حمودي بعصبية انني شلون اتكصين شعرج منو سمحلج هيج تسوين
دنوش حمودي هاي اشبيك انت صدكت كاصة شعري شنو متشوف اني شمسوية
حمودي بارتباك ها مو الكامره واكفة يمي الشبكة ضعيفة شنو شمسوية كولي لتعصبيني
دنوش هسة ادك عليك من جديد وشوف
حمودي لا لتدكين ولد جايين علية
دنوش زين لعد راح ادزلك صورة وشوفني شمسوية
حمودي ماشي حبيبتي باي كل ما تتصل دنوش لازم احد يكون يمي لو امي لو امي الحجية لو بكر حتى ينبهوني إذا اكو شي
بس هاي المره امي فتحتلي كامرة وراحت لان مخلية الاكل على النار
حرجتني دنوش من كالت شفتني شمسوية وآني كلشي ماشوف كرهت روحي وكرهت الدنيا كتلها الكامره واكفة
آخر شي دزتلي صورتها مسوية ضفاير ومخلية شريط احمر وصفتها امي الي
متت قهر جنت اتمنة اشوفها مسوية كصايب وهسة من ما اشوفها سوتهن
دخلت بحالة كآبة اعتزلت كلشي وحتى دنوش حاولت ابتعد عنها
لازم اخليها تكوم تكرهني لان مامعقولة تربط حياتها بشخص معاق ميشوف
حتى لو قبلت بية اهلها والناس كلها ترفض هذا الارتباط احسن شي اسوي ابتعد عنها ولو ادري هذا الشي راح يدمرني لان خسرت كلشي بحياتي
دنوش الحمد لله هسة حمودي صار زين ورب العالمين استجاب دعائي لازم اني انفذ الوعد مالتي لازم اعوفة لان احبة
اخاف عليه مني من النحس مالتي الي مرافقني ماريد يتآذه بسبب قربه مني
لازم ابدي ابتعد عنة ولو اعرف بي ماراح يعوفني بسهوله بس شسوي لازم شوية شوية اخلي يكرهني ويتقبل بعدي عنه
قررت ابدي خطتي وياه بالابتعاد خابرت على حمودي بس هاي المره مو كام اتصال عادي الووو هلو حمودي
حمودي هلو دنوش اهنا اني كلت لازم اعوفها لان بعد مافيدها
دنوش حمودي راح يبدي الدوام شوكت ترجع البغداد
حمودي ماعتقد ارجع البغداد واحتمال ماداوم هاي السنة
دنوش بحركة كلب زين ممكن اعرف ليش متداوم
حمودي هو اني شحصلت من بغداد غير شلاع الكلب وبس الله ستر جان متت وخسرت اهلي
دنوش أي صحيح انت كلشي خسرت من اجيت اهنا
حمودي شسوي الله يعوض الايام الي راحت
دنوش زين يعني متكمل كليه بقت بس هاي السنة حرامات تعب 3 اسنين يرحون بلاش
حمودي فدوه هاي 3 سنين حالها حال السنين الي راحو من عمري
دنوش الله يعوضك عنهن كل خير يلا اروح اني هسة
