الكاتبة الاسدية
البارت الاخير من الجزء الاول
استعجلت الرحيل
ورحلت في غير اوانك
هنا ضحكت هنا بجيت
هنا على صدري بجيت
هنا تصاويرك على حايط البيت
رحلت انت وهي ضلت في مكانك
نزلت من السيارة وركضت للبيت اخذت باج الامتحان اريد اطلع سمعت صوت رمي قريب وراها صار رمي من الحرس مال البيت
واني كلبي وكف مادري ليش اريد اوصل للشارع احس رجلي متساعدني طلعت اجر بروحي جر وياريتني ماطالعة
الحرس مال البيت كلها متجمعة على سيارة ياسر واني رحت اركض
وصلت للسيارة طلعو ياسر منها وهو ينزف دم واني كمت اصرخ واضرب على وجهي منو هيج سوه بيك وليش
ولكم ليش هيج حرام عليكم كعدت بالكاع وخليت ياسر بحظني وهو بس عيونه فاتحهن ويباوع علية
حسيت بي يريد يشبع من شوفتي ويكلي هاي الوداع اني اصرخ وامسح الدم من وجهة واتوسل بي
بس يححي وياية سمعت صوتة بهمس قليل كال احبج وراها اتشاهد حتى ماكمل التشهد وكطع النفس
اااااه ياربي اريد تكطع نفسي وياه بذيج اللحظة
بقيت احظن بي بكل قوتي واني اصرخ ياسر كوم فدوه رحتلك ولك ياسر كوم لتعوفني وحدي
منو الي شلون ترضاها تعوف دنوشتك وحدها احس الناس كلها اتجمعت علينا
وماما طلعت اشوفهم يردون ياخذون ياسر من عندي واني اضمة الصدري اقوى
اكللهم عوفو يمي لحد ياخذه مني امي تريد بس توخرني من ياسر وكل ما يحاولون ياخذو مني اتمسك بي اكثر
واني فاقدة واصيح حرام عليكم هو مالتي لتاخذو مني واني ابوس واتوسل بي
ياسر شوفهم شيريدون يسوون بية بعد عينك ياسر كوم احجي وياهم كللهم عوفوني بحظنها لان ماشبعت منها
ياسر كوم ماباقي بس اسبوعين على زواجنا وين وعدك الي بعدها ماعرفت شنو الي صار
نايمة واسمع صوت ياسر يحجي وياية ويكلي دنوش اكعدي كافي نوم ليش هيج لتخلين بالي يمج كومي حبيبتي
فتحت عيني واني فرحانة لان ياسر فززني من كابوس مرعب
درت عيني بالمكان اني وين ماكو احد يمي حاولت اصيح صوتي بصعوبة يطلع صحت ياسر وينك مو هسة جنت يمي اتكعدني
وهنا استوعبت الموقف واتذكرت ياسر بعد ماكو ماموجود واني بقيت اصرخ يااااااسر ليش عفتني واريد اكوم حتى اروح يمة بس ماكدرت
شفت دخلو علية الممرضات وماما حظنتي وهي تبجي وتكلي ليش ماما هيج تسوين بينا واني اصرخ وكللهم اخذوني الياسر اريد اشوف ياسر
انطوني ابر مهدئة واني اريد بس اكوم شلعت المغذي من ايدي وراها مادريت بنفسي
من جديد كعدت اشوف بابا يمسح على راسي ويقرأ ايات قرأن احس عيوني مغوشة وماشوف بوضوح
