يقين الصمت

البارت الثامن

اهلا بكم من جديد أحبتي ومتابعيني

.
.
.
أبو جاسم  ....هبه عمي إنتي قابله على هذا الحجي

بسعاد ....شنو الحجي أبو جاسم ...اني أريد أخذ بتي ..... و أرجع لبيتي ..شو الفاتحه وخلصت ..بعد شنو معنى كعدتنه عندك

ابو جاسم .....والله إنتي تعرفين اكثر شئ اكره بحياتي هو شوفة وجهج واتمنى ترحين اليوم قبل باجر

بسعاد ....هااااا ....أها ..بعد عليمن معترض على رجعتنه

ابو جاسم .....بسعاد روحي دزي هبه عندي حجي وياها

بسعاد .....هههههه اكلك نروح لبيتنه ...بعد شعندك حجي ويا ها

ابو جاسم....بسعاد دزيلي هبه ...أريد احجي وياها ..وإنتي إذا تردين من هسه انقلعي من بيتي

بسعاد ..... خوششششش
عفته ...وصحت هبه

هبه ...هاااا شرايده مني

بسعاد .....ما أريد منج شئ ...شوفي عمج يريدج ...

هبه ..... وين هو

بسعاد ..... كاعد بالهول ...اسمعي ولج   شيكول انتي لتقبلين عليه ...جاوبي بس حجايه وحده ... أريد ارجع للبيت وي أمي

هبه ....أي فهمت

ابو جاسم ......عمو هباوي  إنتي قابله على رجعتكم ...للبيت  بس نسوان بدون رجال  ...وأنتي تدرين...إني بعيد عليجن ما أكدر اطمئن عليكم يوميه

هبه .... هااااا والله عمو هاي رغبة أمي

ابو جاسم .... إذا هاي رغبتها وإنتي ما عاجبج ترجعين ... أبقي عندي يا بعد عمج .... إني أعرف أمج ومشيها الأعوج..واخاف عليج منها

هبه .... لا عمو ميصير أبقى عندك وأعوف أمي وحدها

أبو جاسم .... والله هاي روحتج على أعصابي ...بس اني عندي رأي ...وطلب.....ولو مو وكته

هبه ...تفضل عمو شتريد إني حاظره

ابو جاسم .... أكول اذا أخذج لجاسم واعقدلج عليه بالحلال وعلى سنة الله ورسوله ... راح تكدرين تبقين هنا ...معززه مكرمه ...ونحطج بعيونه

هبه ...من كال إسم جاسم أحس جسمي كله كام يرجف ... لأن شكله وهو يبوس بأمي ما كاعد يروح من بالي
لا ..لا عمو ما أكدر اتزوج جاسم

ابو جاسم ....أدري بيج قلبج بعده مجروح على ابوج .... وحزينه بس والله ياعمي هذا أحسن حل حتى تخلصين من أمج ..وسوالفها و جاسم خوش ولد وإني يمج

هبه .... لا عمو فدوه ..ما أكدر ..الله يخليك ...وافق على رجعتنه للبيت ....

ابو جاسم ...براحتج ...هسه أكول لجاسم .... حتى يوصلكم ...شوكت متريدون

هبه .... ماكو داعي ...جاسم يوصلنه أحنه نروح وحدنه

ابو جاسم.... هبه ...إني هم أجي ويا حتى ننزل  كدام الناس وكلها تعرف عدجن أهل وأكو  وزلم وراجن