يـل شـايــل تـرافـــــــة دوّخِـــت نـــاس
بطــولك والـحٍـسن وشفـاف جكليـــــت
حـلــم جـنـت انه اشوفـك واكـعـد ويـاك
ولـجـل مــواصـــلك يـامـا انـه دعـيـــــت
يـاشـوكَي ولـهـفـتي ورجفـة اعضــــاي
لـو مــــــرّة عـلي بـأحـلامـي مـريـــــت
ويـاحـيـرة صـفـنـتي الـداخـت عليـــــك
الـك يـامـا حـجي بـالصفنة ضـمـيــــــت
احـبــك والله احبــك مو حـجي لـســـان
انه بكَلبي عشكَـ يفضحني لو جيــــــت
اجتي العطلة وبقيت اتواصل وية احمد كل يوم نسهر للصبح سوالف وضحك وحب وغزل عشت ايام ماعايشتها من قبل حسيت نفسي نولدت من جديد شفت صفات بحمودي ابالغ اذا كلت بس موجوده بابطال القصص والافلام جريء حنون قلب ميخاف حب عنيف غيرة بجنون فارس حرص على خوف اشكد ما احجي قليل بس اهم شي ميخاف من شي ولا من احد جان يحجيلي على الفرس مالتة اسمها العنيده كال هاي جانت صعبة جنت اشبها بيج بس هسة لا روضتها
احمد خلي احجيلكم شوي عن نفسي اني شاب من عشيرة معروفة نسكن تكريت اني الوحيد الاهلي بس عندي خوات ٧ اثنين من امي وابوي وخمسة من زوجة ابوي الاولى ابوية اتزوج بعد ما ايس من زوجتة يصير عده ولد مرت ابوي هي الي زوجتة امي الي هي بت عمة وبت عمها كالت اريد يصير عندك ولد يشيل اسمك ويصير سند الخواتة اتزوج ابوي جان تجي اختي صارن ٦ بنات وراها اني اجيت للدنيا وانتو تعرفون شنو يجي ولد بعد ٦ بنات وراها امي جابت اختي الزغيرة ابوية وعمامي جني نازل عليهم من السما الكل اتحبني وتريد رضاي رغم كل هذا احنا ناس عشاير ربوني على المرجلة والاصول العربية اتعلمت اركب الخيل وعمري ٣ سنوات وتعلمت السباحة بالنهر من نروح للمزرعة مالتنا رغم كل هذا جنت مدلل دلال الي اريده يصير اذا مو من ابوي من امي لو من امي الحجية مرت ابوي جنت اصيحلها يمة الحجية عمرها ما حسستني هي مرت ابوي احنا كرابت الريس جان عدنا مكانة خاصة بالدولة كملت صف سادس علمي رحت البغداد اكمل كلية ومناك اتعيين بالحرس الخاص مال صدام مابقيت هواي كلها سنة وصار سقوط بغداد ودخول الامريكان خلال هاي الفترة الي عشتها بغداد اتغيرت حياتي شاب وعايش وحدي بغداد واصدقاء يعني عيشة حرية علاقاتي هواي من وعيت على الدنيا ابوي يكلي بت عمك حامد الك واني ماجنت رايدها اريد اعيش حياتي حر من ورده الورد اتنقل كل يوم اماطل وياهم واجل موضوع الزواج اشوف بت عمي بنية فقيرة ماكملت صف ثالث وبطلوها لان ماعدنا بنية تدرس وشفت هي اشكد متعلقة بية بس اني ابد اشوفها مثل اختي الزغيرة لان بعمرها وربت وياها جنت اسمعها اني ماريد اتزوج وحتى لو اتزوج اني اختار شريكة حياتي وهذا الشي مايصرف الاهلي بعد ما سقطت الدولة اول شي انحل الحرس الخاص وصرنا مطلوبين للامريكان رجعت التكريت بس مو رجعت حسيت روحي بسجن ابوي خاف علية سفرني اعيش بالاردن وهناك اشتغلت بالتجارة لان الي عنده فلوس اهناك يكدر يعيش ويسوي مشاريع بقيت بالاردن خمس سنوات وراها رجعت التكريت بس الاوضاع اهناك جانت صعبة اعتقالات على تمرد واهلي يخافون علية بس رادو مني استقر واتزوج حتى لا ضل اروح منا ومنا واني اكللهم لو اموت ماتزوج لان اعرف اذا وافقت لازم اتزوج بت عمي هي الله شاهد مابيها اي قصور حلوه وام بيت ومطيعة يعني الي ياخذها يرتاح بس الكلب مايهواها من الضوجة والحبسة جنت اخلص وكتي كلة على النت لو اسافر اشوف شغلي بالاردن وارجع لان اختي وزوجها وابنهم سافرو اهناك ولزمتهم الشغل بيوم رجعت من السفر دخلت للجات وهم كلهم يعرفوني شفت بنية داخلة باسم دلوعة ماجانت موجوده واني اعرف كل الولد الي بالجات ميخلون وحدة بحالها لازم يسوون علاقة وياها واكثر البنات يتقبلن هذا الشي انوب شفتها مسويها ادمن وهي جديدة كلت هاي اكيد مصادقة صاحب الجات بعدين عرفت على اساس هي صاحبة حسام وهذا حسام مامخلي وحدة ما مقشمرها شفت اسلوبها حلو وكلامها ثكيل استغربت حتى مواضيع الي تفتحها للمناقشة جانت مهمة صارت مشاكل بسببها بين الشباب وكل واحد يكول هي حبيبتي واني وياها عدنا علاقة كلت خلي اكشفها للكل ليش مخدوعين بيها واحنا الاصدقاء نتفرق من وراها بيوم دخلت باليوزر مالتها لان اني مدير الجات اول ما دخلت طبلي خاص ماجد كال هلا ومية هلا بدلوعة جاوبت على اساس اني هي كتلة هلا بمجودي جان يكول يابوية اخيرا حن كلبج علية وكلتيلي مجودي هسة عرفتي اشكد معجب بيج اني كتلة اني ماحب اسوي علاقة هيج كلتها على الله جان يكول موتيني شنو انتي اشايفة روحج عرفت الكلام الي كالو عنها كله كذب وراها نفس الشي وية حسام بيوم دخلت باسم بنية واتعرفت عليها صارت صديقتي شفتها اشكد نقية وماعدها سوالف موحلوه وهي بس تريد تقضي وقت لان عدها شي بحياتها مدمرها حاولت اعرف شنو ماحجت جانت كلش حريصة وكتومة باي شي يخصها دخلت عليها بحيلة كتلها يكولون عليج ولد وصارت مشاكل اريد اتاكد منج بسرعة انطتني ايميلها كالت انتضرك حتى نحجي ضفتها شفت مخلية صورة شخصية ماصدكت هاي صورتها عبالي صورة ممثلة اجنبية دزتلي بصمة وياويل كلبي من سمعت صوتها اتكول سهم وصاب كلبي صارت صديقة الي كلت ميخالف صديقة او اخت المهم مافاركها طلبت منها اتعوف الجات صدك سمعت كلامي وعافت الجات بس خفت لتروح الغير جات خفت عليها طلبت من بنية سعودية موجوده ويانة اتدليها على منتدى ثقافي احسن من الدردشة وفعلا عافت الجات وراحت للمنتدى الي اني اصلا جنت موجود بي شفتها تكتب خواطر جانت كلها حزن والم وفراق كل كلمة حزن تكتبها احس روحي تحترك لان ماكدر اخفف عنها المها حاولت اتواصل وياها وصحيح كدرت وصرت اقرب انسان الها وجنت كل ما تحتاج شخص يسمعها اكون اني متواجد يوم على يوم اتحول الاعجاب الى حب والحب الى عشق وهيام بس شلون ياربي اعترف بحبي هي مو ساذجة وتقتنع اكو حب عن طريق النت وبالاخص اني ماشايفها بعد علاقة وياها اكثر من سنتين اعترفتلي هي منو وبنت منو الي صدمني شلون راح اتحبني هواي فوارق بيني وبينها اول شي المذهب وبعدين ابوها اكثر واحد جان حاقد على النضام السابق وهواي امور تخليها حلم بعيد بالنسبة الي صعب يتحقق واخ من الم كلبي من جانت تحجيلي على خطيبها وعلى حبها صرت اغار منه وهو ميت وتمنيت اتحبني لو ربع من حبها الياسر ضليت افكر شلون اتقرب منها الحد ما قنعتها ترجع للدراسة واخذت منها وعد بحجة اتحقق حلم ياسر وتصير مهندسة وفعلا دخلت كلية وعرفت كليتها كلت الابوي اريد اكمل دراسة كال اي بويه اريدك اتصير اعلى المراتب بس كتلة اروح البغداد ماقبل وعارض وكال وضع بغداد مو زين اشكد ما ردت احاول هو قافل على الموضوع اخر شي شرط علية اتزوج بت عمي واني اتخبلت شلون اتزوج ودنوش شلون وحبي الها واني سويت المستحيل علمودها بعد محاولات مني قبلت بس اخطبها بدون عقد ولا زواج لبستها حلقة وعفتها واني رحت البغداد كملت تسجيل بنفس كلية دنوش ونفس قسمها وسحبت نفسي منها يعني كلت خلي حمودي يختفي ويبقى احمد موجود اول يوم دخلت للكلية وشفتها وشفت ضحكتها واني النار شبت بكلبي ياناس اغار عليها ودنوش هي مالتي اني ماريد احد يسمع صوتها لو يشوف طولها اريده بس الي هاي روحي وامنيتي بالحياة ونوب شفتها لابسة قصير ياربي صبر كلبي اريد اخذها واضمها عن عيون البشر كلها حجيت وياها كتلها صوتج من تضحكين وانتي مالتي لان من اعصابي الي ماسيطرت عليها هيج حجيت وهي شلون عنودية وانوب من اشوفها كاعدة وية الكروب مالتها وياهم ولد احترك حرك شفتها عنودية وتسوي عكس الي اكللها علية رحت اشتريت فستان وخليتة بسيارتي كلت ما اسمحلها تلبس قصير وفعلا عرفت راح تعاند وتلبس قصير وسحبتها من ايدها وجبرتها تلبس الفستان الي جبتة وشمرت ملابسها بالحاوية واخيرا اعترفت الها بحبي وبعدها اعترفت الها اني نفسي حمودي الي تعرفني وصدك اول ما احتاجت شخص التجات الي من اتخربطت بيبيتها خابرتني واحتاجت صدري يخفف عنها خوفها على بيبيتها بس بقت شلون اكللها على خطوبتي من بت عمي اخاف اعترف الها واخسرها وهي هواي تسال وتكول خطية وشلون وهي متدري اني خطبتها شلون لو درت مادري صارت عطلة نهاية السنة واني زادت علاقتي بدنوش وارتبطنا بقوه
دنوش بيوم خابرت حمودي جنت كولش مشتاقة اشوفة لان صار اكثر من شهر ماشايفتة كتلة شوكت تخلص العطلة متت اريد اشوفك كال وليش تخلص العطلة باجر اشوفج كتلة تدري ضروفي ماكدر اطلع وياك كال لا باجر تعرفين شلون اشوفج ثاني يوم جنت كاعدة احجي وية مريم لان ابد متفاركنة رغم سفرهم وحتى سفر اهل ياسر بس بقيت متواصلة وياها وبشرتني كالت راح اتصيرين خالة فرحتلها هواي لان تستاهل ربي يسعدها جان تجيني الخدامة كالت عمة اكو ناس جايين عليج كتلها منو كالت واحد يكول زميلج وجاي يطمن على بيبيتج الحجية واني بقيت متصنمة بمكاني يعني معقولة حمودي يسويها ويجي كتلها وين ماما كالت يم زميلج وهي كالت روحي صيحي دنوش غيرت ملابسي وعدلت نفسي ونزلت اركض واشوف ماما كاعدة وية حمودي وضحك وانسجام عبالك تعرفة من سنين سلمت على حمودي واني كلبي راح يوكف ماما كالت خطية احمد كال يريد يطمن على بيبيتج فوك وكفتة ويانا جاي يسال عنها كتلها اي ماما ماعرف شلون اشكره كالت راح كللها البيبي حتى يدخل يشوفها هي ماما طلعت واني كتلة سويتها صدوك كال لعد حبيبتي مشتاقتلي واني ما اجي اشوفها جان يتقرب مني واخذ بوسة خطف مني كال هاي تصبيرة لان بعد ماتحمل
