البارت الاول
الكاتبة الاسدية
بعد مرور ثلاث سنوات
دنوش لازمة ايد بيبي واحاول امشيها بكل سرعة بيبي فدوه امشي سريع راح يوصلولنا
بيبي بسرعة بسرعة وصلولنا ياربي بس انقذنا
عفية بيبي اجوي اتقربو علينا حتى الركض مافاد
بيبي وكعت بالكاع اتقربو علينا رياجيل اربعة يردون يخطفونا
واني بديت اصرخ الشارع فارغ مابي احد اطلب المساعده واصرخ بعالي صوت ساعدونا راح يكتلونا بس لا حياة لمن تنادي
بيبي مرية جبيرة ومريضة متكدر تركض واني احاول اشكد ما اكدر حتى ننهزم منهم
اخر شي طوقونا ولزموني واحد منهم صاحب جسم ضخم شكله قبيح حوط جسمي بايدية واني صراخي احس حتى بلعومي اتشكك من الصياح
فجأة شفت واحد اجاني يركض وهو يصيح عليهم ويكللهم عوفوها اليوم انتقم منكم
اباوع هذا ياسر معقوله ياسر الحمد لله ياسر عفية خلصنا منهم اجاني خلصني من الرجال الضخم
وصاح بية دنوش انهزمي انتي اهم شي انتي تتخلصين منهم ولتخافين على بيبي اني اخليها يمي
اني بقيت اتوسل بي لا ماعوفكم ابقة وياكم وهو يصيح علينا ويدفع بية ويكلي خلصي روحج
رحت اركض بس بقيت اصرخ ياااااسر لتعوفني شوية واحس راشديات على وجهي
واخوية محمد يكلي دنوش اكعدي هذا كابوس اكعدي فزيت اريد احجي صوت ماكو هلكد ما عيطت وبجيت
اتعوذت من الشيطان اخوية حظني وكال لتخافين اني يمج هذا كابوس كومي غسلي وجهج واقري قران حتى ترتاحين
كلت محمد ياسر نقذني بس بقت بيبي وياه خاف بيها شي
محمد لتخافين حبيبتي مو البارحة حجيتي وياها وكلشي ماكو دنوش الله يخليج ماصدكنا تصيرين زينة فدوه العمرج
دنوش لتخاف مابية شي هسة اكوم اقرأ قران واصلي وارتاح
محمد حبيبتي تحتاجين ترحين الدكتورج اخاف ناسية العلاج مالتج
دنوش لا ماحتاج دكتور وعلاجي اخذتة بس اريد اعوفة كافي مليت من عنده ليش متقتنعون اني صرت زينة ومابية شي
محمد دنوش مو بكيفج اتعوفين العلاج شنو نسيتي اصار بيج نسيتي اقرب ناسج عبالة انتي انجنيتي وهسة الحمد لله رجعتي كملتي دراستج وراح اتدخلين كلية وتحققين احلامج
دنوش يا احلام الي احققها والمن احققها محمد فدوه لتذكرني خلي اكوم احسن
محمد على راحتج حبيبتي اي شي تحتاجين اني يمج
دنوش بست محمد من خدة الله ليحرمني منك وكمت واني اتذكر من اجيت للدنمارك شلون جانت حالتي جنت انفعل واصرخ وابجي من اي واحد يحجي وياية
