الكاتبة الاسدية
رجعت العراق وآني كلي لهفة وشوق أريد اشوف دنوش صار اشهر ماشايف عيونها
بقيت كم يوم يم هلي وكرابتي فرحو بسلامتي واخذت وعد منهم دنوش اتصير الي لان بعد ماعندي صبر ياناس
حب اكثر من أربع سنين زين اتحمل بعد
رحت البغداد وصلت الكلية بدون ما انطي خبر الدنوش راح اداوم
شفتها كاعده بالنادي اخ الله العيون كلها عليها شلون بية وين اضمها من عيون الناس
مهما يكون اني رجال وماحب احد يتفرج على زوجتي
اتقربت من وراها وجيت همست باذنها هسة من ابوس الركبة احد يمنعني
فزت واسمعها صرخت حمووووودي زين ما حظنتني لان مخبلة وكلشي اتسوي
جاوبتها عمر وعيون وروح ونضر حمودي
دنوش شلونك حبيبي صدكني مامصدكة اشوفك كبالي
حمودي ليش هو اني مصدك ارجع اشوفج من جديد هو شرايد من رب العالمين غير شوفة عيونج
دنوش اروح فدوه لعيونك اويلي عليه ماتحمل فرحة كلبي بشوفتك
حمودي حبيبتي دنوش اسبوع الجاي امتحانات كورس الأول بس تخلص اجي اخطبج بعدماكو أي عذر ولج متت ماتحمل اريدج يومية يمي اصبح وامسي بوجهج ماريد افاركج ولا دقيقة
دنوش بتردد حبيبي هو شباقي على تخرجنا كلها أربع اشهر وتعال اخطب ماكو اي عذر عد بابا
حمودي دنوش كتلج بعطلة نص السنة ماكو نقاش
دنوش هسة انت ليش مستعجل
حمودي دنوش لتكليلي مستعجل هو شبقا بعمري مو كافي حب أربع سنين وهاي الخامسة شننتضر بعد
دنوش مادري شكول
حمودي لتكولين شي وافقي وخلص
دنوش بس
حمودي هم كالت بس شبيج دنوش احس بيج مافرحانة
دنوش حمودي شلون مافرحانة بس انت متفهمني
حمودي شنو افهم دنوش اني احبج واريدج وانتي اتحبيني وتريديني وكافي الي شفنا يومية شغلة طالعتنا ومخربة كلشي ونرجع حبنا يزيد شنو المانع حتى تردين تاجلين
دنوش مادري شكول
حمودي لا كولي أريد اعرف ليش
دنوش حمودي لان احبك ماريد ارتبط بيك
حمودي والله هاي حلوه لان اتحبني متريد ترتبط بية منو يعقلها
دنوش حمودي اني نحس كل شخص احبة يروح مني وشفت بعينك من رحت تصالح اهلك علمود خطوبتنا شصار بيك
وقبلك ياسر وبيبي ماريد اخسرك اموت والله
خلينا بس واحد يحب الثاني
