رماد الشوق

حيره

سديت التليفون بدون ما حتى اسمع رد

بقيت صافنة بضحكتة وفجأة اجت ابالي مريم وتذكرت حجيها

مريم عدها اخوات اثنين وحده الجبيره والثاني اصغر من مريم بهواي

وعدها اخ متزوج اسمة مهدي والثاني اكبر من مريم اسمة منتظر

بس هذا هاجر للسويد بقيت صافنة وافكر يعني معقوله هذا مهدي

لا مستحيل يعني متزوج بعدين اكول لا لا اخاف هذا منتظر ورجع من السفر

تعبتني الافكار بين مهدي ومنتظر وراها كلت ليش ادوخ نفسي باجر اخابرها واسألها

بس بقيت افكر اذا هذا منتظر وهيج اتصرف وياية خلي استعمل انوثتي وياه

واخلي يتعلق بية وراها اعوفة وبهيج شي انتقمت الكرامتي وخلص

كان هذا قراري لان مو دنوش الي يجي واحد ويتجاهلها وبالاخص من واحد مستفز مغرور

اتصلت ثاني يوم اول ما دك التليفون جاوب

الووووو بدالة اتفضلو المن طالبين

بهاي اللحظة اني الي صدوك ضحكت من كل كلبي ههههههههه ههههههههههه اخ بطني وهو ساكت بس حسيت خانك ضحكتة وكال

اذا كملتو ضحك البدالة تريد اتحولكم المن طالبين

جاوبت كتلة طالبة مدير البدالة

كال شتردين منه

كتله حتى اشكره على هيج موظفين يرسمون الفرحة بكلوب المتصلين

كال الله عليج يعني رسمت الفرحة بكلبج

كتله صدوك ضحكتني وهنا بديت انفذ الخطة كتلة انت مثل مريومة هم

ضحكتني كتلة انت منو مهدي لو منتظر

كال انتي شتكولين

كتله مادري بس من كلام مريم انت منتظر لان مهدي متزوج وشوي عصبي

بس كلبة طيب خفت ليطلع مهدي

وتنكتل مريومة واشوفها مزوركة

خخخخخخخ بس انت منتظر لان مريم اتكول عليك ابو بنات ونسونجي
وتضحك وتشاقة

كال اي منتظر بس والله فقير ومو ابو بنات اصلا اني اذا شفت البنية استحي واختل بظهر ماما واصير احمر وكلبي يرجف

وضحكنا اثنينا على سوالفة وكتله يمة يمة من الخجول بعد البس بوشي حتى ليبين عليك الخجل

ضحك وكال خوش فكره كتلة منتظر بدون زحمة اريد مريم

كال والله شوفي انتي شمسويتلها وزعلانة عليج وابد متقبل تحجي وياج

كتلة والله مامسويتلها شي اصلا من سافرت ودعتها وباتت يمي بيومها وهسة من رجعت اول ماوصلت خابرتها عفية ما كالت اشبيها وليش زعلانة

كال لا ماكالت واني اكللها خطية هاي صديقتج هاي حبيبتج وهي اتكول ابد

كتلة والله ما مزعلتها ولا مسوية شي واني بقت دموعي تنزل واكلة منتظر عفية خلي تحجي وياية

يكول هاي يمي وابد قافله عليج متقبل تحجي وياج

كتله عفية كللها دنوش اتحبج وهي تدري ماعندي صديقة غيرها وسلملي عليها

كال رديلي رقمكم حتى من اقنعها اني اخابر واخليها تحجي وياج وماريد دموعج تنزل بداعت مريم عليج

كتلة ماشي رديتله الرقم وكتلة سلملي عليها وسديت التليفون

ياسر دك التليفون واني جنت متاكد دنوش هي الي اتخابر جاوبتها بدالة اتفضلو وجان تضحك حسيت من ضحكتها اشكد براءه وشكد طيبة وعلى ضحكتها ضحكت بس جنت خانك ضحكتي ردت استفزها
جان تسألني انت منو مهدي لو منتظر خفت لا تعرف اني لا مهدي ولا منتظر

لان صدوك البنية دخلت بنص كلبي

ودخلت عقلي وقفلت كل الابواب عليها كتلها انتي شتكولين

كالت انت منتظر لان مهدي متزوج وعصبي

وكالت على منتظر هو يتشاقة ونسونجي اني كلتلها والله فقير وبقينا نضحك

بس الساعات الحلوه متدوم من طلبت مني اصيحلها مريم كلت شلون اخاف اكللها بيت مريم شالو واني ياسر

ونعجبت بيها ومتصدك كلت خلي اكمل تمثيل عليها كلتلها شوفي انتي شنو

سويتي المريم وزعلتيها منج بس بهاي الحظة عبالك سجين ودخل بكلبي من حسيت دموعها نزلت

اه اه دنوش كون اني يمج واخليج بحضني وامسح كل دمعه من عينج

كتلها انطيني رقمج خفت لتروح مني وبعد ماحصلها غير اموت

كتلها حتى اني اقنعها واني اتصل بيج وتصالحج راحت واحس روحي راحت وياها كمت بكل ثانية وساعة افكر بضحكتها واضحك

ساعة افكر بدموعها واحرك بكلبي لان اني سبب دمعتها من انطتني الرقم كلت خلص اني اخابرها واكللها اني ياسر واحجيلها الحقيقة