايلين من بيتهم
بيبي يااا لعد منو الي جان يحجي وياج
كتلها بيبي هذا واحد كذاب ونذل من رحت البيتهم راد يستغلني بيبي راد يدخلني البيتهم بالغصب ويعتدي عليه
بيبي بقت بصدمة معقوله وشلون وشسويتي اليوم الا اخابر ابوج اليوم ماخليهم ببيوتهم
بس هذا الي الله كتبة عليهم
كتلها لا بيبي فدوه الا بابا تدرين بي شيسوي وفوك هذا كله يرجعني يم اخواني
فدوه بيبي بداعتي اني اعرف شلون اتصرف وياهم اندك باب غرفتي
الخادمة كالت يردوج على التليفون صديقتج مريم
اني احس روحي مثل الطير ركضت على التليفون
الووووووو
علا الوووووو منو دانية
كتلها اي منو انتي لان هذا مو صوت مريم
جان اسمع صوت ياسر وهو يكول دنوش عفية لتسدين التليفون بس خلي احجي وياج
كتله هم الك عين وتتصل بية انت فوك كذبك ونذالتك جاي اتكمل حقارتك وياية
ياسر ميخالف شتريدين تحجين احجي بس المهم خلي افهمج
كتله ماكو تفاهم بيناتنة زين وسديت التليفون بوجهة
وكلتلهم اي وحده تتصل بية اتكول مريم كولولها متحجي وياج بعد لتتصلين
رجع دك التليفون رفعت السماعة وسديتها
وبعدين بقيت السماعة مرفوعة حتى ميتصل من جديد
ياسر طلبت من علا تتصل عليها واتصلت واجتي دنوش وحجت وياها علا وانطتني السماعة
اول ما حجيت وياها بقت تحجي جان اتكلي فوك كذبك ونذالتك جاي اتكمل حقارتك وتتصل بية
صدك كلامها اثر بية ليش هيج فكرت بية ليش هيج كالت علية اني ماسويت شي الي يخليها هيج تحجي لان حبيتها وكلبي اتعلق بيها واحاول باي طريقة اوصللها احاسيسي
ليش دنوش والله احبج اني من سدت التليفون حاولت اتصل بيها مره ثانية سدته بوجهي وخابرت طلعلي مشغول
بقيت اكرر المحاوله وهم طلع مشغول
ضجت طلعت باكيت الجكاير وبديت ادخن
دخل علية علي كال هاا ياسر شو ادخن انت مو تركت التدخين ليش رجعت عليها
كتله عوفني خليني بقهري كال شكو القهر ماكو شي يسوه كتله لا اكو شي يسوه ويسوه هواي
علي كول ياخوية يا ياسر يجوز تلكي الحل عندي
ياسر انت تلكي الحل ولك مشكلتي محد يكدر يحلها
علي كول ياعيني الحجاره الي متعجبك اتفشخك
واذا طلع عندي الحل شتسوي
ياسر حجيت العلي الموضوع كله
علي ولك هاي بس لافكرت انت تريد اتدخلها للبيت حتى تسوي بيها شي
ياسر يعني معقوله هيج اتفكر لا مستحيل واكول ليش اتكلي نذل لا ياربي هسة شلون شراح اسوي
علي انت كلت هي صديقت مريم مو
ياسر اي البنية الي جانت بهذا بيتنا
علي ضحك بخبث وكال عندي الحل
ياسر صدك تحجي انت الله ويدك كول شنو الحل
علي لا مو بهاي السهولة واني كتلك الحجاره الي متعجبك تفشخك
كتله احجي مو ذبحتني شنو الحل
علي ليش هو الحل بلوشي غير بفلوس
ياسر ولك احجي اشكد تريد انطيك بس المهم الحل
علي ماريد فلوس اريد منك سيارتك اسبوع تنطينياها
واريد منك اتقنع بابا التحق بدوره الضباط وقنع عماد ياخذني وياه السوريا وبعد افكر شريد منك واكلك
ياسر ولكم اشكالولكم عليه الجني مال المصباح عمي اذا على سيارتي ميخالف بس بابا وعماد شيقنعهم
كال لا كلهن اتنفدهن وبعدين اكلك الحل
