Savage Temptation [R18]

Chapter 18

MABIGAT ang pakiramdam at masakit ang ulo ni Feliza, nang magising siya. Nasa kwarto niya siya ngayon at hindi niya alam kung paano siya nakauwi ng ligtas dahil sa sobrang pag-inom niya kagabi ay nahilo na siya at nakatulog.

Ipinikit niya at ibinukas ang mga mata saka umupo sa higaan. Umikot ang paningin niya kaya hindi muna siya gumalaw. Narinig niya ang ingay ng pagbukas ng pinto kaya napamulat siya ng mata at sumalubong sa paningin niya ang malamig na tingin ni Damien. Naka-cargo short ito at itim na T-shirt.

Ang gwapo nito sa umaga kahit hindi ito nakangiti.

"Eat your food and drink the medicine," sabi nito at inilapag sa kama niya ang tray ng pagkain. "Next time don't drink too much alcohol, if you can't handle," may bahid na iritasyon na sabi nito.

Napakunot ang kilay niya sa sinabi nito. "Naabala ka ba ng pag-inom ko? Bakit mukhang naiinis ka?" Matiim lang siya nitong tinignan at hindi nagsalita.

Kinuha niya na lang ang tray ng pagkain. Hot dog at sinangag ang pagkain niya na mukhang si Damien, ang nagluto. Kahit naman kasi lumaking mayaman ito ay marunong din siyang magluto. Susubo na sana siya kaya lang napansin niya na nakatingin pa rin sa kanya si Damien, at mukhang walang balak siyang iwan.

Nakakapagtaka kasi hindi ba iniiwasan siya nito tapos ngayon nandito pa ito sa kwarto niya at wari'y binabantayan siya. "Lumabas ka na, I can handle myself," untag niya sa binata. Hindi ito kumilos, ni inalis ang tingin sa kanya. "Damien, lumabas ka na."

"Huwag ka ng iinom ulit sa susunod at lalong 'wag ka ng makikipag-inuman sa ibang lalaki," mahinahon na sabi nito. Napatitig siya sa mukha nito na seryoso at nagulat pa siya nang umupo ito sa kama niya at matiim siyang tinitigan. "You made me so worried."

Napanganga siya sa gulat. "You're worried?" halos bulong na tanong niya.

Yes. And next time avoid men like the guy with you, yesterday. He's right, you are beautiful, but that kind of guy is not worth to trust,"bumuntong hininga ito,"play boy ang mga tulad niya."

Si Slash ang tinutukoy ni Damien at kahit siya nahalata niya na play boy ang tulad ni Slash. Pero sinabi ni Damien na tama si Slash, na maganda raw siya. Paano nito nalaman na sinabi iyon ni Slash?

"Hindi kaya naging madaldal ako kagabi? Oh my God!

Naramdaman niya na nag-iinit ang mukha niya. Hinaplos ni Damien, ang pisngi niya na ikinagulat niya. "I like you Feliza. At hindi kita pinandidirihan, like what you think."

"A-ano? You like me?" Kumabog ng mabilis ang puso niya at sa tingin niya kahit si Damien na nasa harap niya ay maririnig ang kabog na iyon ng puso niya.

"Yes," sabi nito at ngumiti ito, na lalong ikinalaki ng mata niya. Ito ang unang beses na nakita niya na ngumiti ang binata. At kung gwapo ito kahit hindi ito ngumingiti ay mas lalo itong gumwapo dahil sa pagngiti niyang iyon.

"Ngumiti ka? Damien, ngumiti ka!" bulalas niya. Mukhang kahit ito nagulat sa sinabi niya.

"Ngumiti ako. Mukhang marami ka talagang nababago sa akin." Hinawakan ni Damien ang kamay niya at pinisil ito. "Huwag ka na magalit sa akin, ha."

Tumango siya. "Basta 'wag mo na akong iiwasan na parang ang baho ko."

"Simula ngayon, hindi na kita iiwasan. Kahit mabaho ka pa," sabi nito na ikinangiti niya.

"Hala!" bulalas niya. Nakadama siya ng hiya at lumayo sa binata. "H-hindi pa ako naliligo."

"Mabango ka pa rin kahit hindi ka naligo-

"Maliligo na muna ako." Hindi na niya pinayagang pigilan siya ni Damien, nagmamadali siyang kumuha ng damit sa kabinet at lumabas ng kwarto para pumunta sa banyo saka naligo.