يقين الصمت

البارت التاسع والاربعين

مساء الخيرات على كل متابعيني

.
.
.
روكان ..... من شفت خجلها مني.... زاد حبها بقلبي وقررت اعلن زواجنه بأسرع .....واعوضها عن كل الحزن الي عاشت بي ...بكل حياتها ....
صار العصر ..وطلعنه للسوك واشترت فستان ابيض ...

هبه .... روكان ...فدوه اريد اكلب منك طلب

روكان ....انتي تأمرين روكان

هبه .....وديني لبيتي اريد اشوفه

روكان .... حبيبتي خليها غير وقت

هبه ... لا فدوه روكان اريد اشوفه ... تدري من يوم انكطعت اخبار علي وسحر لليوم اني بالي مشغول .. وديني بلكي اكدر اعرف شصار وياهم

روكان .... ماشي نروح بس نطلع بسرعه حتى أخذج للصالون ... تغييرين لون شعرج وتحظرين نفسج الي

هبه .... هههههههه تدلل

روكان ..... ها ولج تردين اعضج مو كتلج ما احب تضحكين من احجي وياج

هبه .... صار حبيبي بعد ما اضحك

جابر .... باتت ناديه بالمستشفى ...وثاني يوم طلعتها للبيت....

ناديه .... رجعني جابر للبيت ..نزل جابر من السياره وشالني لفراشي ....
هههه شنو القصه جابر نزلني اني امشي

جابر .... ااششششش ..حسبي حسابج بعد ممنوع الحركه نهائي ومن باجر تجي خدامه لهذا البيت تخدم حبيبتي وام ابني وروح قلبي

ناديه ... جابر يحجي واني ما مصدكه اذني معقوله هذا الحجي الحلو يطلع من جابر ...والمن الي ...
عليمن الخدامه حبيبي قابل هاي اول مره احبل

جابر .... اششش لج انتي شنو هذا طبعك القذر .... لازم تغثيني ..وتضيعين فرحتي

ناديه ..لا والله مو قصدي بس

جابر .... بس انسي.... البس كافي ...حجي
لج ناديه هذا الي ببطنج ابن جابر تعرفين شنو يعني انت شايله أبن جابر ببطنج

ناديه ... اي

جابر .... يعني فهمتي قصدي... ما اريد اسمع منج حجايه وحده تذكرني هذا الرحم جان شايل طفل غير ابني فاهمه لو تردين اعيد الحجي ...

ناديه ...فاهمه حبيبي بس لتصير عصبي
ما اعرف اوصف فرحة جابر ..بالطفل بس فرحت وخفت بنفس الوقت ...لان تذكرت شلون اخذ مني ابني لخاطر ينطي الاخته ...وخاف هاي المره يأخذ ابنه مني ويذبني بالشارع ...
جابر واعرفه قلبه حجر ... بقت غصه بلعومي خانكتني ... اوووف ياربي حتى الفرحه ما اكدر افرحها مثل البشر يبقى الخوف وراي كل عمري

هبه ... اخذني روكان للبيت دخلت لكيت كل شئ على وضعه ... دخلت لغرفة علي وسحر ...على حطتها ...حتى مستمسكاتهم موجوده بمكانها ... شوف روكان

روكان ... ها حبي

هبه .... شوف مستمسكاتهم موجوده .... يعني علي وسحر سالفتهم مو خاليه واكيد صاير بيهم شئ