Y O U N G 🍂
ကားရပ်လိုက်ပြီးသည်နှင့် နောက်ခန်းကို လှည့်ကြည့်မိသည် ပန်းရောင် ဝက်ရုပ်လေးရယ် ပန်းစည်းတစ်စည်းရယ်.....
ပန်းစည်းကို လှမ်းယူလိုက်ကာ ကားပေါ်က ဆင်းလာခဲ့လိုက်သည်။
ရိုးရိုးတန်းတန်း ညစာဖိတ်ထားတာဖြစ်ပေမယ့်လည်း Liam အိမ်ဖြစ်တာက တစ်ကြောင်း Young အိမ်ဖြစ်တာက တစ်ကြောင်းကြောင့် အတတ်နိုင်ဆုံးတော့ ကောင်းကောင်းမွန်မွန်ဝတ်စားလာမိသည်။
Liam နဲ့ Young ရှေ့မှာ သူမ ဘယ်လိုနေရပါ့။
ဘဲလ်တီးမည့် လက်တို့သည် အနည်းငယ် တုံ့ဆိုင်းနေသည်။ နောက်ဆုံး စိတ်ကို တင်းကာ လူခေါ်ဘဲလ်ကို နှိပ်လိုက်တော့သည်။
Tiffany က မီးဖိုထဲမှာ အစားအစာတွေပြင်ဆင်ချက်ပြုတ်နေသလို Ella ကလည်း Tiffany ကို ကူနေသဖြင့် ဧည့်ခန်းထဲမှာ သူတစ်ယောက်တည်း။
သူ့ရှေ့မှာ အဲ့ နှစ်ယောက် ဘယ်လို နေကြမှာပါလိမ့်။
နာရီကိုကြည့်တော့ လာဖို့အချိန်နီးနေပြီဖြစ်သည်။
တွေးလို့မှ မဆုံး မြည်လာသော ဘဲလ်သံ။
လာပြီဘဲ..
Liam တံခါးကို သွားဖွင့်ပေးလိုက်သည်။
"မင်္ဂလာပါ sooyeon shi အချိန်ကိုက်ရောက်လာတာဘဲ"
"အာ..ဟုတ်ကဲ့.. "
အိမ်ထဲ ဝင်ဖို့လမ်းဖွင့်ပေးလိုက်သည်။
"လာလာ...အိမ်ထဲကြွပါ"
"အမ ဧည့်သည်ရောက်လာပြီထင်တယ် အသံကြားသလိုဘဲ"
"ဟုတ်လား ဒါဆို သွားကြရအောင်"
Apron ကို ချွတ်ရင်း ပြောလာသဖြင့် သူမလည်း apron ချွတ်ကာ နှစ်ယောက် အတူ အိမ်ရှေ့ထွက်လာလိုက်သည်။P' ဧည့်သည်တွေကြား မနေချင်သော်လည်း အနည်းဆုံးတော့ နှုတ်ဆက်သင့်သည်လေ။
အိမ်ပေါက်ဝမှာ ရပ်စကားပြောနေတဲ့ P' နဲ့ အမျိုးသမီးတစ်ဦး။
အနည်းငယ် မြင်ဖူးသလိုရှိပေမယ့် မျက်မှန်မတပ်ထားသည့်အတွက် သေချာမမြင်ရ။
"Yeon!"
Tiffany အသံကြားတော့ လှည့်ကြည့်လာတဲ့ အမျိုးသမီး။
Yeon က ဘယ်လိုလုပ်ပြီး..