الكاتبة الاسدية
تسمحيلي كاتبتنا خلي اعرف المتابعين علية شوي لان اتواجدت وياهم وهم كلشي ميعرفون عني غير بس اسمي
اني ياسر عمار اتخرجت سنة ٢٠٠١ من كليه العلوم السياسية
اول متخرجت دخلوني دوره صرت ملازم بالجيش العراقي عمري ٢٧ سنة مامتزوج
ولا حبيت يمكن ايصير اكو اعجاب مرات ببعض البنات بس ولا يوم وحده دخلت كلبي وحبيتها
بعد سقوط النظام حلو الجيش بقيت بدون عمل والوضع بالعراق جان تعبان
ابوية عنده معارض سيارات وحالتنا المادية ممتازة
عندي اخوان ٢عماد وعلي اثنينهم اصغر مني وخوات ٢علياء وعلا علياء اكبر العائله
متزوجة وعدها ولد اسمه كرار وعلا اخر العنقود
وامي وابوية عايشين اتوقف شغل بابا بعد السقوط بس جان عدنا املاك
ماجريهن وعايشين بخيرهن
بعد فتره مراجعات بعد الحكومة الجديده كالو العسكريين يتحولون من الدفاع الى الداخليه
اني رحت سجلت اسمي وطلع التحويل مالتي ضابط بالداخلية
ابوية وامي كالو عوف هاي الشغله الدنيا تعبانة والقتل بالضباط وكلشي يصير
اني اصريت وكلتلهم اني مو جبان وراح اداوم وشيريد يصير خلي يصير
هو الاعمار بيد الله ملو اهلي من الحجي وياية واستسلمو للامر الواقع
امي كالت خلي انغير مكان السكن مالتنا ونصير قريبين على اقاربنا واهلنا فعلا اتحولنا للبيت الجديد واني بعد موعد الالتحاق مالتي للدائره الجديده
ما صادر يعني جنت بس اكل وانام هههههههه
وراها عرفتو قصتي من بدايتها وية دنوش اوف دنوش اول انسانة دخلت كلبي وهسة اخلي كاتبتنا تكمل القصة
شكرا ياسر زين من عرفت القراء عن نفسك
رجعت من بعد ما عرفت دنوش منو وبنت منو واني مهموم دخلت لكيت اخوية عماد بوجهي
اني وعماد كلش اصدقاء واحد يفهم الثاني من عيونة
كال اشبيك ياسر صاير شي كتله لا كال بيك شي يمعود احجيلي شصاير اذا الاخوك متحجي المن لعد تحجي
كتله القصة وية دنوش بكل تفاصيلها كال ولا يهمك هسة اخذك ونروح البيتهم وغصبن ما عليها تسمعك وتفهمك
وحتى لو طلع احد من اهلها انكله جايين على بتكم واخوية يريد يخطبها
كتله اي شكو بيها نروح البيتهم ونقتحم الحرس مالتهم ويطلعنا ابوها المسؤول ...... ونكله جايين على بنتك
ونريد نخطبها وهو يرحب بينا وميصدك احد جاي على بنتة يكللنا عمو بالخير عليكم كبع واخذ
احنا مشترين رجال مو
بقة عماد فاتح حلكة ومبحلق عيونة شكله جنة واحد منغولي هههههه كال بت منو كلت
كتله بنت .......
كال والله ياخوية اني من هسة لا اعرفك ولا تعرفني وحتى اهلي راح اتبره منهم
هههههههه
كتله هاي من البداية وبعتني اشكد ناقص انت شوي ضحكني وغير نفسيتي
وراها كلي ياسر انت اخوية الجبير واني اخذ النصح منك بس ياخوية هاي البنية عوفها مابينة حيل مشاكل
وشوف هم وين واحنا وين هاي ميجيك من وراها بس شلعان الكلب اخذ نصيحة من اخوك الي ياما وياما شاف من هاي الدنيا
على اساس مسوي روحة شايب وشايف وعايف
كتله الله كريم بس كلبي شلون بي والله لو اعرف موتي يصير علمودها ميخالف اني قابل المهم دنوش تفهم موقفي
وتعرف مشاعري بعد ماريد شي من الدنيا
عفت عماد وطبيت بغرفتي واني كل ثانية اتخيل شكلها ودموعها وهي اتكلي كذاب نذل
وابقة كلبي شابه بي النار الا ان اجتي فكره براسي رحت على علا صحتها
علول علول حبيبتي اختي الغالية عمري
كالت يمة عيني هذا منو الي هيج يحجي وياية هيج لا لا ماصدك انت ياسر وخلت ايدها على كصتي وكالت نبضك طبيعي ومامصخن لعد ليش اتعلس هههههههه
كتلها علول اني مو اخوج الجبير وحبيبج اريد منج طلب
كالت اطلب مو عرفت هاي المقدمة وراها شي اي عيني احجي شتريد
كال اريدج تتصلين على رقم وتطلبين وحده اسمها دانية كولي اني صديقتها مريم
ومن تحجي وياج انطيني التليفون ماشي
بقت اتحك بشعرها ومسوية روحها اتفكر
كتلها ها شنو صار بيج كمل وضحكت عليها
كالت هيج اني بية كمل شوف منو يخابرلك عافتني وراحت واني اركض وراها
عمي اني ابو الكمل وابو الوسخ وكلشي بس خابريلي فدوه علول بداعت ياسر
كالت ميخالف بس اريد اتجيبلي بركر واريد بيتزا واريد موطة واريد
خليت ايدي على حلكها شنو جني مال مصباح طلعلج ويحقق كل طلباتج ولج فضيني ههههههه
كالت يلااا اتصل بس اتجيبلي الي طلبتة دكيت الرقم وانطيت التليفون العلا .
