يقين الصمت

البارت الثاني

مساء الخير على الجميع
..
..
.

سالم ...طبيت للبيت أباوع هبه فايضه بدمها ...وواكعه بنص البيت التفت يمنه يسره ..صحت على ناديه وبسعاد بس محد جاوبني .... شلتها وطلعت أركض بالشارع وهي فاقدة ....
أخذتها للمستشفى

بلال .... شنو السالفه بسعاد شنو أطلع الرجال ..يا رجال شبيج

بسعاد .... شوف بلال ....لتسوي نفسك متعرف السالفه ...... والله افضحك واروح ابلغ عليك ..واكلهم أنته تتاجر....بالممنوع
وبعدني ما مخلصه الحجايه ...سد حلكي وسحبني للبيت

بلال ....لج بسعاد شبيج تخبلتي ...شلون تحجين هيج حجي بباب البيت متخافين احد يسمعج

بسعاد ....ولك تخاف من الناس وما خفت الله بهاي المسكينه ..وأنت تشوف واحد يعتدي عليها ببيتك .....شوف بلال ...كلشي أقبل تسوي بيه وتحجي عليه وأسكت وأبلعها .......بس مال يروح شرف ناديه وبيتك .... لا والله ادمرك

بلال ....ههههه شبيج هو قابل وين راح شرفها

بسعاد .... شنو وين راح ...وهذا الحيوان إلي معتدي عليها كبال عينك ....
أباوع بلال طلع شدة مال دولارات من جيبه ...

بلال ...هاج يلعوبه

بسعاد ...شنو هاي

بلال ...هذا مهر بتج ...

بسعاد .... أنته شارب شئ ....أكلك واحد معتدي عليها ببيتك ...أنته تكول هاج مهرها ..يامهر هذا

بلال ....شوفي بسعاد ...أنسي ألي أعتدى عليها ..وأخذي هاي الفلوس ...رتبي ناديه بيهن وحظريها ...وإني كم يوم وأجي أخذها بزفه كدام كل الناس ... شكلتي

بسعاد ... وين ... تأخذها

بلال .... أكلج هذا مهرها وين أخذها يعني غير لصاحب النصيب

بسعاد ....ولك بلال غير أفتهم

بلال ....بسعاد شتريدين تفتهمين ...... شوفي اذا تردين أجيبلج الباشا الي جان يمي .... هاي السالفه أنسيها ...وإذا على شرف بتج ...أرجعه ...بزفه كدام الناس بعد شتريدين

بسعاد ....أوكف أوكف فهمني قصدك

بلال ...عاش فهمج ...ولج أني بعد كم يوم أجيب جماعه ..وأزف ناديه كدام كل الناس لابسه بدلتها البيضه .....ازفها.. عروسه لبيتي

بسعاد ... يعني أنت راح تتزوجها

بلال ...اتزوجها شنو إنتي مخبله

بسعاد ....شلون لعد تزفها

بلال ...ازفها كدام الناس وأجيبها لبيتي .... تشتغل ويانه ...وتعيش عيشة الملوك .....ولج إنتي عبالج كل البنات ألي يتزوجن بعدهن محافظات على شرفهن ... والله نصهن ... يزفوهن مثل ما أزفج يوميه للزلم

بسعاد .... ولك أنته شكاعد تحجي ... أنت مخبل اكو عروس يزفوها بدون عريس

بلال .... كولي ... أكو واحد غيرج يعرف إلي صار بناديه