مساء الورد حبيباتي الغاليات
اليوم ما راح انزللكم بارت
راح انزل رسالة موجهة من دنوش لجميع القارئات العزيزات نبدا 💖💖
من أقوال نزار قباني عن الحب
لماذا في مدينتنا نعيش الحب تهريباً وتزويراً؟ ونسرق من شقوق الباب ونستعطي الرسائل والمشاويرا؟ لماذا في مدينتنا يصيدون العواطف والعصافيرا؟ لماذا نحن قصديراً؟ وما يبقى من الإنسان حين يصير قصديراً؟ لماذا نحن مزدوجون إحساساً وتفكيراً؟ لماذا نحن أرضيون تحتيون نخشى الشمس والنورها.. لماذا؟
هكذا ابدأ رسالتي اليكم صديقاتي العزيزات صحيح اني عشت طفولتي ومراهقتي ببلد منفتح وكل شي بي مباح الاخلاق لا وجود لها الفتيات كل شي لهن متاح القانون يقف الى جانبك حتى اذا لم تعجبك اسرتك تستطيع تغييرها بسهولة
فلم تبقى للقيم اي وجود لكن بطبيعتنا احنا العراقيين نختلف حرص ابائنا وامهاتنا يحيط بينا من كل الاتجاهات
تربينا كاننا نعيش في العراق احترام الاب والام واجب سلطة الاخ موجوده لهذا السبب بديت رسالتي بكلمات نزار قباني ليش الحب حرام في بلدي
ليش الي اتحب انسان حست وياه بمشاعر جميلة بريئه تعتبر انسانة مجرمة او منحطة الحب موجود على مر العصور والازمان وهو بنفس الوقت مرفوض بكل العصور والازمان
اني من حبيت ياسر شفت الرفض من قبل امي وحاربت هذا الحب بكل وسيله صحيح اني مافكرت بعقلي والشيطان اتغلب علية من حاولت الانتحار بس ارجع واكول هم الي دفعوني لهذا التصرف
اني ماسويت شي عيب او حرام من حبيت بس يبقة الحب محارب ومضطهد
اما لمن حبيت بالمره الثانية واجهت نفس المشكلة بس هاي المره اتحارب الحب بابشع الوسائل من قبل اهل الولد هل الحب اجرام على العموم ماريد ادوخكم بكلامي
اني اول ما اتعرفت على الكاتبة الاسدية ميحتاج احجي عن اخلاقها يمكن الكل شافت اخلاقها من خلال ردودها على قارئاتها والاسلوب الجميل بالكلام
يعني حقيقي اشكد تابعت كاتبات ماشفت وحده مثلها تتواصل وية القراء وترد عليهم مباشر
احب اشكرها من كل كلبي على طرحها للقصة بهذا الاسلوب الراقي مرات جنت اتمنة ردود افعالي او اسلوبي بالحوار الي بالقصة هو نفس ردودي وحواري بالواقع
يعني حبيت شخصيتي من خلال كتابتها كل الحب والتحية للكاتبة الغالية على كلبي
اما بالنسبة للقارئات الغاليات ماعرف شلون اشكركم على تعليقاتكم الجميلة والنصائح الي اتقدموها حقيقي استفاد من كل كلمة تتركوها الي اهنا واشكركم جزيل الشكر على كل من اترحم الى روح الشهيد الشاب ياسر لان هو يستحق احد يترحم علية مات مضلوم ونحرم من شبابة والكاتبة ماقصرت من نقلتلكم مشهد استشهاده وحبيت اشكركم على دعاءكم الي اني واحمد حبيت تفاعلكم وية قصة حبنا واشكر كل من دعالي بالصبر وراحة البال ربي يوفقكم يريح بالكم ويسعدكم وحبيت اذكركم
لتحكمون على الاشخاص بدون معرفة الاسباب اشكد جانت علاقتي متفككة اني وامي بس عرفت شنو اسبابها مهما يكون الام متكره ابنائها اسفة لان طولت عليكم بس من كل كلبي اشكركم ربي يحفظكم اختكم دنوش 💖💖
حبيباتي هي هاي رسالة دنوش الكم ربي يسعدها ويخليلها حمودي ويريح بالهم ويرزقهم بفارس الزغير ويحقق احلامكم كلكم تحياتي اختكم الاسدية
حبيت افتن الكم شوية عن حمودي دائما منتفق اني وياه لمن اتكلم بالنيابة عنه بالقصة يكول لاغية شخصيتي انتي ويكول احب دنوش اكثر من القصة واني اكله ربي يديم هذا الحب
