فزينة على صوت صاح دنوش 😲
حمودي من الارتباك وصعوبة الموقف مادري شسوي
ام دنوش لج دنوش شنو هذا الموقف السخيف وانت احمد الي اكول عليك انسان محترم وتصونها وتحافظ عليها هيج تسوي باعراض الناس
حمودي هاي مو اعراض ناس دنوش هي عرضي اني
ام دنوش حرامات طلعت مو كد الامانة شكد كتلك احمد دنوش امانة يمك وجنت اتوقع اتصون الامانة بس كل يوم تثبتلي انت مو كدها
حمودي بست ايدها وراسها كتلها وداعتج وداعت دنوش عمري ما خنت الامانة ورغم الي صار بقيت اراقب امانتي واحافظ عليها صحيح غلطت بتصرفي هذا بس مو بيدي لو تحسين بلوعة كلبي واحتياجي الدنوش جان عذرتيني من اشوف نفسي خسرت كلشي علمودها واهم شي خسرتها تعذريني اني اعتذر منج
دنوش بقيت بحالة صدمة وخجل من ماما واحتقار النفسي شلون بلمسة من ايده هيج ضعفت ليش هلكد اني ضعيفة بحبة لازم اردها اله كتلها ماما اسفة بقيت ابجي حظنتها ماماتي والله بدون وعي مني
ام دنوش روحي طبي للبيت
دنوش ميخالف ماما بس عندي كلمة وية احمد لازم اكولها ويكون عنده علم وانتي ماما اريد تحترمين قراري اني وافقت على خطوبتي من عماد
حمودي مو هو بكيفج توافين على عماد ولج هذا انسان وصولي يستغل ضعفج وحاجتج الياسر نسيتي شلون استغلج شنو انتي عقل ماعندج واذا متفكرين صح وتتخذين قرار خطأ اني اوكف بوجهج
ام دنوش ماريد تتسرعين وتتخذين قرار مصيري بحاله عصبية
دنوش ماما اني فكرت زين عماد اعرفة واهله اعرفهم واعرف حبهم الي وقبولهم بية احسن من ما اتمسك بناس ميريدوني وناس تكذب علية وكلشي ماعرف عنهم هذا اخر قرار
حمودي واني الدنيا كلها طافرة من عيني وغضب الكون كله بية يمكن اذا اصيح اهد جبال 😠😠😠 شوفي دانية حجاية وحده متصير غيرها زواج من عماد ماكو
دنوش وانت مالك كلمة عليه وهذا الخميس خطوبتي معزوم لتنسة
حمودي ماشي شوفي هذا الخميس بدل ما تفرحين بخطوبتج من واحد اخليج تدفنين اثنين سوه الا اكتلة واكتل نفسي وثنينا بين ايديج
ام دنوش خلصتو الفلم الهندي مالتكم لو بعد
دنوش لاكلام
حمودي خالة انتي قابله بهيج وضع قابلة تحطم حياتها وية شخص ميستاهلها كل هذا علمود شنو تنتقم مني هسة اني انسان حقير هي ليش اتدمر نفسها
ام دنوش احمد روح هسة والله كريم
حمودي خالة مو اني
ام دنوش غمزتله بعيونها كلتلة روح واحترم قرار دنوش هي مو زغيره وتعرف تتخذ قرار وغمزت من جديد
حمودي رغم ماعرف شنو الموضوع بس جان واثق من ام دنوش ماراح اتضحي بنتها وتعرف بي اشكد يحبها كال ربي يسعدها واتمنه متندم بيوم
دنوش شكرا ويسعدك وية بت عمك
حمودي شكرا 😠 تسمحولي اروح
ام دنوش الله وياك
دنوش اخذ راحتك من راح حمودي واني روحي راحت وياه حسيت فقدتة للابد يعني شلون بعد ماشوف حمودي ماشوف عيونة ماحس بحنانة
ام دنوش دنووووش مو احجي وياج
دنوش ها ماما اسفة مانتبهت
ام دنوش تعالي نكعد اريد احجي وياج
دنوش بقيت خجلانة من الموقف الي شافتني بي ماما كعدت وياها
ام دنوش ماما متشوفين نفسج اتسرعتي بقرارج ليش بساعة غضب تتخذين قرار تندمين عليه طول عمرج
دنوش ماما اني واحمد وصلنا الطريق مسدود اول شي من خدعني وثاني شي بسبب اهلة اتبرو منه لان ميريدوني وثالث شي اعرف بابا مستحيل يوافق عليه وبالاخص هسة وضعة المادي ما مستقر
ام دنوش يعني راح تتخلين عن حبج متحاربين علموده شفتي شسويتي وشلون حاربتي علمود ياسر
دنوش ماما تعبت بس اني لازم احارب علمود حبي ليش الحياة سهلة للكل واني لازم ادخل بحروب علمود حبي
ام دنوش ماما تدرين اني ما اتدخل بحياتج واحترم قراراتج بس مو ترجعين تندمين وتكولين ليش ما حذرتوني ومنعتوني
دنوش لا ماندم وجودي وية عائله ياسر وية ياسر ودنوش هي السعاده بالنسبه الي
ماشي ماما براحتج راح انطي خبر الابوج بموافقتج على عماد
دنوش اريد الخطوبة تصير هذا الخميس
ام دنوش على راحتج خلي ندخل واشوف بيبيتج اخاف تحتاج شي
دنوش دخلت الغرفتي واني اتلمس شفايفي واتذكر بوسة حمودي واتذكر لهفته وبعدين اتذكرت اني اتخذت قرار وحمودي لازم امحي من حياتي بس شلون امحي من حياتي وكلشي يذكرني بي شلون اشيله من كلبي وخيالي واني كل نبض بية يصيح باسمة فتحت تليفوني وبقيت اكلب بالصور وكل صورة اعرف باي يوم صورناها وشنو جان يكلي واشوف ضحكتة وشوف نضرت عيونة اذا جان سيف موجود شلون ينضر بغضب وهاي الصورة شلون جان لازم ايدي من وره ظهره حتى محد يشوفنا ايد بايد اوف ياربي شنسة
ام دنوش الووو ها خالة احمد شلونك
حمودي الحمد لله يعني شلوني راح اموت ومحد حاس بية
ام دنوش اتحمل صحيح هي قررت على عماد بس ادري راح تتراجع عن قرارها ومتكمل
حمودي مو بكيفها ماخليها تحطم روحها
ام دنوش تريد نصيحتي ومتندم
حمودي ياريت شلون
ام دنوش سوي روحك محترم قرارها وعادي بارك الها
حمودي صدوك تحجين ماكدر
ام دنوش اسمع كلامي ومتندم
حمودي الله يساعد كلبي واكدر اتحمل هيج اسوي كدامها
ام دنوش احمد لتزعل مني اذا بالنسبة الي اني ام اشوف عماد احسن شخص مناسب البنتي بس اعرف هي اتحبك وسعادتها وياك مو وية غيرك واعرف بيك اشكد انت اتحبها فخليك وراية والك الصافي
حمودي الله كريم مادري شلون اشكرج على وكفتج وياية
ام دنوش لان انت خوش انسان واهم شي اتحب دنوش وراح تحافظ عليها اني اساعدك واوكف وياك ونهينا الاتصال
حمودي خلصت اتصال من ام دنوش اجاني اتصال من ابن عمي حميد اسمه بكر
حمودي هلو بكر شلونك
بكر الحمد لله زين انت شخبارك
حمودي برحمة الله بشرني اهلي شلونهم امي وابوية والكل
بكر والله مادري شكلك بس امك كلش تعبانة والطبيب حولها على بغداد علمود تحاليل وعلاج واحنا هسة ابغداد اني وياها واختك ايمان
حمودي وين انتو جايكم هسة
بكر حمودي مو تدري ابوك محذرني منشوفك ولا نكجي وياك بس انقهرت على عمتي واني ادري دواها يمك
حمودي بكر رحمة الرب العالمين كلي انت وين ولحد يكله الابوية زين انطيني العنوان رحت بسرعة على العنوان وشفت امي اوف ياريحة الجنة اشكد جنت محتاج حظنها بوست ايديها وراسها يمة مشتاقلج
ام احمد ليش يمة هيج مافكرت بامك ليش عفتني والنار تسعر بكلبي ماكلت هاي امي الي ربت وتعبت وكبرت وسهرت الليل كلة ليش يمة هيج اتبيعني علمود وحده توك عرفتها
حمودي يمة فدوه اروحلج اني ماعفتج علمود وحده ابوي هو الي طردني يمة ليش تجبروني اتزوج وحده حاسبها مثل اختي
ام حمودي يمة اشبيها بنية عمك ماناقصها شي ليش هيج يمة راح اموت من وراك
حمودي عوفينا من الحجي هسة شكالج الدكتور وشبيج انتي وانتي ايمان الغالية شلونج جهالج شلونهم ورجلج اريد اعرف كل اخباركم خلي نروح للشقة وهناك كلشي اتسولفولي
بكر لا منروح وياك هو عمي ميقبل نشوفك مو نروح وياك للشقة
حمودي والله على كص كالركبة ماترحون المكان الا يمي اريد اشبع من امي واني ابوس بايدها
ام احمد بكر اريد اشبع من وليدي ومنكول شي للحجي نكول سكنا بفندق هو شدراه بينا اذا ماحجينا
بكر بكيفج عمة اهم شي راحتج وعمي ميصير عنده علم
حمودي اخذتهم للشقة الحمد لله تركت الشقة الجديده ورجعت النفس الشقة مالتي من تعدلت اموري ومشة الشغل مالتي بقينا سهرانين اني وامي وسولفنا على كلشي من يوم عفتهم وحجيتلها على دنوش هواي اكللها يمة هاي لوعة كلبي يمة اموت بدونها
ام احمد يمة ماتاخذني اشوف الي خذت عقل ابني
حمودي يمة اخاف عليج كلمن يشوفها يحبها
ام احمد ميخالف يبعد امك
حمودي باجر نستلم النتائج واخذج تشوفيها اخذت امي للكلية شفت دنوش واني روحي ردت الي سلمت عليها بس سلام بارد ومسوي روحي ما مهتم كتلها دنوش اكو ناس تريد تشوفج
دنوش منو ذول الناس
حمودي الحجية كاعده بالسيارة وبكيفج اذا متكدرين مو مشكلة
دنوش لا عادي خلي نروح نشوفها
حمودي مشيت وية دنوش واني اكول ياربي صبرني حتى اكدر اتجاهلها وصلنا للحجية راحت سلمت عليها وكله اتكللها ماما وامي احس بيها فرحانة بشوفتها
ام احمد حقك يمة من تاخذ عقلك وروحك اني من يمي حبيتها
دنوش بستها الام احمد وكتلها ماما اني هم حبيتج اشكد طيبة انتي
ام احمد يمة دنش ماعرف شسمج ديري بالج على وليدي بس هلواحد عاف اهلة وديرتة علمودج
دنوش خالة ربي يخلي الج وتزوجي بت عمة وتفرحين باحفاذج
ام دنوش يمة هو لو يريد بت عمة جان هسة جهالة بطوله بس الكلب وميريد والكلب رادج بعد بيتي
دنوش بس هو خاطب صار سنين ميفيد الحجي بعد
ام احمد يمة هو انجبر على الخطبة ومن يوم خطبها لا شافها ولا تكلم وياها يكول هي مثل اختي
دنوش ماما امي اروح اتاخرت على البيت مع السلامة
ام احمد الله وياج يابعد امج ويريح كلبج
حمودي كل هذا الكلام واني ساكت مادخلت باي كلمة وياهم
دنوش اتقربت يم احمد كتلة احمد لتنسة معزوم الخميس على خطوبتي اني ودكتور عماد
حمودي والنار تغلي بصدرة لا ما انسة مبروك عفت دنوش واخذت امي للشقة ومن وصلت ماخليت شي ماكسرتة شنو الي كبالي لو اكسر الدنيا كلها كلبي مايرتاح شلون تحجيها بهدوء ماصدك تسويها دنوش كوه هدئوني امي واختي وبكر بس يردون يلزموني ماحس الا ايدي تجري دم اخذني بكر للمستشفى طلع كسر بايدي غير الجروح كل هذا الوجع ميجي ذرة بوجع كلبي خابرت على ام دنوش كتلها شلون راح تروح مني
ام دنوش لتخاف بنتي وعرفها اطمن
حمودي شلون اتطمن وهي باجر خطوبتها
ام دنوش بس انت سوي نفسك مامهتم
حمودي الله كريم هي شلونها
ام دنوش شلونها بركان وثاير حابسة روحها بغرفتها وحتى متحجي ويانة ولا اكل ولا شرب
دنوش بقيت حابسة نفسي بغرفتي ماحجي وية احد
ام دنوش خلي نروح نجهز فستان الخطوبة بعد وقت ماكو
دنوش ماريد فستان كلشي ماسوي البس كفن انشاء الله
ام دنوش هاي شبيج ماما اكو بنية متفرح بيوم خطوبتها لازم انتي اسعد وحده هسة
دنوش ومنو يكول اني مو اسعد وحده هسة
ام دنوش دوم يارب تكونين اسعد وحده
دنوش بيني وبين نفسي لوتدرين اني اتعس وحده بالدنيا يعني صدوك حمودي بعد ميريدني معقولة راح يسمح العماد يلزم ايدي ويلبسني حلقة راح انجن كلشي بية يريده والدليل شلون ذبت من باسني
اليوم الخميس ساعة ١١ الصبح اجتي ماما كالت حجزت بمركز تجميل وهسة موعد الحجز كومي يا ماما جهزي نفسج
كتلها ماروح الى اي مكان كلشي ماسوي اني اسوي شي بسيط والدموع عشرة عشرة حسيت ارتكبت اكبر خطا بحياتي اني هيج نهيت حياتي وراح اضلم عماد وياية
ام دنوش اوف شلون بية واني اشوف بنتي تتعذب وننا حمودي كل شوية يخابرني ومنتهي راح ينجن ماعرف شلون اصبره وشلون اواسي اخذت دنوش بالغصب المركز التجميل وهي ابد ماسكتت دعيت ربي يريح كلبها
